விதியின் சதி்

ரஹ்மான் இசையில் பாட ஆசை-

2011-11-04T04:30:00.000-07:00

சூப்பர் சிங்கர்ஸ் என்றவுடன் ஞாபகம் வருவது.. பாடகர்களா? இல்லை நடுவர்களா? என்று தெரியவில்லை... ஆனால் அனைவரது மனங்களை கொள்ளைக்கொண்டவர் தொகுப்பாளினி.. திவ்யாதான்.. ஒரு பாடகியாக இருந்துகொண்டு சூப்பர் சிங்கர் நிகழ்ச்சியையும் தொகுத்து வழங்கும் திவ்யா இலங்கை வந்திருந்திருந்தார். இவரை தீபாவளி மித்திரன் வாரமலருக்குக்காக சந்தித்தபோது....

உங்களது திரை இசைப் பயணம் பற்றி..

எனது இசைப் பயணம் தெலுங்கில் வெளியான ரெடி என்ற படத்தில் இடம்பெற்ற ஓம் நமஸதே என்ற பாடலுடன் ஆரம்பமானது. அதற்கு அப்புறம் தமிழில் வில்லுபடத்தில் “தீம் தனக்க தில்லானா என்ற பாடலை தேவிஸ்ரீ பிரசாத்தின் இசைப்யில் பாடினேன். தமிழில் தீராதவிளையாட்டுப் பிள்ளை படத்தில் என் ஜன்னல் வந்த காற்று, கனகவேல் காக்க இப் போது டூ படத்தில் கையை தொட.. போன்ற பாடல்களைப் பாடியுளளேன். தொடர்ந்தும் தமிழ், தெலுங்கு, கன்னடம் போன்ற மொழிகளில் பாடிக்கொண்டிருக்கின்றேன்.

தமிழ் இசையமைப்பாளர்களில் யார் யாருடன் பணியாற்றியிருக்கின்றீர்கள்?

அவர்கள் உடனான அனுபவங்கள்?தமிழில் தேவிஸ்ரீபிரசாத், யுவன் சங்கர்ராஜா, விஜசூ அன்டனி, ஸ்ரீகாந்த் தேவா, ஹாரிஸ் ஜெயராஜ், மணி சர்மா போன்றோரின் இசையமைப்பில் பாடியிருக்கினறேன்.

தேவிஸ்ரீபிரசாத்

தேவிஸ்ரீபிரசாத்தை எனக்கு சின்ன வயத்தில் இருந்து தெரியும். நான் சின்னவயதில் எப்படி பாடுவேன் என்பதை அவர் அறிந்திருந்தார். அவரது இசையமைப்பில் எந்தப் பாடகராக இருந்தாலும் ஈஸியா பாடுவார்கள் . எங்களுக்கு அழுத்தம் கிடையாது. இப்படித்தான் பாடனும் என்று யாருமே வந்து ஒன்றும் சொல்ல மாட்டார்கள். இதுதான் டியூன் அதற்கு ஏற்ற மாதிரி பாடுங்கள் பிறகு அதை சரி செய்யலாம் என்று சொல்லுவார். அந்த மாதிரி ஒரு சுதந்திரம் கிடைக்கும்.

ஹாரிஸ் ஜெயராஜ்,

ஹாரிஸ் ஜெயராஜ் ஒரு வரியை 10 தடவை பாடச் சொல்லுவார். அவ்வளவு ஆத்மார்த்தமாக செய்வார். சரியாக வரும் வரைக்கும் பாடச் சொல்லுவார் ரொம்ப ரொம்ப கஷ்டப்படுத்திடுவார். ஆனால் பாடினதுக்கு அப்புறம் தான் தெரியும் அவ்வளவு அழகாக அந்த பாடல் வந்திருக்கும். ஒரு பாடல் முடிப்பதற்கு நிறைய நேரம் எடுப்பார். புதிய பாடகர்கள் என்று இல்லாமல் பெரிய பாடகர்களும் அப்படித்தான் பாடவேண்டும். இவ்வாறான பெரிய இசையமைப்பாளரிடம் பாடுவதை நான் பெருமையாக நினைக்கின்றேன்.

விஜய் அன்டனி,

அவரிடம் பாடுவது ரொம்ப ஈஸி.. ரெககொடிங் போனால் அவர் இருக்கமாட்டார். யாராவது ரியூனைத் தருவார்கள். அதைப்பாடிவிட்டு வரவேண்டியதுதான். பிறகு அவர் திருத்திக்கொள்வார். அவருக்கு எந்த விதமாக பாடினாலும் சரி.

யுவன்,

யுவன் சங்கர்ராஜா இசையில் மூன்று பாடல்கள் பாடியிருக்கினறேன். ஆனால் அந்த மூன்று பாடல்களைப் பாடும் போதும் அவர் இல்லை. அங்கு பாடுமபோது ஒரு புதுவித அனுபவம். இசையமைப்பாளர் இல்லாமேலயே பாடியிருக்கின்றேன். பாடலைக் கேட்டுவிட்டு அவர் சொல்வார் ""நல்லாயிருக்கு நான் மிக்ஸ் பண்ணிவிடுறேன் என்று. நீயும் சவுண்ட் இன்ஜினியரும் பாடிக்கொள்ளுங்கள். நான் பிறகு பார்த்துக்கொள்கின்றேன் என்பார்.

நல்லது பிரபல்யமான இசையமைப்பாளகளுடன் பணியாற்றியுள்ளீர்கள். எந்த இசையமைப்பாளர் இசையில் பாடவேண்டும் என்ற ஆசை உங்களுக்கு உள்ளது?

கண்டிப்பாக ஏ.ஆர்.ரஹ்மான் இசையில் ஒரு பாட்டாவது பாடவேண்டும். எல்லோரும் இருக்கிற ஆசை தான். எனக்கும் உள்ளது.
பாடகியாக வலம்வந்த நீங்கள் இப்போது நிகழ்ச்சிகளை தொகுத்து வழங்குகிறீர்கள். இதில் எது உங்களுக்கு பிடித்தமானதாகவுள்ளது?

பாடல்கள் பாடுவதுதான் எனக்கு பிடிக்கும். அது சுலபம் தொகுப்பாளினியாக இருப்பது ரொம்ப கஷ்டம். ஒரு தொகுப்பாளினி பார்வையாளர்களின் மனதைக் கவரவேண்டும். அது ரொம்பா கஷ்டமான விடயம். ஆனால் பாடுவது இப்படியானதல்ல. இசையமைப்பாளர் சொல்லித் தருவதை பாடிவிட்டு வந்தால் போதும். ஆனால், ரி.வி.யில் அப்படியில்லை. ஒவ்வொரு விடயத்தையும் நாமதான் பார்த்து பண்ணணும்.

நல்லது இதுவரை நீங்கள் கேட்ட பாடல்களில் இந்தப் பாடலை நான் பாடியிருக்கலாம் என்று நினைக்கும் பாடல் எது?..

யுவனின் இசையில் வந்த "இதுவரை இல்லாத உணர்விது' என்ற பாடல். இதனை அன்ரியாதான் பாடியிருந தாங்க அவங்க பாடினது எனக்கு ரொம்ப பிடிக்கும். ஆனால் நான் பாடியிருக்கலாமே என்று யோசிப்பேன்.

சூப்பர் சிங்கர் திவ்யாவைப்பற்றி சொல்லுங்களேன்..

.தாய் மொழி மலையாளம் என்பதால் நான் முதலில் மலையாளத்தில் தான் ரி.வி தொகுப்பாளினியாக இருந்தேன். பிறகு அதற்கு விடைகொடுத்துவிட்டு அப்புறம் பாடகியாகிடடேன். அப்பொழுதுதான் விஜய் ரி.வியில் ஒரு நிகழ்ச்சிக்காக என்னை பாட அழைத்திருந்தார்கள். அப்பொழுது என்னை கேட்டார்கள். தொகுப்பாளினியாக செய்ய முடியுமா என்று நானும் ஓகே சொல்லி விட்டேன்.சூப்பர் சிங்கர் தான் என் வாழ்க்கையின் ஒரு திருப்புமுனை. அது ஆரம்பித்தபோது மக்களிடம் எப்படிபோய் சேரும் என்று எனக்குத் தெரியாது. அதற்கு முன்னர் நான் பாடியிருந்தாலும் சூப்பர் சிங்கர் ஆரம்பித்த பின்புதான் ஓ.. இவங்கதான் திவ்யா என்று மக்கள் அடையாளம் கண்டுகொண்டார்கள். கண்டிப்பாக சூப்பர் சிங்கர் குழுவுக்கு நான் நன்றிக்கடமைப்பட்டிருக்கின்றேன். சூப்பர் சிங்கர் இல்லை என்றால் திவ்யாவே இல்லை. இந்த மாதிரி மக்கள் மத்தியில் ஒரு பெயர் வேண்டித் தந்தது அந்த நிகழ்ச்சிதான். ஆரம்பத்தில் ரொம்ப கஷ்டமாக இருந்தது. ஏன் ஏன்றால் நான் ஒரு மலையாளி. வீட்டில் மலையாளம் பேசுறனான். ஆனால், தமிழில் ஒரு நிகழ்ச்சி அதுவும் தொலைக்காட்சியில் செய்ய வேண்டும் என்றால் அந்த மொழயே தெரியாமல் பண்ணவேண்டிய சூழ்நிலையில் இருநதேன். முதலில் மக்கள் என்னை விரும்பவில்லை. நிறையபேர் ஏன் இந்த பெண்ணு பண்ணுது என்று கேட்டிருக்காங்க. அதற்கு பிறகு மக்களுக்கு என்னை ரொம்ப பிடித்துபபோய்விட்டது. பார்த்தவுடன் ஈஸியான தொழில் என்று நினைப்பார்கள். அங்கு வந்துபார்த்தாத்தான் தெரியும் அந்த குழு எவ்வளவு கஷ்டப்பட்டு செய்யுறாங்கள் என்று.

இலங்கை வந்திருக்கீங்க. இங்குள்ள ரசிகர்கள் பற்றி..

ஆஹா.. ஆஹா.. என்றுதான் சொல்ல முடியும்.. நான் முதலில் வந்தது திருகோணமலைக்குத்தான். அங்கு பெரிய மைதானத்தில்தான் எங்களது நிகழ்ச்சி ஏற்பாடாகியிருந்தது. நான் உடனே கேடடேன் ஏன் இவ்வளவு பெரிய மைதானத்தில் என்று பிறகுதான் தெரிந்தது அந்த மைதானம் முழுவதும் மக்கள் திரண்டிருந்து நல்ல வரவேற்பைத் தந்திருந்தார்கள். எப்ப கூப்பிட்டாலும் நான் வந்து நிகழ்ச்சி செய்ய ரெடியா இருக்கினறேன்...

2011 புதுவருடம் பிறக்கும்போது

2011-01-01T10:09:00.000-08:00

அடஅடடடடடட 2011 ஆம் பிறந்து விட்டதே... எதோ.. நேற்றுத்தான் 2010 பிறந்தது போல் இருக்கிறதே..... அதற்குள் விடைபெற்றுவிட்டதா? 2010.... சரி...... இப்ப என்ன போனதை கொண்டுவரமுடியுமா என்ன? என்று நீங்கள் திட்டுவது புரியுது சரி சரி அதை விடுங்க....... 2011 புதுவருடம் பிறக்கும்போது.... எத்தனை உள்ளங்கள் தங்கள் அன்பு முத்தங்களைப் பரிமாறிக்கொண்டிருந்தன... அதில் ஒரு சில மட்டுமே.... இங்கே...

நடிகர்கள் என்று நிரூபித்த நடிகர்கள்

2010-07-26T05:28:00.000-07:00

இலங்கைக்கு நடிகர்கள் செல்லக்கூடாது..... தமிழர்களை கொன்று குவித்த நாட்டில் மஹிந்த அரசாங்கம் நடத்தும் ஐபா திரைப்பட விருது விழாவுக்கு செல்லக்கூடாது என்று தடை விதித்த போது உலகத் தமிழ் இனமே... நடிகர் சங்கத்திற்கு வாழ்த்துக்கள் அனுப்பின.... தமிழர்கள் ஒன்று பட்டுவிட்டோம் என்ற சந்தோசத்தில்....

சரி அதன் பிறகு .. அசின் வந்தாங்க... அதற்கு ராதா ரவி அசினுக்கு கட்டாயம் தடை விதிப்போம் என்றார்... என்ன நடந்தது புஷ்வானமாகிவிட்டது.. சரி அதுதான்... புஷ் வானமாகிவிட்டாலும்... அதற்கு நடிகர் சங்கம் எடுத்த முடிவு இல்லை.. எல்லாம் கருணாநிதி எடுத்த முடிவுதான்.. அவரும் நடிகர்தானே... அசின் விவகாரம் அதனால் விஜயின் காவல்காரனுக்கு பாதிப்பு வரும் விஜயை வைத்த தி.மு.கா. அரசியல் நடத்துகின்றது.
சரி அதைவிடுங்கள்... சரத்குமார் எவ்வளவு வீரவசனம் பேசினார் என்ன படமா காட்டுறீங்கள் சரத்குமார் அவர்களே..

ராதிகாவுக்கு இலங்கையில் பல வியாபாரங்கள் இருக்கின்றன.. ராடன் தயாரிப்பு பல சிங்கள ரி.வி நிகழ்ச்சிகளை நடத்திவருகின்றன. அதனால் இலங்கைக்கு அடிக்கடிவரும் ராதிகாவும் சரத்குமாரும் இந்தத் தடையினால் வியாபாராமும் தடைபட்டுவிடுமோ என்ற பயம்தான். அண்மையில் நடிகர் சங்கம் வெளியிட்ட அறிகை.

