Skip to main content

தமிழீழம் தமிழனால் சாத்தியமா?

இந்தியாவின் தேர்தல் ஒரு புறம் ஈழப்போரின் கடைசிக்கட்டம் மறுபுறம் என்று இன்று காதுகளையும் மனங்களையும் காயப்படுத்திக்கொண்டிருக்கும் விடயங்கள் ஆயிரக்கணக்கு.


ஏன்டா தமிழனாய் பிறந்தோம் என்று சந்தோஷப்படுவதா இல்லை வருத்தப்படுவதா என்று தெரியவில்லை.

(நீண்ட நாட்களாக பதிவுகள் இட முடியாமல் வேலைப்பழு என்ன செய்யமுடியும் உங்களை ஏமாற்றக்கூடாதே. அரசியல் தலைவர்கள்தான் ஏமாற்றுவார்கள் நான் உங்களை ஏமாற்ற மாட்டேன். தினமும் பதிவு இட வேண்டும் என்றுதான் நினைப்பேன் முடியாமல் போய்விடும். இந்தப் பதிவும் இரவு 2 மணியளவில்தான் பதியவேண்டிய சூழ்நிலை)

நேற்று ஒரு செய்தியைக் கேட்டு புல்லரித்துப் போனேன் ஒரு நிமிடம் எனது கையை நானே கிள்ளிப் பார்த்துவிட்டேன் என்றால் பாருங்களன்.

தனிஈழம்தான் தமிழர்களுக்குத் தீர்வு என்று ஜெயலலிதா தேர்தல் பிரச்சாரக்கூட்டம் ஒன்றில் தெரிவித்திருக்கின்றார். இது பெரும் பரபரப்பை ஏற்படுத்திவிட்டது.

இவ்வளவு காலமும் உலகத் தமிழர்களின் தலைவன் என்று தன்னை பெருமையோடு கூறிக்கொண்டிருந்த கருணாநிதிக்குக் கூட இந்தச் செய்தி ஒரு இடியாகவேத்தான் இருக்கும்.

வைகோவை பொடா சட்டத்தில் உள்ளுக்குத் தள்ளியதும் இந்த ஜெயலலிதாதான் ஆனால் இன்று வைகோவுடன் கூட்டும் தனித் தமிழீழந்தான் தீர்வு என்றும் சொல்லியிருக்கின்றார் என்றால் அவரின் மனதில் ஏற்பட்ட மாற்றமா? இல்லை இதுவும் ஒரு தேர்தல் வியூகமா என்று தெரியவில்லை.

கருணாநிதியின் கபடநாடகங்கள் அரங்கேற்றப்பட்டு இன்று தோல்வியில் முடிந்து நிற்கின்றது. சிங்கள இராணுவத்தின் கட்டுப்பாட்டுப் பகுதிக்கு வரும் மக்களும் கருணாநிதியின் வேண்டுகோளுக்கிணங்கத்தான் இராணுவம் விடுகின்றது என்று கலைஞர் ரி.வி பொய் பிரச்சாரம் செய்து வருகின்றது.

முன்பு சினிமாக்காரர்களின் போராட்டங்களையும் உண்ணாவிரதங்களையும் யார் நேரடியாக ஒளிபரப்புவது என்ற போட்டியில் நேரடியாக ஒளிபரப்புச் செய்த கருணாநிதி அரசாங்கம் இன்று ஈழம் தொடர்பான செய்திகளை மூடி மறைக்கின்றது என்றால் சோனியாவுக்கு பயந்துதான் இவ்வளவும் செய்கின்றார் இந்த கருணாநிதி.

ஈழத் தமிழர்களுக்கு ஆதரவாக பாரதிராஜா தலைமையில் நடந்த போராட்டத்தில் நடிகர் சத்தியராஜ் சொன்னதுதான் உண்மை என்று தோன்றுகின்றது.


6 கோடி தமிழ் மக்கள் உள்ள தமிழ் நாட்டில் ஒரு கோடி தமிழ் மக்கள் ஒன்று திரண்டால் ஈழப்பிரச்சினைக்கு எப்போதே தீர்வு கிடைத்திருக்கும்.ஆனால் 100 தமிழனுக்கு பிரச்சினை என்றால் ஒரு தமிழன்õதான் குரல் கொடுகின்றான்.

ஒரு ராஜீவ் காந்தியை கொண்டதற்காக ஒரு இனத்தையே அழிக்கின்றார் சோனியா காந்தி.
கர்நாடகத்தில் பிரச்சினையென்றால் முழுக்கர்நாடகமே கொந்தழிக்கின்றது.

சீக்கியர்களுக்கு ஒரு பிரச்சினை என்றால் முழு சீக்கிய இனமுமே கலவரத்தில் ஈடுபடுகின்றது.