ஏன். சரத்குமாரும் ராதிகாவும் அடிக்கடி இலங்கை வந்து செல்கின்றனரே ஒரு நாளாவது வன்னிப் பகுதிக்குச் சென்று வந்தார்களா?? இல்லை தமிழ் மக்கள் படும் துன்பங்களில் பங்குகொண்டார்களா?.. சும்மா புலம்பெயர் மக்களையும் தமிழ் நாட்டுத் தமிழர்களையும் ஏமாற்றுவதற்காகவே நடிகர் சங்கத்தில் இருந்துகொண்டு அறிக்கை விடுகின்றனர்.

நடிகர் குழு அடங்கிய குழு விரைவில் இலங்கை போகும் என்று அறிகை விட்ட சரத்குமார் அவர்களே அடிக்கடி வந்து போகும் உங்களுக்குத் தெரியாதுபோல... சரத்குமாரின் பிறந்தநாளுக்காக கருணாநிதியிடம் ஆசிபெறவா போனார்கள்.. இல்லையே கருணாநிதியிடம் அரசியல் பேசத்தான் போனார்கள்.. நாங்கள் இலங்கையில் பிசினஸ் செய்கின்றம். அதற்கு பங்கம் விளைவிக்காமல் இருக்க கருணாநிதியிடம் வியாபாரம் பேசத்தான் போனார்கள்.

இன்று தமிழர்கள் பகுதிகளில் அத்துமீறிய குடியேற்றங்கள் நடைபெற்றுக்கொண்டிருக்கின்றன.. இதை தடுக்க நடிகர் சங்கம் ஏன் கருணாநிதியை நாடவில்லை..
வன்னிக்கு வந்தால் பைஸ்டார் ஹோட்டல்கள் இல்லையே நீங்கள் தங்குவதற்கு என்ற அச்சமா?

இல்லை வந்தால் யாரும் பணம் தரமாட்டார்களே எங்களது பணம்தான் வீணாகிவிடுமோ என்ற அச்சமா?

மலேசியா சிங்கபூர் டுபாய் லண்டனில் எல்லாம் நட்சத்திர விழாவோ உடனே சென்றுவிடும் நடிகர்களுக்கு ஈழத்தமிழர்களை வந்து பார்ப்பதற்கு என்ன தடை?

எங்களது தொப்புள் கொடி உறவுகள் நாங்கள் என்று கொண்டாடும் நீங்கள் ஒரு தடவை வந்து உங்கள் தொப்புள்கொடி உறவுகளை பார்த்தால் என்ன?

நன்றி

2010-05-25T09:21:00.001-07:00

ஒப்பாரிகளின் கூடமாகிப்போய்விட்ட வானொலிகள்

2010-05-10T01:03:00.000-07:00

என்னடா வானொலி நிலையங்களில் யாராவது இறந்துவிட்டார்களா ஒப்பாரி வைக்கின்றார்கள் என்று எல்லாம் நினைக்கவேண்டாம்.

அறிவிப்பாளர்கள் என்றால் குறிப்பிட்டுச் சொல்லும் படி அவர்களின் திறமையும் தனித்தன்மையும் வெளிப்படும் மயில்வாகனம், கே.எஸ்.ராஜா, ராஜேஸ்வரி சண்முகம் என்றால் அவர்களின் நிகழ்சிசயைக் கேட்பதற்கு என்றே கூட்டம் இருந்தது. அதற்கு அடுத்த தலைமுறையினர் என்று வந்த இளைய தம்பி தயானந்தா, எழில்வேந்தன், நடராஜ சிவம் போன்றவர்கள் தமது திறமையினையையும் நேயர்களிடம் பெற்றிருந்தினர்.
நேயர்களிடம் ஒலிபரப்பாளர்கள் சகஜமாகப் பேசவேண்டும் என்று வானொலிகளில் மாற்றத்தைக் கொண்டு வர ஆரம்பித்தார்கள். அன்றுதான் வானொலிகளுக்கு சனியன் பிடித்தது என்று சொல்லலாம். பிடித்த சனியன் சும்மா சனியன் இல்லை ஏழரைச் சனியன் என்றுதான் நினைக்கின்றன்.

சக்தி, சூரியன், சுவர்ணஒலி (அழிந்துபோன வானொலி), வெற்றி. வசந்தம் என்று வானொலி நிலையங்கள் தங்கள் ஒலிபரப்பைச் செய்துகொண்டு இருக்கின்றன.
ஆரம்பத்தில் சக்தி, சூரியன் ஆகியன காலையில் சக்தியென்றால் அது லோசனும் எழில்வேந்தனும் சூரியன் என்றால் வியாசாவும் அபர்னாவும், தென்றல் அது வழமையான நிகழ்ச்சி காலையில் ஒரு கலாட்டாவாக ஆரம்பித்தன இந்த நிகழ்ச்சிகள் இது மக்களிடையே பெரு வரவேற்பபை பெற்றது என்றால் உண்மைதான்.

நாள் ஒரு வண்ணம் பொழுதுவண்ணம் என்று வந்து குவிந்த வானொலி அறிவிப்பாளர்கள் நிகழ்ச்சி செய்ய வந்தார்களா இல்லை தாங்கள் கூத்தடிக்க வந்தார்களா என்று தெரியவில்லை ஒரே ஒப்பாரி மயம்தான். காலையில் தொடங்கிய இந்த ஒப்பாரிகள் இரவில் கூட அமைதியாக செல்லும் என்று பார்த்தால் அங்கையும் காதுக்கடிகள் எப்படித்தான் மக்கள் வானொலிகளைக் கேட்டு அறிவைப் பெருக்க முடியும் இந்தக்காலத்தில். ஒரு தகவலும் இல்லை ஒரு மண்ணாங்கட்டியும் இல்லை அவன் அவளைக் கடிப்பதும் அவள் அவனைக் கடிப்பதும்தான் கெ.. கெ.. கெ.. என்று சிரிப்பதும் தான் நிகழ்ச்சி என்று செய்துகொண்டிருக்கின்றார்கள்.

சக்தி, சூரியன் வானொலிகளில் மாலை நேர நிகழ்ச்சிகள் செய்பவர்கள் திருவிழாவில் பிள்ளையை தொலைத்துவிட்டு கத்தும் குடும்பம் மாதிரி கத்துகின்றார்கள் ஏதோ சவுண் எஞ்சினியரின் பிள்ளைகள் என்று நினைப்புப்போல.

வானொலி அறிவிப்பாளர்கள் என்றால் அது கடல் கடந்தும் இந்தியாவரை பிரபல்யமான காலம் ஒன்று இருக்கு ஏன் இப்ப கூட அங்குள்ள தனியார் வானொலிகளில் இலங்கையைச் சேர்ந்த இளைஞர்கள் பலர் அறிவிப்பாளர்களாக பிரகாசிக்கின்றனர். அப்படி இலங்கை அறிவிப்பாளர்களுக்கு ஒரு மவூசு இருக்கு. இதய ராகம் என்றால் அது ரவூப். நேற்றைய காற்று என்றால் அது ரமணன். என்று மக்களால் அறியப்பட்டார்கள். இன்று யார்தான் என்ன நிகழ்ச்சி செய்கின்றார்களோ தெரியவில்லை நிகழ்ச்சிகளின் பெயர்தான் மாறியிருக்கே தவி காலையில் தொடங்கினால் இரவு வரைக்கும் ஒரே மாதிரியான நிகழ்ச்சிகளே செய்கின்றனர்.

அண்மையில் ஒரு வானொலி நிகழ்ச்சியை கேட்டபோது....
ஒரு நேயர் தொலைபேசியில் வாப்பாவுக்கும் உம்மாவுக்கும் நானாவுக்கும் பாடல் தரும்படி கேட்டுக்கொண்டார். அதற்கு அந்த அறிவிப்பாளர் வாப்பா என்றால் யார்? உம்மா என்றால் யார்? நானா என்றால் யார் என்று அந்த நேயரை ரொம்பவும் நக்கலாக கையாண்டார். இது அவருக்கு நகைச்சுவைபோல தெரிந்திருக்கிறதுபோல. ஒரு இனம் சார்ந்த மொழி வழக்கங்கள் கூடத் தெரியாதவர் எப்படி அறிவிப்பாளராக வந்தாரோ தெரியவில்லை.

நம கத்துவதைத்தான் கத்துவோம் என்று நினைத்து நிகழ்ச்சிகளை அறிவிப்பாளர்கள் செய்வார்கள் ஆனால். அவர்களின் தனித் திறமை மங்கிப்போய்... 10 இல 11 ஆகத்தான் இருக்க வேண்டும் என்பதை அவர்கள் மறந்துவிட்டார்கள்போல.

ஏன்.. லோசன் கூட ஆரம்பத்தில் நல்லாகத்தான் அறிவிப்பு செய்துகொண்டிருந்தார். அவருக்கு என்ன நடந்ததோ தெரியல.. அவரும் இந்த மந்தைகளின் வாசனை கொஞ்சம் தொற்றிக்கொள்வதுபோல் இருக்கு.
அறிவிப்பாளர்கள்... ஒரு ஊடகமாகவே செயற்படவேண்டியவர்கள்.. அவர்களே இப்படியான நிகழ்ச்சிகளை செய்தால் அடுத்த தலைமுறை நாய் மாதிரித்தான் குலைக்க வேண்டி வரும் என்பதை புரிந்து செயற்படுங்கள்.

என் காதலிக்கு அர்ப்பணம்

2010-02-13T08:11:00.000-08:00

மழைக்கு நன்றி

2010-02-08T05:58:00.000-08:00

கனவில் வேண்டாம்

2010-02-08T05:54:00.000-08:00

காதல் காவியம் லைலா மஜ்னு

2010-02-06T11:31:00.000-08:00

லைலா மஜ்னு காதல் காவியம் 7 ஆம் நூற்றாண்டில் அரேபிய தீபகற்பத்தின் வடக்கில் வாழ்ந்த காயிஸ் இப்ன் அல் முல்லாவாஹ் எனும் இளைஞனை வாழ்க்கையை அடிப்படையாக வைத்து எழுத்தப்பட்டது.

பெரும் செல்வந்த குடும்பமொன்றைச் சேர்ந்த அழகிய பெண் லைலா. காயிஸ் ஏழ்மையான ஒரு கவிஞன். அவ்விருவருக்கும் இடையில் காதல் மலர்கிறது. இருவரும் உயிருக்குயிராக நேசிக்கிறார்கள். லைலாவுக்காக ஏராளமான கவிதைகளை அவன் எழுதுகிறான்.
ஆனால் விதி வேறு மாதிரி இருந்தது. லைலாவும் காயிஸும் காதல் கொண்டிருப்பதை அறிந்த லைலாவின் பெற்றோர் இருவரும் ஒருவரையொருவர் பார்க்க முடியாதவாறு பிரித்து வைக்கிறார்கள்.செல்வந்த இளைஞன் ஒருனுக்கு லைலாவை திருமணம் செய்துவைக்கிறார்கள். கணவனுடன் மாளிகையில் வசித்த போதிலும் காயிஸை பிரிந்ததை லைலாவினால் தாங்கிக்கொள்ள முடியவில்லை.

அவள் தற்கொலைசெய்துகொள்கிறாள்.லைலாவின் திருமணத்தை அறிந்த காயிஸ் பித்துப்பிடித்தவனாகிறான். இறுதியில் லைலாவின் கல்லறைக்கு அருகிலேயே அவன் இறந்து கிடக்கக் காணப்படுகிறான். லைலாவைப் பிரிந்து துயரத்தில் காயிஸ் பித்தனாக அலைந்தமையால் அவன் மஜ்னு அல்லது லைலாவின் மஜ்னுன் என அழைக்கப்பட்டான். இதற்கு "லைலா பைத்தியம்' என அர்த்தம்.

லைலா மஜ்னு கதையும் பல்வேறு விதமாக கூறப்படுகிறது.
மற்றொரு கதையின்படி, லைலாவும் மஜ்னுவும் பாடசாலையொன்றில் முதன்முதலாக சந்திக்கிறார்கள். மிக இளம்பருவத்திலேயே அவர்களுக்கிடையில் காதல் மலர்கிறது. லைலாவின். பெற்றோர் இதை அறிந்து இருவரையும் பிரித்துவைக்கிறார்கள். எனினும் வளர்ந்தபின் இருவரும் மீண்டும் சந்திக்கின்றனர்.

லைலாவின் சகோதரன் தப்ரெஸ் இக்காதலுக்கு எதிர்ப்பு தெரிவித்து மஜ்னுவை எச்சரிக்கிறான். இதனால் தப்ரெஸை மஜ்னு கொன்றுவிடுகிறான். அதனால் மஜ்னு கைது செய்யப்படுகிறான்.லைலா செல்வந்த இளைஞனுக்கு திருமணம் செய்துவைக்கப்படுகிறாள்.

லைலாவின் மனதில் தொடர்ந்தும் மஜ்னு இருப்பதை அறிந்த லைலாவின் கணவன் மஜ்னுவை கொலைசெய்கிறான். மஜ்னு இறந்துவிட்டதை அறிந்த லைலா தற்கொலை செய்துகொள்கிறாள்.

இன்னொரு விதமான கதையின்படி, லைலாவும் மஜ்னுவும் இந்தியாவுக்கு தப்பிச் சென்று அடைக்கலம் தேடியதகாவும் கூறப்படுகிறது. அவர்களின் கல்லறை ராஜஸ்தான் மாநிலத்தின் ஸ்ரீகஞ்சா மாவட்டத்தில் உள்ளதாக நம்பப்படுகிறது.

2010-01-01T10:29:00.000-08:00

தமிழ்த்தேசியக் கூட்டமைப்பு எதற்கு?

2009-12-15T00:35:00.000-08:00

தமிழ்த்தேசியக் கூட்டமைப்பு என்ன முடிவு எடுக்கப்போகின்றது என்பதை ஊடகங்கள் எதிர்பார்த்துக்கொண்டு இருக்கின்றனவே தவிர மக்கள் அதை எதிர்பார்க்கவில்லை.

தமிழ்த்தேசியக் கூட்டமைப்பின் யாழ்.மாவட்ட நாடாளுமன்ற உறுப்பினர்கள் பெயருக்குத்தான் இருக்கின்றார்கள்.

அவர்கள் மக்களுக்கு இதுவரை என்ன செய்திருக்கின்றார்கள்?. வெளிநாடுகளில் சுற்றுப்பயணங்களை மேற்கொண்டு அங்கிருந்தபடியே அறிக்கைகளையும், போராட்டங்களையும் முன்னெடுத்து என்ன பயன்?
விடுதலைப் புலிகள் இருந்திருந்தால் அவர்கள் யாரை பரிந்துரைக்கின்றார்களோ அவர்களைத்தான் மக்கள் தெரிவு செய்தார்கள்.

ஆனால் இன்றைய நிலை தலைகீழாக உள்ளது.
மறைந்த நாடாளுமன்ற உறுப்பினர் ரவிராஜ் இருந்திருந்தால் இன்று நிலைமை வேறுவிதமாக இருந்திருக்கும்.

யாழ்.மக்களுக்கு எதுவுமே செய்யாத கூட்டமைப்பு, நாடாளுமன்ற உறுப்பினர்கள் இருந்து என்ன பயன்?.
மக்களுக்கு வேலைவாய்புக்கள் பெற்றுக்கொடுப்பதில்லை. நாடாளுமன்றத்தில் தங்களது தொகுதிகளுக்கு ஒதுக்கப்பட்ட வேலைத்திட்டங்களை செய்வதில்லை.

உயிருக்கு பயந்து வெளிநாடுகளில் இருப்பதால் என்ன பயன்?
யாழ்.மக்களைப் பொறுத்தவரை தற்போதைய நிலையில் இராவணன் ஆண்டாள் என்ன? இராமன் ஆண்டாள் என்ன? எங்களுக்கு என்ன பயன் என்ற நிலையே?
சரத்பொன்சேகாவை நம்பி சில தமிழ் அரசியல் கட்சிகள் இன்று அவருக்கு தமது ஆதரவை வழங்கி வருகின்றது.

இதேபோல இலங்கைத் தொழிலாளர் காங்கிரஸ், மலையக மக்கள் முன்னணி போன்ற அரசியல் கட்சிகளும் பிள்ளையான், கருணா போன்ற தமிழ் அமைப்புக்களும் மஹிந்த ராஜபக்ஷவை ஆதரிக்கின்றனர்.

இலங்கை அரசியலைப் பொறுத்தமட்டில் தமிழர்கள் பிரித்தளாப்படுகின்றார்கள். வடக்கு, கிழக்கு மலையகம் என்று மூன்று பிரிவுகளையும் சிங்களப் பேரினவாதம் பிரித்து பந்தாடுவது தமிழர்களின் நிலையை சீர் குலைப்பதற்கே அன்றி தமிழர்களின் நலனில் அக்கறைகொண்டு அல்ல என்பதை முதலில் தமிழ் அரசியல் கட்சிகள் புரிந்துகொள்ள வேண்டும்.

அமைச்சுப் பதவிகளுக்காககவும், சுகபோக வாழ்க்கைக்காகவும் தமது இனத்தையே கூறுபோடவைத்துவிட்டு வேடிக்க்கை பார்க்கின்றது என்றால் அது தமிழ் இனத்திற்கு கிடைத்த சாபம். தமிழ்க் கூட்டமைப்புக்குள்ளேயே ஒரு ஒற்றுமையை ஏற்படுத்த முடியாத இவர்களால் எப்படி தமிழர் பிரச்சினையில் முன்னேற்த்தைக் காணமுடியும்?
சரத்பொன்சேகாவை தமிழ் மக்கள் ஆதரிக்கவேண்டும் என்று ஐ.தே.கூட்டமைப்பு கோரிக்கை வைத்தாலும் தமிழ் மக்கள் மனதை வெல்வது என்பது கஷ்டமானகாரியமே.

ஏன்னெனில் சரத்பொன்சேகாவும் வன்னி மனிதப் பேரழிவை மேற்கொண்டவர்களில் ஒருவர் . அதை விட தமிழர்களுக்கு இந்த நாட்டில் இடம் இல்லை, இது பௌத்த சிங்கள நாடு என்று சொன்னவர்.

இன்று அரசியல்வாதியாக தன்னை முன்னிலைப்படுத்தி தமிழர்களுக்கு 13 ஆவது திருத்தச்சட்டத்திற்கு அதிகமான சலுகைகளைக் கொடுப்பேன் என்று சொல்வது
அரசியல் நாடகத்தின் உச்சக்கட்டமே. இதை புரிந்துகொள்ளாமல் தமிழ்க்கட்சிகள் அவரின் சொல்லை நம்பி நாசமாகப்போவது மட்டும் உறுதி.
சம்பந்தன் ஐயா என்ன செய்கின்றார் என்றால் தங்களது கட்சிக்குள் ஏற்பட்டுள்ள குழப்ப நிலைக்கு மக்களிடம் கணிப்பு எடுக்கப்போகின்றோம் என்று ஒரு புறுடா செய்தியை விட்டு நலுவப் பாக்கின்றார்.

இன்று வடக்கு, கிழக்கில் தமிழர்களின் வாழ்க்கை மிகவும் மோசமான கலாச்சார சீரழிவை நோககிகச் சென்றுக்கொண்டிருக்கிறது. என்றும் இல்லாதவாறு யாழ்ப்பாணத்தில் இன்று விபச்சாரம் , குடிப்பழக்கம் என்பன பாடசாலை மாணவர்களை ஆட்டிப்படைக்கின்றன.

அதைவிட மிகவும் மோசமாக பாடசாலை மாணவிகளின் கருக்கலைப்பு நாளுக்கு நாள்அதிகரித்துக் கொண்டு செல்கிறது.

தமிழர்களின் உரிமையை வென்று எடுக்கின்றோம் என்று சும்மா இருக்காமல் நாளைய நமது தமிழ் சமூகம் சின்னபின்னமாகிப்போய்விடாமல் காக்க துடிப்பான இன்னொரு இளைய தமிழ்த் தலைமை கட்டாயம் தேவை.

பரதநாட்டியம் என்பது ஒரு யாத்திரை ரமா வைத்தியநாதன்

2009-12-09T03:20:00.000-08:00

பாவங்களின் நாயகியா? இல்லை தச அவதாரங்களின் நாயகியா? அத்தனைக்கும் சொந்தக்காரரான நாட்டியத்தாரகை ரமா வைத்தியநாதன். இவர் கடந்த 20 வருடங்களாக பரத நாட்டிய இசை நிகழ்ச்சிகளை நடத்தி வருகின்றமையும் குறிப்பிடத்தக்கது. இவரை இசை உலகத்திற்காக நான் சந்தித்தபோது, அவர் என்னிடம் பகிர்ந்துகொண்ட விடயங்கள்......

*உங்களுக்கு பரதநாட்டியம் கற்க வேண்டும் என்று ஏன் தோன்றியது?
எல்லோரும் டாக்டர், எஞ்சினியர், வக்கீலாக வரவேண்டும் என்றுதான் ஆசைப்படுகின்றார்கள். அதுபோல நானும் பரதநாட்டியத்தில் சிறந்தவளாக திகழ வேண்டும் என்று ஆறாவது வயதில் இருந்தே பரதநாட்டியத்தைக் கற்றுக்கொண்டேன். நாட்டியத்தை யாமினி கிருஷ்ணமூர்த்தியிடம் கற்றுக்கொண்டேன்.

*பரதநாட்டியத் துறைக்கு நீங்கள் வந்து 20 வருடங்களாகின்றன. உங்களுக்கு அது முழுத் திருப்பதியைத் தருகின்றதா?
பரதநாட்டியம் என்பது ஒரு யாத்திரை. அந்த யாத்திரையில் ஒரு இலக்கு இருக்கு. அந்த இலக்கை அடைய இன்னும் நீண்டதூரம் பயணிக்க வேண்டியுள்ளது. நான் இப்பொழுது அரைவாசி தூரத்தைத்தான் தாண்டியிருக்கின்றேன். இன்னும் நீண்ட தூரப் பயணம் இருக்கின்றது.

*உங்களுக்குள் ஒரு தனித்துவமான அடையாளத்தை நீங்கள் எவ்வாறு ஏற்படுத்திக்கொண்டீர்கள்?
பரதநாட்டியத்தின் அடிப்படையை மட்டும் எடுத்துக் கொண்டு எனக்கு உரிய பாணியை நான் உருவாக்கிக் கொண்டதால்தான் என்னை இன்று தனித்துக் காட்டிக்கொள்ளக் கூடியதாக இருக்கின்றது. இதற்கு எனது கடுமையான உழைப்பும் பரதநாட்டியத்தை நான் ஆத்மார்த்தமாக கற்றுக்கொண்டதும் தான் காரணம். எனதுகுடும்பத்தினரது ஒத்துழைப்பும்தான் என்னை இன்று இந்த இடத்திற்குகொண்டு வந்திருக்கின்றது.

*அண்மையில் யாழ்ப்பாணத்தில் இடம்பெற்ற உங்களது நிகழ்ச்சி
பற்றி............?
நல்லூர் உற்சவத்தை முன்னிட்டு வீரகேசரி பத்திரிகையின் ஏற்பாட்டில், இந்தியகலாசார நிலையத்தின் அனுசரணையுடன் என்னை இங்கு அழைத்திருந்தார்கள்.
உண்மையில் நான் இதை எதிர்பார்க்கவே இல்லை. சுமார் 4000 மக்கள் வரை வந்து நிகழ்ச்சியைக் கண்டு களித்திருக்கின்றார்கள். மிகவும் சந்தோஷமாக இருக்கின்றது.
நாம் சாந்தமாகக் கொடுக்கும் பொழுது மக்களின் மனங்களும் நிறைவடைகின்றன. நமக்கு அதில் திருப்தியும் கிடைக்கும்.

*வெளிநாடுகள் பலவற்றிற்குச் சென்று வந்திருக்கின்றீர்கள்.
உங்கள் பரதநாட்டியத்திற்குக் கிடைத்த வரவேற்பு எப்படி
இருக்கின்றது?
இந்திய அரசின் கலாசார உறவுகள் அமைப்பின் அனுசரணையுடன் ஜப் பான், மெக்சிக்கோ, பனாமா, கொலம்பியா, அமெரிக்கா, கௌதமாலா, வெனிசுலா, ரஷ்யா போன்ற நாடுகளில் நிகழ்ச்சிகளை நடத்தி
வருகின்றேன். கூடுதலாக அங்குள்ள தமிழ் மாணவர்கள் பரதநாட்டியத்தை மிகவும் விரும்பிப் படிக்கின்றார்கள். அரங்கேற்றங்களும் செய்கின்றார்கள். அங்கு நிகழ்ச்சிகளை நடத்தும்போது
எனக்கு மிகவும் வரவேற்புக்கிடைக்கின்றது.

*உங்களுக்கு கிடைத்த விருதுகள்...?
இலங்கை அரசின் கலாசார நிலையத்தால் 1998 இல் "பரத ரத்னா' விருது, "ஜய ஜய கங்கை' நிகழ்வுக்காக 1992 இல் இந்திய அரசாங்க கலாசார நிலையத்தினால் சான்றிதழ், அகில இந்திய தேசிய
ஒற்றுமைக்கான தேசிய திறனாற்றல் விருது, 2001 ஏப்ரல் மாதத்தின் அதிசிறந்த நடனக் கலை ஞர், சென்னை மியூஸிக் அகடமியின் "அதிசிறந்த நடனத் தாரகை' விருது, சென்னை ஸ்ரீ ராகம்
நுண்கலை நிலைய "பாலசரஸ்வதி' விருது, 2001இல் சென்னை கார்த்திக் நுண்கலை நிலைய "நடன மாமணி' விருது போன்ற விருதுகள்கிடைத்துள்ளன. ஒவ்வொரு விருது கிடைக்கும் பொழுதும் புதுமையாக
ஏதாவது செய்ய வேண்டும் என்ற ஆர்வம் ஏற்படுகின்றது.

காதலின் பிரிவுகள்

2009-12-02T01:20:00.000-08:00

காதலின் வலிகளையும் காதலின் பிரிவுகளையும் எத்தனைகாலங்கலாக நாம் மறைத்து வைத்திருந்தாலும் அந்த ரணங்களை மீட்டும் போது மனதில் ஒரு வலி ஏற்படும்.. அந்த வலி சுமையாக இருந்தது..

இப்போது மீட்டும்போது சுகமாக இருக்கின்றது.
காதல்... நாம் விரும்பும் பெண்ணை விட நம்மை விரும்பும் பெண்ணை நாம் ஏற்றுக்கொண்டால் அந்த வாழ்க்கைக்கு ஒரு அர்த்தம் கிடைக்கும்..

(இது எங்கேயோ படத்தில கேட்டமாதிரி என்று நினைக்கின்றீர்கள் அதுசரிதான்)

நாம் ஒரு பெண்ணை விரும்பினால் அந்த பெண் நம்மளை விரும்புகிறதா என்று பார்க்க வேண்டும். அதற்கு உடனேயே நீங்கள் அந்த பெண்ணிடம் உங்கள் காதலை வெளிப்படுத்துங்கள் அதற்கு பதில் நல்லதோ ?கேட்டதோ? அதை ஏற்றுக்கொள்ளும் மனநிலையை நீங்கள் வளர்த்துக்கொள்ள வேண்டும்.