ஆனால் ஒரு தமிழனுக்கு பிரச்சினை என்றால்????????


அண்மையில் இலங்கை வந்த ஸ்ரீ ஸ்ரீ ரவிசங்கர் ஒரு பத்திரிகைப் பேட்டியில் தெரிவித்திருந்த கருத்தையும் நாம் கருத்தில் கொள்ள வேண்டும். தமிழர்கள் ஒற்றுமையாக இந்தப் பிரச்சினையை கையாண்டிருந்தால் எப்போதே தீர்வு கிடைத்திருக்கும்.

ஆனால் இன்று ஒற்றுமையாக இருக்கின்றார்களா என்றுதெரியவில்லை.


தமது சுகபோக வாழ்க்கைக்கும் பணத்திற்குமாக தமிழன் இன்று விலைபோய்க்கொண்டுதான் இருக்கின்றான்.

அன்று வீரபாண்டிய கட்டபொம்மனுக்கு ஒரு எட்டப்பன் என்றால் இன்று பிரபாகரனுக்கு எத்தனை எட்டப்பர்கள் இருக்கின்றார்கள்.

ஒரு இனத்தின் விடுதலை என்பது ஒட்டுமொத்தமாக போராட்டினால்தான் அந்த இனத்திற்கு விடுதலை கிடைக்கும்.

ஆனால் ஒட்டுமொத்தமாக ஒருபோதும் தமிழன் என்ற இனம் போராடாது அப்படி போராடினால் அந்த இனம் உலக அதிசயங்களில் ஒன்றாகத்தான் இருக்கும்.

Comments

Suresh Kumar said…
ஒரு இனத்தின் விடுதலை என்பது ஒட்டுமொத்தமாக போராட்டினால்தான் அந்த இனத்திற்கு விடுதலை கிடைக்கும்.//////////////


ஆனால் இன்று ஒரு புறம் ஆயுத போராட்டமாகவும் மறுபுறம் மக்கள் புரட்சியாகவும் மாறி விட்டது இதுவே நல்ல ஒரு முன்னேற்றம் தான் காலங்கள் மாறும் தமிழ் ஈழம் வெல்லும் .

http://kotticodu.blogspot.com/2009/04/blog-post_26.html
Anonymous said…
ஈழத்தின் தற்போதய நிலை பற்றி ,ஈழ கவி சேரனின் கவிதை ஒன்று
இந்த பதிவில் இருக்கிறது .படித்து உங்கள் கருத்தை எழுதவும்
http://tamizhinithu.blogspot.com/2009/04/blog-post_05.html
NAMNAADHU said…
முடியும்..

இன்னமும் முடியாதது எதனால்..

எட்டப்பன் கெட்டுப் போகவில்லை..

கக்கத்தில் இருந்தே கருணா பிறந்தான்..

கக்கத்தில் ஒன்று கற்பழிப்புக்கு இன்னொன்று..
இடக்ளஸ்முதல் கருணாவரை இன்று
இலட்சோப இலட்சங்களில் வாழ்க்கை..

கூட்டிச் செல்லப்பட்டவர்கள் எங்கே..

சிவராமைக் கொன்றவனுக்கு வாகனமும்
தொலைபேசி வைத்திருவனுமே கொலையாளிகள்..

நிமில ராசனைக் கொன்றவன்
பிரிட்டனில் நித்திரை கொள்கிறான்..

யோசப், குமார், ரவிராசன், ஐயகோ..
இன்னும் எத்தனை எத்தனை..
தமிழ் வல்லாளர்கள்..

எட்டப்பர்கள்.. இவர்களை யாருக்காகக் கொன்றார்கள்..?

இந்திரா வாரிசுகளுக்கும், இலங்கா அரக்கனுக்காகவும் தான்..!

இந்த எட்டப்பன்கள் இத்தனை மக்கள் இறந்தும்
வாய்திறந்தார்களா..?

புலிகளை அழித்து எலிகளோடு உறைவதற்காய்..
இந்த எட்டப்பர்கள்..

எந்த வரலாற்றும் இல்லாத இவர்களால்

இவர்களை வைத்தே
இந்தியா புலனாய்கிறது..

இந்தியாவால் பிடிக்க
இராசபக்சா கொன்று தள்ளுகிறான்..

குண்டுகளை
கண்டுபிடிக்கும் கதுவீகளை அள்ளிக் கொடுக்கிறது..
இந்தியா..

உலக நாடுகள் எங்கும், தமிழகத்திலும்
போரை நிறுத்தச் சொல்கிறார்கள்..

டெல்லி மட்டும் இலங்கைக்குப்போய்
நல்லாக அடி என்றுவிட்டு வருகிறார்கள்..

எட்டப்பன்களாலும், கெட்டப்பன்களாலும்
இன்னும் தமிழீழம் வெல்லப்படவில்லை..