அதைவிடுத்து ஒரு பெண்ணுடன் நீங்கள் பழகுகின்றீர்கள் அதை நட்பா? காதலா? என்று முதலில் நீங்கள் உங்கள் மனதில் தீர்மானித்துக்கொள்ளுங்கள் நட்பாக பழகிவிட்டு திடீர் என்று காதலை நீங்கள் வெளிப்படுத்தும்போது அது உங்கள் மீதான வெறுப்பாகவே இருக்கும்.

அப்படியான காதலை ஒரு போதும் பெண்கள் ஏற்றுக்கொள்ளமாட்டார்கள்.

அப்படி ஏற்றுக்கொள்ளாத பட்சத்தில் முயற்சி திருவினையாக்கும் என்று பஞ்டயலொக் எல்லாம் பேசி மீண்டும் மீண்டும் உங்கள் காதலை தெரியப்படுத்துவதற்கு நீங்கள் நல்லவன் போல் காட்ட முனைவதும் சமூகத்தில் உள்ள கெட்டவர்களை விட நான் நல்லவன் என்று தெரியப்படுத்துவதும்.

அது உங்கள் மீதான வெறுப்பையே ஏற்படுத்தும். நீங்கள் மற்றவர்களுடன் உங்களை உயர்த்திக் காட்டுவதற்கு அதற்கு உங்களுக்கு தகுதியில்லை மற்றவர்கள்தான் நீங்கள் நல்லவர் என்று சொல்லவேண்டும்.

காதலியுங்கள் அது தப்பே இல்லை.. இருவரும் காதலித்து திருமணத்தில் சேரமுடியாததுதான் காதல் தோல்வி.
அதைவிடுத்து..

ஒருதலையாக காதலித்து அது கிடைக்கவில்லை என்றால் பைத்தியம் பிடித்ததுபோல் அலைவதும். கிடைக்காத அந்த பெண்ணுக்கு துரோகி என்ற பட்டமும் கொடுக்கின்றதும் உங்களது இயலாத்தன்மையைத்தான் காட்டுகின்றது.

காதலின் வலி ஒரு மனிதனை நரகத்திற்கு தள்ளிவடும்... அதை உணர்ந்து செயற்படவேண்டும்.

(எங்கங்க கேட்கின்றாங்கள் பட்டுத்தான் புரியவேண்டும் என்றால் அந்தக் கடவுளால் கூட இவர்களைத்திருத்த முடியாதே)

அந்தக் காலத்து காதலை விட இந்தக்காலத்தில் ஆண் பெண் நட்பு நன்கு ஆரோக்கியமாகத்தான் இருக்கின்றது.
நட்பு கத்தி முனையில் நடப்பதுபோன்றதுதான். கொஞ்சம் சரிந்தால் காதலாகிவிடும்.
எங்கே செல்லும் இந்தப் பாதை யாரோ யாரோ அறிவரோ...
ஆயிரம் சேது படம் வந்தாலும் காதலையும் தோல்விகளையும் திருத்தவே முடியாது.

காய்ச்சலும் தடிமனும் தனக்கு வரும்போதுதான் அதை அவர்கள் உணர்ந்துகொள்வார்கள். இல்லையேல் காய்ச்சாலா என்று எள்ளிநகையாடிக்கொண்டிருப்பார்கள்.

(இது பாகம் 1) இன்னும் தொடரும்...

நீ நல்லவன்

2009-12-02T00:52:00.000-08:00

இன்று பெண்கள் வன்முறைக்கு எதிரான நாள்

2009-11-25T00:00:00.000-08:00

உலகில் எந்தவொரு வன்முறைகளும் பெண்களுக்கு எதிராகவே நடத்தப்படுகின்றன.

(ஏன் ஆண்களுக்கு எதிராக நடத்தப்பவிலலையா என்று முணு முணுக்க வேண்டாம்)

இன்றைய உலக மாற்றமும் கலாச்சார சீரழிவுகளும் நவீன நாகரிகத்தின் மாற்றமும் சமூகத்தில் பெண்களுக்கு எதிரான வன்முறைகளைத் தோற்றுவிக்கின்றன.

பெண்கள் வன்முறைக்கு எதிரான சட்டங்கள் இன்று கூடுதலாக காணப்படடாலும் வன்முறையாளர்கள் ஏன் தண்டிக்கப்படுவது மிகக்குறைவே...இதற்கு பெண்கள் அடிமைகளாகவே நடத்தப்படுகின்றனர் .இல்லை பெண்களை அடக்கி ஆழ்கின்றனர்.

வீட்டு வேலைகளுக்கு பெண்கைள அமர்த்தி அவர்களை பாலியல் இம்மைகளுக்கு உட்படுத்துதல்.

சில பல்கலைக்கழகங்கள் கல்வி நிறுவனங்களில் ஆசிரியர்கள் மாணவிகளை பாலியல் இம்மைச்சுக் உட்படுத்துதல்.

உயர் நிறுவனங்களில் வேலை செய்யும் பெண்களும் இவ்வாறான இம்சைகளுக்கு ஆளாக்கப்பட்டு வருகின்றனர்.

இப்படி இம்சைக்கு உள்ளாக்கப்படும் பெண்களில் ஒரு சிலரே தாங்கள் வன்முறைகளுக்கு உள்ளாக்கப்பட்டுக் கொண்டிருக்கின்றோம் என்று சொல்கின்றார்கள்.

ஏன் மற்றவர்கள் சொல்வதில்லை.

குடும்ப மானம்

குடும்பல நலன்

வாழ்வதற்கு பணம்

வேலை போய்விடுமோ என்ற கவலையின் காரணமாக தாம் அனுபவிக்கும் காஷ்டங்களை வெளியில் சொல்வது இல்லை. இதை ஆண் வர்க்கம் சாதகமாகப் பயன்படுத்திக் கொண்டு பெண்கள் மீதான வன்முறையாளர்களாக மாறி செயற்பட்டுக்கொண்டிருக்கின்றார்கள்.

ஆண்வர்க்கம் பெண்கள் மீதான வள்முறைகளை மேற்கொள்ளும்பொழுது இதற்கு இன்னொரு பெண் உடந்தையாகவே இருக்கின்றாள் என்பது மிகவும் வெட்கக்கேடான விடயம்.

மாமியார் மருமகள் சண்டை

மற்றும் அலுவலகங்களில் பெண்களே பெண்களுக்கு எதிரியாக இருக்கின்றனர்.

இரண்டு பெண்கள் ஒற்றுமையாக இருப்பது என்பதே அரிதான விடயம் அப்படி அரிதாக இருந்தாலும் அவர்கள் ஒருவரைப் பற்றி ஒருவர் குறைசொல்லிக்கொண்டே இருப்பார்கள்.

அதை ஆண்வர்க்கம் தனக்குச் சாதகமாக பயன்படுத்திக்கொண்டு ஒரு பெண்ணைவைத்துக்கொண்டே மற்றைய பெண்ணை காய்நகர்த்துவார்கள்.ஏன் பெண்கள் மீதான வள்முறைகளை பெண்களே தீர்மானித்துக்கொள்கின்றனர் என்பது மிகவும் வருந்தத் தக்கதும் வேட்கத்தக்கதுமா ஒரு விடயம்.

கவிதைகள்

2009-11-20T00:05:00.000-08:00

நவம்பர் 12 நிகழ்வுகள்

2009-11-11T04:34:00.000-08:00

1833 - அலபாமாவில் லியோனீட் விண்கற்கள் வீழ்ந்தன.
1893 - அன்றைய பிரித்தானிய இந்தியாவுக்கும் (தற்போதைய பாகிஸ்தான்) ஆப்கானிஸ்தானுக்கும் இடையேயான எல்லைக்கோடு கீறப்படுவதற்கான உடன்பாடு எட்டப்பட்டது.
1905 - நோர்வே மக்கள் வாக்கெடுப்பு மூலம் குடியாட்சியை விட மன்னராட்சியே சிறந்தது எனத் தெரிவித்தனர்.
1906 - பாரிசில் அல்பேர்ட்டோ சாண்டோஸ்-டியூமொண்ட் வானூர்தி ஒன்றைப் பறக்கவிட்டார்.
1918 - ஆஸ்திரியா குடியரசாகியது.
1927 - மகாத்மா காந்தி இலங்கைக்கான தனது முதலாவதும் கடைசியுமான பயணத்தை மேற்கொண்டார்.
1927 - லியோன் ட்ரொட்ஸ்கி சோவியத் கம்யூனிஸ்ட் கட்சியில் இருந்து நீக்கப்பட்டார். ஜோசப் ஸ்டாலின் சோவியத்தின் முழு அதிகாரத்தையும் கைப்பற்றினார்.
1938 - மடகஸ்காரை யூதர்களின் தாயகமாக மாற்றும் நாசி ஜேர்மனியின் திட்டத்தை "ஹேர்மன் கோரிங்" என்பவர் வெளிக் கொணர்ந்தார்.
1941 - இரண்டாம் உலகப் போர்: செவஸ்தபோல் நகரில் சோவியத் போர்க் கப்பல் "செர்வோனா உக்ரயீனா" மூழ்கடிக்கப்பட்டது.
1944 - இரண்டாம் உலகப் போர்: பிரித்தானியாவின் அவ்ரோ போர் விமானம் ஜேர்மனியின் போர்க்கப்பல் ஒன்றை நோர்வேயில் மூழ்கடித்தது.
1948 - டோக்கியோவில் பன்னாட்டு போர்க் குற்றவாளிகளின் நீதிமன்றம் ஒன்று ஏழு ஜப்பானிய இராணுவ அதிகாரிகளுக்கு 2ம் உலகப் போரில் இழைத்த குற்றங்களுக்காக மரண தண்டனை விதித்தது.
1969 - மை லாய் படுகொலைகள் தொடர்பான உண்மைகளை ஊடகவியலாளர் சீமோர் ஹேர்ஷ் வெளியிட்டார்.
1980 - நாசாவின் விண்கப்பல் வொயேஜர் 1 சனிக் கோளுக்கு மிக அருகில் சென்று அதன் வளையங்களின் படங்களை பூமிக்கு அனுப்பியது.
1981 - கொலம்பியா விண்ணோடம் தனது இரண்டாவது விண்வெளிப் பயணத்தை இரண்டு வீரர்களுடன் ஆரம்பித்தது.
1982 - சோவியத் கம்யூனிஸ்ட் கட்சியின் பொதுச் செயலாளரராக யூரி அந்திரோப்பொவ் தெரிவு செய்யப்பட்டார்.
1982 - போலந்தின் சொலிடாரிட்டி தொழிற்சங்கத் தலைவர் லேக் வலேசா பதினொரு மாத சிறைத்தண்டனைக்குப் பின்பு விடுதலையானார்.
1989 - தென்னிலங்கையின் உலப்பனையில் தனது தோட்ட வீட்டில் மறைந்திருந்த மக்கள் விடுதலை முன்னணியின் தலைவர் றோகண விஜேவீர கைதாகி மறுநாள் கொல்லப்பட்டார்.
1990 - இணைய வலை பற்றிய தனது முதலாவது திட்டத்தை ரிம் பேர்னேர்ஸ்-லீ அறிவித்தார்.
1991 - கிழக்குத் திமோர், டிலியில் இடம்பெற்ற மாணவர் போராட்டம் இந்தோனீசிய இராணுவத்தினரால் முறியடிக்கப்பட்டது. நூற்றுக்கணக்கான மாணவர்கள் உயிரிழந்தனர்.
1994 - இலங்கையின் 5வது அரசுத் தலைவராக சந்திரிகா பண்டாரநாயக குமாரதுங்க தெரிவு செய்யப்பட்டார்.
1996 - சவுதி அரேபியாவின் போயிங் விமானமும் கசக்ஸ்தானின் இல்யூஷின் விமானமும் புது டில்லிக்கு அருகில் நடுவானில் மோதிக் கொண்டதில் 349 பேர் கொல்லப்பட்டனர்.
1998 - கியோட்டோ பிரகடனத்தில் ஆல் கோர் கையெழுத்திட்டார்.
2001 - நியூயோர்க் நகரில் டொமினிக்கன் குடியரசு நோக்கிச் சென்ற அமெரிக்க விமானம் புறப்பட்ட சில வினாடிகளில் விபத்துக்குள்ளாகியதில் விமானத்தில் சென்ற 260 பேரும் தரையில் இருந்த 5 பேரும் கொல்லப்பட்டனர்.
2001 - ஆப்கானிஸ்தானின் காபூல் நகரை விட்டு தலிபான் படைகள் முற்றாக விலகினர்.
2006 - முன்னாள் சோவியத் குடியரசான தெற்கு ஒசேத்தியா ஜோர்ஜியாவிடம் இருந்து பிரிந்து செல்ல வாக்கெடுப்பை நடத்தியது.

தீபாவளி நல்வாழ்த்துகள்!

2009-10-15T23:42:00.000-07:00

தலையில் மண்ணை கொட்டிய சூர்யா..

2009-10-09T04:01:00.001-07:00

புவனேஸ்வரி விடயத்தில் பத்திரிகைகள் செய்திகளை வெளியிட்டதனால் கோடம்பாக்கமே குமுறுறி தனது கோபத்தை தீர்த்துவிட்டது.
பத்திரிகைக்காயாளர்களினால் தான் இந்த நடிகை நடிகர்கள் வளர்ந்திருக்கின்றார்கள்.

இன்று நடிகர்களை ரசிகர்கள் கடவுளாக மதிப்பதற்கு பத்திரிகைகள் அவர்களுக்கு கொடுத்த ஆதரவுதான் காரணம். அதனால்தான் அவர்கள் ரசிகர்கர்களது மனங்களில் இடம்பிடிக்கவும் செய்திருக்கின்றார்கள்.
பத்திரிகையாளர்களுக்கு காட்டாயம் இப்படியான ஒரு எதிர்ப்பு வந்தது நல்லது என்றுதான் சொல்லலாம்.

நடிகர்களை அடுத்த முதல்வர் என்ற ரேஞ்சுக்கு கொண்டு வந்து இருத்த்தியவர்கள் பத்திரிகையாளர்கள்.
இன்று சூர்யா நல்ல நிலைக்கு வருவதற்கு அவரது உழைப்பு ஒரு காரணமாகா இருக்கலாம். அந்த உழைப்பை அங்கீகரித்தவர்கள் பத்திரிகையாளர்கள் என்பதை சூர்யா மறந்துவிட்டார்போல.
தொடர் வெற்றிகள் என்பது ஒருவனுக்கு தலைகணத்தை ஏற்படுத்தும் அது சூர்யாவுக்கு மிகவும் பொறுந்தும்.

ரஜினி கூட பேசுகையில் பத்திரிகையாளர்ளை மதித்துத்தான் பேசினார்.
அவர் இருக்கும் உச்சத்துக்கு பத்திரிகைகள்தான் காரணம் என்று நன்கு புரிந்தவர்.

நடிகைகள் ஏதோ பத்தினிகள் மாதிரி இவ்வளவு முழக்கமும் போராட்டமும்.
நடிகைகள் விபச்சாரம் செய்யவில்லை என்று சத்தியம் செய்யட்டும் பார்ப்பம்.
வெளிநாடுகளில் கலைநிகழ்ச்சி என்று செய்து இலட்சக்கணக்கில் விபச்சாரம் செய்யும் நடிகைகளின் பட்டியல்கள் கூட பத்திரிகையாளர்களிடம் இருக்கின்றது.

சூர்யா ஒரு படிமேல் போய் பத்திரிகையாளர்களை ரஸ்கல்ஸ் என்று திட்டியிருக்கின்றார் என்றால்.. அவருக்கு கோபம் வருவது நியாயம்தான்.

ஆனால் நடிகைகள் விபச்சாரம் செய்யவில்லை என்று சூர்யா சொல்லட்டும்.
விவேக் படங்களில் கூட இரட்டை அர்த்த வசனங்கள் பேசியே காமக்கூத்தடிக்கும் நடிகர் இவருக்கு என்ன தைரியம் இருக்கு பத்திரிகையாளர்களின் குடும்பங்களை விமர்சிக்க...

நீயே.. வெளிநாடுகளில் கலைநிகழ்ச்சிகளில் குடியும் குட்டியுமாக இருக்கின்றது தெரியாதுபோல பேசவந்திட்டார் விபச்சாரிகளுக்கு வாக்காளத்து வேண்டி.

சரத்குமார்.. இவர் ரொம்ப நல்லவராக்கம்...
ஷீலா தொடங்கி நக்மா அபிராமி ராதிகா என்று கூத்தடித்தவர் ஏதோ நடிகர் சங்கத்தலைவராக வந்தவுடன் எதற்கும் போராட்டம் நடத்துகின்றார்.

விஜயகுமார் என்ற பெரிய கொம்பனா?
குடும்பத்தையே வைத்து கலைச்சேவை செய்கின்றவர் மீனவிடம் கேட்டால் இவரது வண்டவாளங்கள் தண்ட வாளங்கள் ஏறும்.

குற்றம் உள்ள நெஞ்சங்கள் குறுகுறுக்கத்தான் செய்யும் அந்த யதார்த்தத்தை கோடம்பாக்கம் நிரூபித்துவிட்டது.

வேட்டைக்காரன் விமர்சனம்

2009-10-05T21:52:00.000-07:00

விஜய் அனுஷ்கா மற்றும் வடிவேல் இணைந்து நடித்து வந்திருக்கின்றது. இந்த வேட்டைக்காரன் இயக்குநர் இன்னொரு பேரரசு என்று மட்டும் தெரிகின்றது படத்தைப் பார்க்கும்போது.தீபாவளிக்கு விஜய்க்கு இந்தப் படம் கட்டாயம் தோல்வியைக் கொடுக்கும் என்பது நிச்சயம்.நிமிடத்துக்கு நிமிடம் பரபரப்பாக வந்திருக்கின்றது.வேட்டைக்காரன் ஆக்ஷன் காட்சிகள் நிறைந்த முழுநேரக் கமெடித்திரைப்படம்.நீங்கள் ரசிப்பதற்காகவே வேட்டைகரனை இங்கு இணைத்துள்ளேன்
http://www.youtube.com/watch?v=xscTV_c2zo8
நீங்கள் பார்த்து முடிவு பண்ணுங்கள் வேட்டைக்காரன் வசூலை குவிப்பான இல்லையா என்று படத்திலே பஞ்சு டயலோக் இருக்கலாம் ஆனால் படமே பஞ்சு டயலோக்காக இருந்து படம் பப்படம்தான்.விஜய்க்கு ஏன் இந்த விபரீத ஆசை என்று தெரியவில்லை.விஜய்க்குப் பின்னால் வந்த சூர்யா எவ்வளவு முன்னேறிப் போய்கொண்டிருக்கின்றார். என்பதை கூட விஜய் கவனிக்காமல்.ஒரே மாதிரியான படங்களில் இனியும் தொடர்ந்து நடிப்பார் என்றால் ரசிகர்கள் நாமம் போட்டு அனுபுவார்கள் இது கூட விஜய்கு புரியவில்லையோ.

சினிமாவில் கமல் என்பதை விட சினிமாவே கமல்

2009-09-29T05:50:00.000-07:00

தமிழ்சினிமாவுக்கு கிடைத்த வரம் ஏன் இந்திய சினிமாவுக்கு கிடைத்த பொக்கிஷம் என்று கூட சொல்லலாம். கமல் என்னும் கமல்ஹாசனை.

கமல் சினிமாவில் பிரவேசித்து 50 ஆண்டுகள் நிøறைவு பெறுகின்றது.... ஒரு தனிமனிதனாக தமிழ் சினிமாவை தனது தோளில் வேதனைகளையும் கஷ்டங்களையும் சுகங்களையும் சேர்த்து சுமந்து வருகின்ற ஒரு அற்புதக்கலைஞன்.

சினிமாவில் கமல் என்பதை விட சினிமாவே கமல் என்ற நிலை. சுவாசிக்கும் மூச்சுத்தொடங்கி உடலில் ஓடுகின்ற இரத்தம் வரைக்கும் கமலிடம் சினிமாதான்.

இந்த 50 நெடிய வருடங்களில் தனது நடிப்பு வாழ்க்கையில் கமல் சந்தித்த ஏற்ற இறக்கங்கள் ஏராளம். அவரது குறிப்பிடத்தக்க சில படங்கள் வெற்றியை ஈட்ட முடியாமல் போனாலும் உலக சினிமா ரசிகர்களிடம் தாக்கத்தை ஏற்படுத்தின. அதை பண ரீதியான வசூலுக்கும் மேலாக மதித்து தனது பயணத்தைத் தொடர்ந்தவர் கமல்.

குறிப்பாக ஹேராம் படத்தின் தோல்வி அவரைப் பெரிதும் பாதித்தது. சிம்பனி இசை, சிறந்த நடிப்பு, சர்வதேச தரத்திலான இய க்கம் எல்லாமிருந்தும் இந்தப் படத்துக்கு ஆதரவு கிடைக்கவில்லை.

('இந்தப் படம் தோற்றதில் எனக்கு வருத்தம்தான். ஆனால் இந்த வருத்தத்தைத் தந்ததற்காக நமது ரசிகர்கள் நிச்சயம் ஒருநாள் வருந்துவார்கள்!' கமல்).

முதல்வர் கலைஞர் வாயால் கலைஞானி எனப் பாராட்டப்பட்டவர் கமல்.
புதுமைகளை விரும்பி ஏற்பவர். திரைத் தொழில் நுட்பத்தின் அத்தனை முதல் முயற்சிகளையும் ஆராய்ந்து அதை அறிமுகப்படுத்தவும் தயங்காதவர்.
சினிமா சார்நத கமலை எல்லோருக்கும் பிடிக்கும். ஆனால் சினிமா தவிர்ந்த தனிப்பட்ட வாழ்க்கை கமலை எத்தனை பேருக்குப்பிடிக்கும் என்பது குறைவுதான்.
அதற்கு கமல் எனும் மனிதன் தன்னையும் தனது தனிப்பட்ட வாழ்க்கை பற்றியும் வெளிப்படையாக பேசக்கூடிய ஏன் பேசுகின்ற மனிதன் அதனால் தான் கமலை சுற்றி சர்ச்சைகளும் வந்துகொண்டிருக்கின்றது.

தெளிந்த நீரோடையான கமலிடம் தெளிவான வாதங்களை நாம் அவரது உரைகளின் மூலம் அறிந்து கொள்ளலாம்.
(திருமணம் என்பது மற்றவர்களைச் சந்தோஷப்படுத்த தான் செய்துகொண்ட ஒரு முட்டாள்தனமான காரியம் என்றும் தனக்கு விரும்பிய பெண்ணுடன் வாழ்வதற்கு திருமணத்தை தான் பயன்படுத்தியதாகவும் கமல் அண்மையில் தெரிவித்திருந்தார்.)
அதற்கு சர்சைகள் கிளம்பின... அதற்கு கமல் சொன்ன பதில் இது எனது தனிப்பட்ட கருத்த கமல் எனும் மனிதனின் கருத்து என்று தெரிவித்தார்.

அந்த கருத்தை நாம் பார்த்தால் இன்று சமூகத்தில் உயர்ந்த அந்தஸ்தில் உள்ளவர்கள் பதவிகளில் உள்ளவர்கள் எத்தனை பெண்களுடன் இருக்கின்றார்கள் அதுவும் கள்ளத் தொடர்புகள் மூலம்.

சமூகத்தினால் இதை எல்லாம் அங்கீகரிக்க முடிகின்றது.
ஏன் கமல் கூட சொல்லியிருந்தார் விவாகரத்துசட்டங்களும் விவாகரத்தும் ஏன்வருகின்றது. நமது முன்னோடிகளாலேயே இது ஏற்பட்டிருக்கின்றது. அப்போ பிழைகள் செய்தது சட்டமா? இல்லை சமுதாயமா? ஒரு ஆண் எத்தனை பெண்களுடன் வாழ்கின்றான் என்பதை இந்த சமுதாயம் ஏன் அங்கீகரிக்கின்றது.
என்னட கமலை பற்றி பதியப்போய் வேற பாதைய மறுகின்றது என்று நினைக்க வேண்டாம் எல்லாம் இந்த சமூதாயத்தின் மீது வருகின்ற கோபங்கள்தான்.

கமல் எத்தனை படங்களில் நடித்தான் என்பதை பார்க்காது எத்தனை பெண்களுடன் இருந்தான் என்பதைத்தான் பார்க்கும் இந்த சமூகம்.
கமல் சிறப்பாக நடித்துவிட்டார் என்று தலைப்புச் செய்திகள் போடாத நாளிதழ்கள் கூட தங்களது வியாபாரத்திற்காக கமல் விவாகரத்தை மட்டும் பெரிது படுத்திப்போடுகின்றன. இதை இந்த சமூகம் ஏன் அங்கீரிக்கின்றது?

விவாகரத்துக்களும் நடிகர்களின் அந்தரங்கள வாழ்க்கையையும் சுவைபட எழுதும் எழுத்துகள் ஏன் அவனது திறமைகளை அங்கீகரிப்பதில்லை?
உன்னைப் போல் ஒருவனும் சமூகத்தில் இருக்கின்ற ஒவ்வொரு மனிதனதும் கோபங்கள் ஏன் அவர்கள் கோபங்களை அடக்குகின்றார்கள் என்பது புரியவில்லை.

கமலை அரசியலுக்கு அழைக்கின்றார்கள் ஏன்? கமலது புகழை பயன்படுத்திக்கொள்ளத்தான் பயன்படுத்துகின்றார்கள். ஒரு நல்ல மனிதனால் அரசியலில் ஈடுபட முடியாது என்பதை கமல் திட்டவட்டமாக தெரிவித்திருக்கின்றார்.

யாருக்கும் அடிபணியாத குணம்
தனது திறமையில் நம்பிக்கை உள்ள தன்மை
அரசியல் ஒரு சாக்கடை என்பதை நன்கு உணர்ந்தவர் என்பதினால்தான் கமல் அரசியலை வெறுகின்றார்.
அரசியலில் கமல் நுழைந்தால் கோபங்களும் சர்ச்சைகளும் புதிய அரசியல் நோக்கங்களையும் இந்த தமிழ் சமூகம் ஏற்றுக்கொள்ளாது.

அரைத்தமாவை அரைப்பதுதானே தமிழர்களுக்கு மிகவும் பிடித்தமான ஒருவிடயம்.
தி.மு.கா.வும் அ.தி.மு.காவும் தான் தொடர்ந்து ஆட்சியில் வரலாம் அவர்கள்தான் அரைத்தமாவை அரைத்துக் கொடுக்கக்கூடியவர்கள்.

Kutram Nadanthathu Enna

2009-09-28T07:04:00.001-07:00

விஜய்க்கு அரசியல் சரிவருமா?