ஆனால் வென்றே தீரும்..

எட்டப்பனும் கெட்டப்பனும்
துட்டப்பன்களும்
துடைத்தெறியப்படும் நாட்கள்
தொலைவில் இல்லை..

-எல்லாளன்.
Anonymous said…
எல்லாளன் நீங்கள் சொல்வது நடந்தால் முதலில் சந்தோஷப்படுவேன்
ஆனால் அது சாத்தியமற்றது.

Popular posts from this blog

காதல் காவியம் லைலா மஜ்னு

லைலா மஜ்னு காதல் காவியம் 7 ஆம் நூற்றாண்டில் அரேபிய தீபகற்பத்தின் வடக்கில் வாழ்ந்த காயிஸ் இப்ன் அல் முல்லாவாஹ் எனும் இளைஞனை வாழ்க்கையை அடிப்படையாக வைத்து எழுத்தப்பட்டது.

பெரும் செல்வந்த குடும்பமொன்றைச் சேர்ந்த அழகிய பெண் லைலா. காயிஸ் ஏழ்மையான ஒரு கவிஞன். அவ்விருவருக்கும் இடையில் காதல் மலர்கிறது. இருவரும் உயிருக்குயிராக நேசிக்கிறார்கள். லைலாவுக்காக ஏராளமான கவிதைகளை அவன் எழுதுகிறான்.
ஆனால் விதி வேறு மாதிரி இருந்தது. லைலாவும் காயிஸும் காதல் கொண்டிருப்பதை அறிந்த லைலாவின் பெற்றோர் இருவரும் ஒருவரையொருவர் பார்க்க முடியாதவாறு பிரித்து வைக்கிறார்கள்.செல்வந்த இளைஞன் ஒருனுக்கு லைலாவை திருமணம் செய்துவைக்கிறார்கள். கணவனுடன் மாளிகையில் வசித்த போதிலும் காயிஸை பிரிந்ததை லைலாவினால் தாங்கிக்கொள்ள முடியவில்லை.

அவள் தற்கொலைசெய்துகொள்கிறாள்.லைலாவின் திருமணத்தை அறிந்த காயிஸ் பித்துப்பிடித்தவனாகிறான். இறுதியில் லைலாவின் கல்லறைக்கு அருகிலேயே அவன் இறந்து கிடக்கக் காணப்படுகிறான். லைலாவைப் பிரிந்து துயரத்தில் காயிஸ் பித்தனாக அலைந்தமையால் அவன் மஜ்னு அல்லது லைலாவின் மஜ்னுன் என அழைக்கப்பட்டான். இதற்கு "லைலா பைத்…

தலையில் மண்ணை கொட்டிய சூர்யா..

புவனேஸ்வரி விடயத்தில் பத்திரிகைகள் செய்திகளை வெளியிட்டதனால் கோடம்பாக்கமே குமுறுறி தனது கோபத்தை தீர்த்துவிட்டது.
பத்திரிகைக்காயாளர்களினால் தான் இந்த நடிகை நடிகர்கள் வளர்ந்திருக்கின்றார்கள். இன்று நடிகர்களை ரசிகர்கள் கடவுளாக மதிப்பதற்கு பத்திரிகைகள் அவர்களுக்கு கொடுத்த ஆதரவுதான் காரணம். அதனால்தான் அவர்கள் ரசிகர்கர்களது மனங்களில் இடம்பிடிக்கவும் செய்திருக்கின்றார்கள்.
பத்திரிகையாளர்களுக்கு காட்டாயம் இப்படியான ஒரு எதிர்ப்பு வந்தது நல்லது என்றுதான் சொல்லலாம்.
நடிகர்களை அடுத்த முதல்வர் என்ற ரேஞ்சுக்கு கொண்டு வந்து இருத்த்தியவர்கள் பத்திரிகையாளர்கள்.
இன்று சூர்யா நல்ல நிலைக்கு வருவதற்கு அவரது உழைப்பு ஒரு காரணமாகா இருக்கலாம். அந்த உழைப்பை அங்கீகரித்தவர்கள் பத்திரிகையாளர்கள் என்பதை சூர்யா மறந்துவிட்டார்போல.
தொடர் வெற்றிகள் என்பது ஒருவனுக்கு தலைகணத்தை ஏற்படுத்தும் அது சூர்யாவுக்கு மிகவும் பொறுந்தும்.
ரஜினி கூட பேசுகையில் பத்திரிகையாளர்ளை மதித்துத்தான் பேசினார்.
அவர் இருக்கும் உச்சத்துக்கு பத்திரிகைகள்தான் காரணம் என்று நன்கு புரிந்தவர்.
நடிகைகள் ஏதோ பத்தினிகள் மாதிரி இவ்வளவு முழக்கமும் போராட்டமும்.
நட…