2009-09-04T01:49:00.000-07:00

விஜய்க்கு அரசியல் சரிவருமா? சரிவராதா என்பதுதான் இன்றைய கேள்வி எல்லோர் மனதிலும்.
எம்ஜிஆர் காலத்தில் இருந்து சினிமா நட்சத்திரங்கள் அரசியலில் இறங்கி அதில் வெற்றி தோல்வி காண்பது என்பதும் சர்வசாதாரமாகி விட்ட நிலையில்.... மூன்றாவது தலைமுறை நட்சத்திரமான விஜய் அரசியலில் ஈடுபட இருக்கின்றார் . அதன் முதற்கட்டமாக ராகுல் காந்தியுடனான சந்திப்பு பெரும் பரபரப்பை ஏற்படுத்தியிருக்கின்றது.
விஜய்க்கு அதிகமான ரசிகர்கள் இருக்கின்றார்கள் தனித்து போட்டியிட்டால் எத்தனை வீதமானவர்கள் அவருக்கு வாக்களிக்கப்போகின்றார்கள்?
இதற்கு பழைய உதாரணங்கள் எதற்கு நமக்கு அண்மைய உதாரணமான சிரஞ்சிவியையே எடுத்துக் கொள்ளலாம்.
விஜயகாந்த் அரசியலில் இறங்க முன்பு அவரின் சினிமா எவ்வாறன ஒரு உயரமான இடத்தில் இருந்தார் என்பதும் அவர் அரசியலில் இறங்கிய பின்பு அவரின் படங்கள் தோற்பதற்கும் என்ன காரணங்கள்?
ஏன் தோற்கின்றன என்பதை அந்தப் படங்களை எடுக்க விடாமல் எவ்வளவு சதிவேலைகள் நடந்தன. நடக்கின்றன. விஜயகாந்த் கட்டிய திருமண மண்டபத்தைக்கூட இடித்தார்கள். இன்னும் எவ்வளவோ சோத்துக்களுக்குப் பிரச்சினை அத்தனையையும் சந்திப்பதற்கு விஜய் ரெடியா.
அரசியலில் இறங்கப்போகின்றார் என்றவுடன் எத்தனை தயாரிப்பாளர்கள் பின்வாங்குகின்றார்கள். இவர்களை வைத்து படம் எடுப்பதை விட சும்மாவே இருந்தால் நன்மை என்ற முடிவுக்கே வந்துவிட்டார்கள்.
சினிமாவே வேண்டாம் அரசியலில் மட்டும் முழு மூச்சாகவே இறங்கவேண்டும் அதை செய்வாரா விஜய்?
ஒரு கையில் அரசியல் மறுகையில் சீனிமா என்பது சாத்தியப்பட்டுவராது?
ரஜனி ஏன் அரசியலில் இறங்கவில்லை அனைத்து அரசியல் கட்சித் தலைவர்களிடமும் நல்ல மதிப்பும் நல்ல நட்பும்கொண்டவர்.
அரசியல் ஒரு சாக்கடை என்பதை நன்கு புரிந்து கொண்டவர்.
அந்தச் சாக்கடையில் முழ்குவது என்பது ரஜனிக்கு சரிப்பட்டுவராத ஒன்று மக்களுக்கு தேவையானதை ஒரு அரசியல் வாதியாக இல்லாமல் ஒரு சமூக சேவகனாககொண்டு செயற்பட்டுக்கொண்டிருக்கின்றார்.
ரஜனி வழியைப் பின்பற்றும் விஜய் அரசியல் மட்டும் ஏன் அவர் வழியைப் பின்பற்ற வில்லை. தனிக்கட்சி தொடங்கினால் அனைத்துக்கட்சிகளிடம் இருந்தும் எதிர்ப்பு வரும் என்பதால் காங்கிரஸ் கட்சியுடன் இணைந்து செயற்படுவார் என்றால் தி.மு.காவை எதிர்க்காமல் செயற்பாடமல் இருக்கலாம். ஒரு கட்சியுடன் இணைந்து செயற்பட்டால் வரும் பிரச்சினைகளை சமாளிக்கலாம் என்று எல்லாம் எண்ணித்தான் காங்கிரஸ் கட்சியில் இணையப்போகி“ன்றாரா தெரியவில்லை.
அப்படி விஜய் அரசியலில் நுழைந்தால். முதலமைச்சராகவே வரமுடியாது. தி.மு.காவில் இப்பொழுது ஸ்டாலினின் கை ஓங்கியிருக்கின்றது. அடுத்த முதல்வர் ஸ்டாலின்தான்.
விஜய்க்கும் தி.மு.காவுக்கும் இடையில் நல்ல உறவு இருக்கின்றது அதை விஜய் பகைத்துக்கொள்ளமாட்டார்.
சிவாஜினால் கூட அரசியலில் வெற்றி பெறவில்லை அத்தனை ரசிகர் வட்டம் இருந்தும்.
ராமராஜன் அரசியலில் இறங்கி இன்று அவரின் நிலை என்ன?
சரத்குமார்?
கார்த்திக்?
ராதரவி?
எஸ்.வி.சேகர்?
என்று தொடர்கின்றது அந்த அரசியல் பட்டியல் .
விஜய் அரசியலில் குதிக்கப்போகின்றார் என்றவுடன் உலகத்தில் உள்ள தமிழர்கள் எதிர்ப்புத் தெரிவித்திருக்கின்றார்கள். ஈழப்பிரச்சினைக்கு துணைபோன கட்சியுடன் கூடா என்று.
ஈழத்தமிழர்களின் உயிர்கள் பறிபோனதுக்கு கருணாநிதியும் உடந்தையாக இருந்திருக்கின்றார். அப்படி இருந்தும் தி.மு.கா. தேர்தலில் வெற்றி பெற்றதுதானே.
ஈழத்தமிழர் ஆதரவு தனி ஈழம்தான் என்று தெரிவித்த ஜெயலலிதாவின் நிலை என்ன?
தேர்தலில் தோல்வியே.
விஜயின் அரசியல் ஈழத்தைவைத்து தீர்மானிக்கக்கூடாது..
சாக்கடையில் முழ்குவது என்று தீர்மானித்த விஜயை ஆண்டவனால் கூட தடக்க முடியாதுஎன்பதே நிதர்சனம்.

பொக்கிஷம் காதலர்களுக்கு மட்டும்

2009-08-25T00:27:00.000-07:00

சேரனின் கைவண்ணத்தில் வந்திருக்கும் 9 ஆவது படம். காதலை மையப்படுத்தி நீ எனக்கு எழுதிய கடிதங்களும் நான் உனக்கு எழுதிய கடிதங்களும் என்ற வாசகங்களுடன் வந்திருக்கின்றது பொக்கிஷம்.படத்தின் கதையை நான் கூறப்போவதில்லை ஏன் என்றால் அனைவரும் எழுதி விட்டார்கள்.

காதலின் சுகங்களும் காதலின் தவிப்புக்களும் காதலின் பிரிவுகளும் சேர்ந்து ஒரு வானவில்லா?

இல்லை வர்ணஜாலங்கலாக? என்று தெரியவில்லை அத்தனை அற்புதங்கள்.என்னடா இவன் சேரனுக்கு ஐஸ் வைக்கின்றான் என்று நினைக்க வேண்டாம்.

பேரரசு.... சக்தி சிதம்பரம்... ......... என்று அடுக்கிக்கொண்டு போகலாம் கதையே இல்லாமல் படம் இயக்கும் இயக்குநர்கள் மத்தியில்... சேரனின் படம் விதிவிலக்கு.

பத்மப்பிரியாவின் கண்களினாலே காதலை உணர்த்திய விதம் சூப்பர்.

அதே காதல் பிரியும்போது பார்ப்பவர்களின் கண்ணகளில் கசியும் கண்ணீர்.

உள் உணர்வுகளை காட்டுவதில் சேரனின் முத்திரை பதிகின்றது.

தேடலில் தொடங்கி தொலைவதில் முடிவது காதல்.

பழகுவது சுலபம் விளத்துவது கஷ்டம் போன்ற வசனங்கள் நச்சென்று இருக்கின்றது.

மத ஒற்றுமையை காதலுடன் சேர்ந்துகொடுத்த விதம் நல்லா இருக்கின்றது.

பத்மப்ரியாவின் காதாப்பாத்திரம் நெஞ்சில் ஒட்டிக்கொள்ளுது.

சபேஸ் முரளியின் இசையில் உருவான பாடல்கள் மூன்று ரசிக்கும்படியாக இருக்கின்றது அதில் நீ நிலா என்று தொடங்கும் பாடலும் அது படமாக்கப்பட்ட விதமும் சூப்பர்.

ஆரம்பக்காட்சிகளின் பின்னணியை கொஞ்சம் கவனித்திருந்தால் நல்லாயிருக்கும்.. வைத்தியசாலைக் காட்சிகளின் பின்னணி இசை எரிச்சலை ஏற்படுத்துகின்றது.

1970 தொடங்குகின்ற கதை என்பதால் அதற்கேற்றால் போல் அனைத்துவிடயங்களையும் கவனித்து செய்திருக்கின்றார் சேரன்.

இளவரசு.. மற்றும் இஸ்லாமிய காதாபத்திரங்களில் நடித்தவர்கள் தமது பங்கை நிறைவாகச் செய்திருக்கின்றார்கள்.

விஜய் அஜித் போன்ற நாயகர்கள் கட்டாயம் சேரன் போன்ற இயக்குநர்களின் படங்களில் நடித்தால் நன்றாக இருக்கும்.

ஒரு நல்ல இயக்குநரை தமிழ் சினிமா தந்திருக்கின்றது. அதை நாம்தான் பொக்கிஷமாக பாதுகாக்கவேண்டும்.

சேரனின் இந்தப் பொக்கிஷம் காதலர்களுக்கு மட்டும்.

கம்பன் செய்த வம்பும் கருணாநிதி செய்கின்ற வம்பும்

2009-07-31T09:12:00.000-07:00

இராமாயண காலத்தில் இருந்தே தமிழர்களை அடக்கிக்கி ஆளும் வட இந்தியக் கொள்கைவாதம்.வால்மீகியில் ஆரம்பித்து இன்றைய இந்து ராம் வரைக்கும் தமிழர்களின் தலைவனை கொடுரமான அரக்கர்கள் என்று வர்ணித்துக் கொண்டு வந்திருக் கின்றனர்.அன்று இராவணனை அரக்கன் என்று வர்ணித்தார் வால்மீகி.

கம்பன் ஏன் தமிழில் மொழிபெயர்த்தார் என்று தெரியவில்லை.அன்று வடஇந்தியாவின் கொள்கைகளை தென்னிந்தியாவிற்கு மாற்றினார் கம்பர் இன்று சோனியா காந்தியின் கொள்கையினை தென்னிந்தியாவுக்கு மாற்றுகிறார் கருணாநிதி.

கம்பன் செய்த வம்பும் கருணாநிதி செய்கின்ற வம்பும் இன்று ஈழத் தமிழ் மக்களின் வாழ்க்கையை அதள பாதாளத்திற்கு இட்டுச் சென்றிருக்கின்றது. இராமாயணத்தில் விபூஸனன் எப்படி இராமரிடம் எட்டபன் போல் போய் ஒட்டிக்கொண்டானோ அதேபோல் இன்று எத்தனை தமிழ் அரசியல் வாதிகள் இந்தியாவின் கதையை நம்பி ஒட்டிக்கொண்டிருக்கின்றார்கள் அதனால் அன்று இராவணனை இழந்தது தமிழ் இனம் இன்று பிரபாகரனை இழந்து நிற்கின்றது.

அதுசரி ஒரு கெட்டவனை இராமாயணத்தில் விபூசனன் நல்லன் என்று வாரலாறு நம்பவைத்துள்ளது.அதுபோல் பிரபாகரன் என்ற நல்ல வீரனைப்பற்றி வடஇந்திய கொள்கைவாதம் கேட்டவன் என்று வர்ணித்து அதை வரலாறாகவும் மாற்றுவதற்கு அது செயற்பட்டுக்கொண்டு இருக்கின்றது.

அன்று ஒரு சீதையை கடத்தியதற்காக.... முழு இலங்கையையே அழித்தது இந்தியா இன்று ஒரு ராஜீவ்காந்திக்குப் பதிலாக முழுத் தமிழினத்தையே அழித்தொழித்திருக்கின்றது.

முன்பு வரதராஜா பெருமாளை தனது தேவைகளுக்காக பயன்படுத்திய இந்தியா அவருக்கு முதலமைச்சர் பதவி கொடுத்து அழகுபார்த்தது.

இன்று அவரின் நிலைய என்ன???????

அரசனை நம்பி புருஷனைக் கைவிட்டமாதிரிஇந்தியாவை நம்பி தமிழர்களை தமிழர்களே அழிக்கின்றார்கள்.

மாற்றங்களும் மனிதமும்

2009-07-13T05:50:00.000-07:00

மனிதனில் மாற்றங்கள் ஏற்படுவது என்பது இயற்கை அது அவர்கள் வளரும் சூழலைப்பொறுத்து அவர்கள் மாற்றம் அடைவார்கள் என்று சொல்லலாம் அதற்காக மாற்றங்கள் மனிதனைப் புரணப்படுத்தும் என்பது நம்பிக்கை.

நான் இப்படித்தான் வாழ்வேன் என்பது உண்மை நிஜயம்கட்டாயம் என்று வாழ்ந்தால் நாம் வாழ்கின்ற வாழ்க்கைக்கு அர்த்தமாவது கிடைக்கும்.நாம் எப்படியும் வாழலாம் என்பது வாழ்க்கையின் ஓட்டத்தில் அதுவாகவே தீர்மானிக்கட்டும் என்றுவிடுவது நாம் வாழப் போகின்ற வாழ்க்கைக்கு ஒரு தடையாகவே இருக்கும்.

நீங்கள் தொடர்ந்து ஒரே இடத்தில் ஒரே சூழலில் இருந்து விட்டு ஒருவாரமோ அல்லது ஒரு மாதமோ வேறு ஒரு சூழலில் வாழ்ந்து பார்த்துவிட்டு வந்தீர்கள் என்றால் உங்களில் பல மாற்றங்கள் தென்படும். ஏன் உங்களைச் சுற்றி இருக்கின்றவர்களில் கூட பல மாற்றங்களை நீங்கள் காணலாம். நீங்கள் வாழ்க்கையில் எவ்வளவை இழந்து விட்டோம் எவ்வளவை இழந்து கொண்டிருக்கின்றோம் என்பது புரியும். எது நிஜயம்எது போலி எது நம்பிக்கை எது வாழ்க்கை என்றெல்லாம் நீங்கள் அறிந்துகொள்ள மாற்றம் என்பது கட்டாயம் அவசியம்.

மாற்றங்கள் மனிதனினை சீர்படுத்தும் அவனை ஒரு நிலைப்படுத்தும் அவனது இலக்கை அடையக்கூடிய முறையைக் கற்றுக்கொடுக்கும்.

என்ன கொடுமை சரவணா.....

2009-07-03T02:28:00.000-07:00

நீண்ட இடைவெளியின் பின் உங்களை சந்திக்கின்றேன் இலங்கையில் போர் முடிவுக்கு வந்து விட்டது.

மக்கள் இனி சுதந்திரமாக வாழ்வார்கள்.. வாழ்கின்றனர் என்ற பசப்பு வார்த்தையை நானும் நம்பி ஒரு தடவை யாழ்ப்பாணம் சென்று வந்தேன்.. சென்று வந்தேன் என்பதை விட நொந்து வந்தேன் என்று தான் சொல்ல முடியும்.

நாட்டுக்குச் சுதந்திரம் கிடைத்துவிட்டதாம்? அப்படி என்றால் ஏன் அங்கிருந்து விமானத்தில் வரும் பொழுது பாதுகாப்பு கெடிபிடிகள் அதிகமாகவே காணப்படுகின்றது.

மக்கள் நடமாட்டம் இல்லாதஇராணுவ முகாம்கள் அமைந்திருக்கும் கட்டுவன் பகுதியில் முதலில் பயணிகள் பொதிகள் அனைத்தும் இராணுத்தினரால் பரிசோதனை செய்யப்பட்டு பின் மொப்ப நாயின் மூலம் மீண்டும் பரிசோதனை செய்யப்படுகின்றது.

பின் பயணப் பொதிகளை பயணிகளே தூக்கிச் சென்று வாகனத்தில் ஏற்ற வேண்டும். சரி அவ்வளவுதான் சோதனை என்று பெரு மூச்சு விட்டுவிட்டு இருந்தேன்.

பெருமூச்சு விட்டு சில நிமிடங்களில் வேறு வாகனங்களில் ஏற்றப்பட்ட பயணிகள் பலாலி விமான நிலையத்திற்கு அருகாமையில் உள்ள இன்னொரு சோதனை நடவடிக்கை முகாமுக்கு அழைத்துச் செல்லப்பட்டோம். அங்கும் மொப்ப நாய்களிடம் மீண்டும் எமது பயண பொதிகள் சோதனை செய்யப்படுகின்றது. பின் பயண பொதிகளை இராணுவத்தினர் அக்குவேறு ஆணி வேறாக சோதனை செய்கின்றனர்.

சோதனை செய்த பின் வாகனத்தில் மீண்டும் பயணப் பொதிகளை வாகனத்தில் ஏற்ற வேண்டும்.. இத்தனைக்கு ஒரு வழி போக்குவரத்திற்கு 11 ஆயிரம் ரூபா கட்டணமாக அறவிடப்படுகின்றது..

யாழ்பாணத்தில் இருந்து கொழும்பு வருவது என்றால் விமானத்தில் வருவது என்ற பெயர் ஒழிய ஆனால் அங்கிருந்து கொழும்பு வருவதென்றால் எவ்வுளவு கஷ்டங்கள்.

இத்தனைக்கும் நாட்டுக்கு சுதந்திரம் கிடைத்து விட்டதாம்?
என்ன கொடுமை சரவணா ?

கோபங்களும் புரிந்துணர்வுகளும்

2009-06-09T05:29:00.001-07:00

எனக்கு கோபத்தைப் பற்றி பதிவு ஒன்று பதிய வேண்டும் என்று நீண்ட நாள் ஆவா.ஆனால் அதற்கு சந்தர்ப்பம் கிடைக்கவில்லை இன்று கோபத்தைப் பற்றியும் புரிந்துணர்வு பற்றியும் கொஞ்சம் அலசலம் என்று நினைக்கின்றேன்.

கோபம் எத்தனை வகை என்று எல்லாம் எனக்கு அவ்வளவாக அறிந்துகொள்ளும் அளவிற்கு அறிவில்லை.

கோபம் ஏன் ஏற்படுகின்றது?

எதற்காக ஏற்படுகின்றது?

ஏற்படுவதற்கான காரணங்கள்... இவை பற்றியும் பார்த்தோமானால் காதலர்களின் கோபங்களை நான் பார்த்திருக்கின்றேன்.

நேரத்திற்கு வராவிட்டால் கோபம்

வேறுபெண்ணுடக் கதைத்தால் கோபம்

டெலிபோன் வெயிட்டிங்கில நின்றால் கோபம்

தினமும் அவளை நினைக்கா விட்டால் கோபம்

இவை எல்லாம் காதலர்களுக்குள் இடையில் ஏற்படும் சின்ன சின்ன கோபங்கள்..

இதை நாம் முளையிலேயே கிள்ளி எறிந்துவிட வேண்டும் அவ்வாறு செய்துகொண்டு இருந்தோம் என்றால் அதுவே நமது வாழ்கையை வேரோடு புடுங்கி எறிந்துவிடும்.

காதலிக்கும் போது எந்தப் பெண்ணும் எந்த ஆணும் யாருடனும் பழகலாம் என்று விடுவார்கள். ஆனால் அதுவே திருமணம் ஆனா பின்னர் அவ்வாறு நடப்பதற்கு இருவரும் அனுமதிப்பதில்லை அவ்வாறுநடந்தால் குடும்பத்தில் பிரிவுகள்தான் நிகழம் அது ஆணின் தப்பா பெண்ணின் தப்பா என்று சொல்ல முடியாது அது சமூகத்தின் தப்பாகவே இருக்கின்றது.

அந்தக் கோபங்களை நாம் எப்படி புரிந்துணர்வு மூலம் புரிய வைக்கலாம் என்றால் வெளிப்படையாக இருங்கள் எல்லாரிடமும் இல்லாவிட்டாலும் உங்களை நம்புபவர்கள் மீதும் நீங்கள் நம்புபவர்கள் மீதும் நீங்கள் தாராளமாக வெளிப்படையாக இருக்கலாம்.

அவர்கள்தான் உங்களைப் புரிந்து வைத்தவர்களாக இருப்பார்கள்.ஏன் அவர்களிடமும் உங்களுக்கு கோபம் வராத என்று கேட்ககூடாது அவர்களிடமும் கோபம் வரும் ஆனால் எந்த சூழ்நிலையில் அவருக்குக் கோபம் வந்தது என்பதை புரிந்து வைத்திருந்தால் அந்த உறவுக்குள் எந்தப்பிளவும் ஏன் எந்த விரிசலும் ஏற்படாது.

அப்படியிருந்தும் அவர்களுக்கிடையில் இடைவெளிகள் தோன்றும் என்றால் அவர்களிடையே புரிந்துணர்வும் நம்பிக்கையும் இன்மையுமே காரணம்.

நீங்கள் ஒருவர் மீது கோபப்படும்போது அது அவர்களது உள்ளத்தை சுடாதவரைக்கும் நல்லது. அதை மிறி அது அவர்களது உள்ளத்தை சுட்டுவிட்டால்.

சுட்டாலும் மறக்காது நெஞ்சம் உயிர் உள்ளவரை அதை அவர்கள் மறக்கவும் மாட்டார்கள்.

(கோபம் இன்னும் தொடரும்)

சதியினால் விதியை அறியாத பிரபா

2009-05-27T03:37:00.001-07:00

30 வரு காலப் போராட்டம் சில நிமிடங்களில் அழிக்கப்பட்டனவா அழிக்கப்படவில்லையா என்ற விவாதத்திற்கு நான் வரவில்லை.எமக்காக போராடிய தலைவர் எமக்காக வாழ்ந்த தலைவர் எப்பொழுதும் எம்மோடு வாழும் ஒரே தலைவன் இறந்து விட்டாரா இல்லை உயிரோடு இருக்கின்றாரா இல்லையா என்று இன்று தமிழ் மக்கள் மட்டுமல்ல உலகத்தில் உள்ள அனைத்து மக்களும் குழம்பிப்போயிருக்கின்றார்கள்.

ஒரு சிலர் தலைவர் இறந்துவிட்டார் என்று அஞ்சலிகளையும் இன்னும் ஒரு சிலரோ அவர் இறக்கவில்லை என்றும் வாதிட்டுக்கொண்டிருக்கின்றனர்.

முதலில் அந்த வாதங்களை விடுங்கள்.... அடுத்தது நாம் என்ன செய்யவேண்டும். பிரபாகரன் இறந்தது உண்மைய õக இருந்தால் அவருக்கு உரிய அங்கீகாரத்தை நாம் கட்டாயம் வழங்க வேண்டும். அதை நாம் காலம் தாழ்த்தி கொடுத்து எந்த பிரயோசனமும் இல்லை எங்களுக்காக தனது மகனைக் கூட இழந்து தன்னுயிரையும் சொந்த மண்ணிலே உயிர் நீத்திருக்கின்ற வீரமகன்.

அந்த மகனுக்கு உலகம் என்ன கைமாறு செய்யப்போகின்றதோ தெரியவில்லை.சதி வலைகள் விதியை நிர்ணயித்திருக்கி ன்றதை அறியாத தலைவர்.நம்பிக் கழுத்தறுத்த நம்பியார்கள் மற்றும் நாராயண சாமிகள். சோனியாவின் இதயம் ஆனந்த்தில் துள்ளுகின்றதாம். ராகுல் காந்தியின் மனசில் பட்டாம் பூச்சி பறக்கின்றதாம்.

ராஜீவை கொன்ற புலிகளை ராகுல் அழித்திருப்பதாக சொன்னாலும் இனி அவர்கள் இனி மறைமுகமான எதிர்ப்பை எதிர்கொள்ள வேண்டிய சூழ்நிலை ஏற்படலாம்.தமிழர்களின் தேசியத் தலைவரை தாம் வீழ்த்திவிட்டோம் என்ற இறுமாப்புவேறை.

ராஜீவ் காந்தியை கொலை செய்த குற்றத்திற்காக ஒட்டுமொத்த தமிழ் இனத் தையும் அழிக்கும் செயலில் சோனியாவின் அரசாங்கம் இறங்கியிருந்து வெற்றி கண்டுவிட்டது என்று உளறிக்கொண்டிருக்கின்றது. அவர்களுக்குத் தெரியவில்லைப்போலும் விடுதலைப் புலிகள் ஒரு புற்றுநோய் போன்றவர்கள் .

கருணாநிதிக்கும் இந்தச் சதிக்கும் சம்பந்தம் இருப்பதாக தெரிகின்றது. பிரபாகரனின் மரணத்தை அடுத்து கருணாநிதியை நேரில் சந்தித்து கலந்துரையாடியுள்ளார் நாராயணன்.

ராஜிவ் காந்தி காலத்துக்கு முன்னையா காலங்களில் இருந்தே விடுதலைப் புலிகளை முற்றாக அழிக்கவேண்டும் என்று கங்கணம் கட்டி செயற்பட்டவர் இந்த நாராயணன்.தனது பிள்ளைகளுக்கு அமைச்சர் பதவி கிடைக்க வில்லை என்றவுடன் கூட்டணியில் இருந்து பிரிந்து வெளியில் இருந்து ஆதரவு செய்யப்போவதாக அறிவித்திருந்த கருணாநிதி.

ஈழப்பிரச்சினை விடயத்தில் மட்டும் கபடநாடகங்களை மேடை ஏற்றினார். கருணாநிதியினால் அன்று அரசாங்கம் கலைக்கப்பட்டிருந்தால் இன்று ஈழத்தில் 1 இலட்சம் தமிழ் மக்கள் இறந்திருக்கமாட்டார்கள்.உலகத் தமிழீனத்தின் தலைவன் என்கின்ற நிலைக்கு வரஇருந்த கருணாநிதி இன்று உலகத் தமிழினத்தின் துரோகியாகவே மாறிவிட்டார்.

புலிகள் இப்பொழுது ஆயுத்த ரீதியாக தோல்வி கண்டு உள்ளனர் என்பது நிதர்சனம். அதற்காக அவர்களது கட்டமைப்புகள் பிரபாகரனால் உருவாக்கப்பட்டவை அவை அவ்வாறே இயங்கும் என்று மட்டக்களப்பு அரசயில் துறைப்பொறுப்பாளர் ஜெயமோகன் கூறியிருப்பது குறிப்பிடத்தக்கது.புலிகள் செய்த பிழைகளைச் சுட்டிக்காட்டி சிலர் பேசிவருகின்றார்கள் இப்படியானவர்களைப் பார்க்கும் பொழுது ஏன் தமிழனாகப் பிறந்தோம் என எண்ணத் தோன்றுகின்றது.பிரபாகரனின் மரணத்தினால் சுகம் காணப்போவது சிங்கள தேசம் அதை அறியதா தமிழன் வாய்ஜாலங்கள் செய்யாமல் இருந்தால் சரி..... இனி தமிழனுக்கு விடிவுகாலம் என்பது அவன் கனவில் கூட நினைத்துப் பார்க்க முடியாததொன்று.....

வரலாறு படைத்த பிரபாகரன்

2009-05-26T07:50:00.000-07:00

அருட்தந்தை ஜெகத் கஸ்பர்

மறப்பேனோவேலுப்பிள்ளை பிரபாகரன் தந்த பதிலை? 2002-ம் ஆண்டு நேர்காணலில் நான் கேட்ட 62-வது கேள்வி அது. ""உங்களுக்கு கடும் கோபம் வர வேண்டுமென்றால் நான் என்ன செய்ய வேண்டும்?'' அதற்கு அனிச்சை செயல் வேகத்தோடு அவரிடமிருந்து வந்த பதில்: ""என் தமிழ் இனத்தின் எதிரியாக இருந்து பாருங்கள். அப்ப தெரியும் என்ட கோபம்!''வலியது வாழும். நியாயம், நீதி, உணர்வுகள், ஒழுக் கம், விழுமியங்கள் எவை பற்றியும் அதிகம் அலட்டிக் கொள்ளாத இயற்கையின் நியதி இது. ஆம், வலியது வாழும். போரின் கொடுமையோ அதனிலும் பெரிது. வெற்றி பெற்றவன் அனைத்தையும் எடுத்துக் கொள்வான், வரலாறு உட்பட. தோற்றுப் போனவன் தலைகுனிந்து குறுகி நிற்க வேண்டும். வேலுப்பிள்ளை பிரபாகரனும், தமிழீழ விடுதலைப்புலிகளும் விட்ட பிழைகளையும், செய்த தவறுகளையும்தான் இனி பலரும் அதிகமாகப் பேசப்புறப்படுவார்கள்.தமிழீழ விடுதலைப் புலிகள் தவறிழைக்காத தேவ தூதர்கள் இல்லைதான். அவர்கள் செய்த குற்றங்களை, குற்றமென்று உரைக்கும் ஒழுக்க நிலை நமக்கு இருந்தால் மட்டுமே அவர்கள் முன்னெடுத்த விடுதலைப் போராட் டத்தை போற்றி, தொடர்ந்து அப்போராட்டத்தின் அரசியல் இலக்குகளை அம்மக்களுக்கு உறுதி செய்யும் செயற்பாடுகளை நாம் மேற்கொள்ள முடியும்.மாற்றுக் கருத்துடைய பலரை அரசியல் களத்திலிருந்து அகற்றியது, உலக அளவிலான அரசியல் தலைமைத் துவங்களை உருவாக்காதது, "போர் வெற்றி' தொடர்பான மிகைப்படுத்தப்பட்ட நம்பிக்கைகளை மக்களிடையே உருவாக்கி தங்களை மக்களின் "பந்தயக் குதிரைகளாக' நிறுத்தி -மக்களை அரசியல்மயப்படுத்த தவறியது, ராஜீவ்காந்தி படுகொலையில் சம்பந்தப் பட்டது -அல்லது சம்பந்தப்படவில்லை யென்றால் அதனை சரிவர விளக்காதது... என தமிழீழ விடுதலைப்புலிகள் விட்ட பிழைகள் பல உண்டு.எனினும் தமிழீழ விடுதலைப்புலிகள் இல்லாத தமிழ் வரலாறும், அவர்தம் வரலாற்றோடு தொடர்பற்ற தமிழர் எதிர்கால எழுச்சியும் இல்லை என்பதே நிதர்சனம். தமிழர் வரலாற்றின் அகற்றமுடியா ஆதர்ச மாகவும் வரலாற்றுப் பிரமாண்டமாகவும் வேலுப்பிள்ளை பிரபாகரன் நிலைபெற்று விட்டார் என்பதுதான் உண்மை. எனவேதான் அவரைப் பற்றின சரியான புரிதல் தமிழ் நாட்டுத் தமிழர்களாகிய நமக்கும் முக்கியமானதாகிறது. தமிழர்களாகிய நமது எதிர்கால எழுச்சிக்கும் அது முக்கியம்.உலகின் ஒரு மூலையில் மிகச்சிறியதோர் தமிழ்க் கூட்டத்திலிருந்து முன்னுதாரணமான தோர் விடுதலைப் போராட்டத்தை கட்டி யெழுப்பியவர் வேலுப்பிள்ளை பிரபாகரன்.

அந்தப் போராட்டம் நமது இனத்தில் பிறந்த தென்பது, உணர்வுகளைத் தவிர வேறெதுவும் பெரிதாகப் பங்களிக்காத நமக்கும் பெருமையே.நாற்புறமும் நீர்சூழ்ந்த சிறியதோர் நிலப்பரப்பில், இலங்கையோடு சுற்றியிருக்கும் பெரிய நாடுகளான இந்தியா, பாகிஸ்தான், சீனா நாடுகளினது நெருக்குவாரங்களுக்கு ஈடுகொடுத்து, மரபுவழித் தாக்குதல் படை யணிகள், சிறப்புப் படை பிரிவுகள், பீரங்கிப் பிரிவு, கடற்படை, உலக உளவு அமைப்புகள் மெச்சும் மிகத்திறன் கொண்ட புலனாய்வுத் துறை, 70-க்கும் மேலான கப்பல்களை கொண்ட அனைத்துலக ஆயுத கொள்வனவுப் பிரிவு, அரை உரிமை கொண்ட ஒரு செயற்கைக்கோள் -இவற்றிற்கெல்லாம் மகுடம் வைத்தாற்போல் 2002-முதல் ஓர் அரசுக்கு இருக்க வேண்டிய துறைசார் அலகுகளுடன் கூடியதோர் நடை முறை அரசை உருவாக்கி பல உலக நாடுகளை விடவும் நேர்த்தியான முறையில் அதனை நிர்வகிக்கும் திறனும், கண்ணியமும், ஒழுக்கமும் கொண்ட நிர்வாக ஏற்பாட்டையும் உருவாக்கி சாதனை செய்தவர் வேலுப்பிள்ளை பிரபாகரன். உலகெங்கும் யூதர்கள் இருந்தாலும் இஸ்ரேல் அவர்களது உரிமை பூமியாய் இருப்பதுபோல் உலகெங்குமுள்ள எட்டு கோடித் தமிழர்கள் தம் இனத்திற்கும் ஒரு நாடு இருக்கிறது என்று பெருமையுடன் பேசும் நிலைக்கு வெகு அருகில் தமிழினத்தை கொண்டு வந்தவர் அவர்.அவற்றிற்கெல்லாம் மேலாய் இயல்பாகவே தாழ்வு மனப்பான்மை, இலக்கு நோக்கிய விடாப் பிடியான உறுதியின்மை, அதிகாரவர்க்கத்தை கண்டு அஞ்சுதல் போன்ற குணாதியங்களைக் கொண்ட தமிழ் இனத்தினது மனவெளியில் கண்ணுக்குப் புலப்படாத போராட்டமொன்று நடத்தி, நம்பிக்கை ஊட்டி, துணிவுடன் நிமிர வைத்து, பிறர் வாழ தம் உயிரை மனமுவந்து ஈகம் செய்யும் தலைமுறை ஒன்றினை புடமிட்டு, நானும் பிறந்து பாக்கியம் பெற்ற இத்தமிழினத்தின் சிந்தனை இயக்கத்தையும் போக்கையும் மாற்றியமைத்ததுதான் வேலுப்பிள்ளை பிரபாகரன் படைத்த உண்மையான வரலாறு.முல்லைத்தீவில் பல்லாயிரம் போராளிகளையும், பலநூறு கோடி ரூபாய் பெறுமதியுடைய ஆயுதங்களை யும் முற்றாக இழந்து ராணுவரீதியாய் நிர்மூலமாகி விட்டாலும்கூட -வேலுப்பிள்ளை பிரபாகரன் படைத்த இந்த மகத்தான வரலாற்றையும், கால் நூற்றாண்டிற்கு முன் தமிழர்கள் கற்பனைகூட செய்து பார்த்திராத அரசியல் உச்சநிலைக்கு தமிழினத்தை அவர் அழைத்து வந்துவிட்டதையும் தமிழர்களாகிய நாம் ஒவ்வொருவரும் உணர வேண்டும். ராஜீவ்காந்தி படுகொலையில் அவர் குற்றவாளியென்றால் அவ்வாறே இருக்கட்டும். தீர்ப்பு எழுதப்படட்டும், தண்டனையும் தரப்படட்டும். அதேவேளை சில குற்றங்களையும், சில தவறுகளையும் கடந்து அவர் படைத்த இவ்வரலாற்றி னை பெருமையுடன் சுவீகரித்துக் கொள்ளும் உரிமை தமிழராகிய நமக்கு இல்லையென்று சொல்ல எந்த அரசுக்கும், அதிகார அமைப்புக்கும் உரிமை யில்லை.தனிப்பட்ட மனிதனாகவும், தன் வாழ்விலும் ஒரு இனத்தின் மாபெரும் நாயகனாகப் போற்றப்படும் இயல்புகள், ஒழுக்கங்கள் கொண்டிருந்தார் அவர் என்பதும் முக்கியமானது. ""தலையை குனியும் நிலையில் இங்கே புலிகள் இல்லையடா, எவனும் விலைகள் பேசும் நிலையில் எங்கள் தலைவன் இல்லையடா'' என அவர்கள் பாடும் பாடல் மிகவும் தகுதி யானதே. ""உலகத் தமிழ் மக்கள் உங்களை தேசியத் தலைவர் எனப் போற்றுகிறார்கள். இத்தகுதியை நீங்கள் எப்படி உணர்கிறீர்கள்?'' என்று 2002-ல் நான் கேட்ட கேள்விக்கு அவர் தந்த பதில் இவரைப் போலொரு நேர்மை யான தலைவரை நாமறிந்த தமிழர் வரலாறு பெற்றிருக்கவில்லை என்ற உணர்வினை அன்றே என்னுள் உருவாக்கியது. இதோ அவர் சொன்ன அதே வார்த்தைகள்: ""என்னை நானே மிகைப்படுத்திக்கொள் ளும் எண்ணம் எனக்குக் குறைவு. இப்படி தகுதியையெல் லாம் அடைய வேண்டு மென நான் உழைத்ததை விட என் இனத்திற்கான கடமையை செய்ய வேண்டும், எனது மக்களின் விடுதலைக்காக நான் அர்ப்பணிப்போடு போராட வேண்டும் என்ற எண்ணம்தான் மேலோங்கி யிருந்தது. கடமை உணர்வுதான் எனக்கு அதிகம். அதற்கு அப்பால் என்னை நானே பெரிதாக சிந்திக்கிற பழக்கம் எனக்கு இல்லை. என்னோடு கூட நிற்கும் தளபதியர், போராளிகள், அவர்களோடு போராட்ட சவால்களுக்கெல் லாம் ஈடுகொடுக்கும் எமது மக்கள் -எல்லோராலும்தான் போராட்ட சாதனைகள் உருவாக்கப்படுகின்றன''.தொடர்ந்து நான் கேட்டேன், ""தமிழ் மக்கள் உங்களை அசாதாரணமான ஆற்றல்கள் கொண்ட ஒருவராகப் பார்க்கிறார்களே?'' -இக்கேள்விக்கு அவர் தந்த பதில் எனது வாழ்வில் பெற்ற நேர்காணல் பதில்களிலெல்லாம் அற்புதமானது. ""எல்லோரையும்போல் நானும் ஒரு சாதாரண மனிதன்தான். ஆனால் தமிழ் மக்களுக்கு ஒரு பலவீனம் உண்டு. ஒருவருக்கு பெரிய உருவம் கொடுத்து, தெய்வம் போன்ற மாயையை அவரைச் சுற்றி உருவாக்கி, எல்லா பொறுப்பையும் அவர் மீது போட்டு, தங்கள் கடமை முடிந்ததென்று ஒதுங்கிக் கொள்வார்கள். தமிழனாகப் பிறந்த ஒவ்வொருவரும் செய்ய வேண்டிய கடமைகளை நானும் செய்திருக்கிறேன். ஒவ்வொரு தமிழரும் தமிழரென்ற வகையில் தாம் செய்யவேண்டிய கடமைகளை செய்தார்களென்றால் என்னை சுற்றின இந்த பிரம்மாண்டம் இருக்காது. நான் தலைவராகவே உங்களுக்குத் தெரியமாட்டேன்''. என்னே தெளிவு. என்னே நேர்மை! என்னே தன்னம்பிக்கை!முல்லைத்தீவு பேரழிவிலிருந்து தங்களையும் விடுதலைப் போராட்டத்தையும் தற்காத்துக்கொள்ள ஒரே ஒரு வாய்ப்பு தமிழீழ விடுதலைப்புலிகளுக்கு இருந்தது. கடந்த ஜனவரி 24 அன்று வன்னிப்பரப்பிலுள்ள கல்மடு குளத்தை புலிகள் உடைத்துவிட நூற்றுக்கணக்கான ராணுவத்தினர் பலியான செய்தியை நக்கீரன் வாசகர்கள் அறிந்திருப்பீர்கள். கல்மடு குளத்தைவிட பன்மடங்கு பெரியது இரனைமடு ஏரி. இரனைமடு ஏரியை உடைத்திருந்தால் ஊழிப்பெருக்குபோல் பெருவெள்ளம் புறப்பட்டு வன்னிப் பரப்பு முழுதையும் விழுங்கி பூநகரி வரையுள்ள மரம், செடி, உயிர் அனைத் தையும் அழித்துத் தீர்த்திருக்கும். மிகக் குறைந்தபட்சம் 40,000 சிங்கள ராணுவத் தினர் செத்து மிதந்திருப்பர். அவர்தம் பல்லாயிரம் கோடி பெறுமதியுடைய ஆயுதங்கள், ராணுவ கட்டுமானங்களும் புதையுண்டு போயிருக்கும். இந்த மரண அடியிலிருந்து அடுத்த பத்து ஆண்டு களுக்கு சிங்கள ராணுவம் எழும்பியிருக் காது.ராஜபக்சே சகோதரர்களின் அரசிய லும் முடிந்திருக்கும். தமிழீழ விடுதலைப் புலிகள் இயக்க தளபதிகள் இறுதி அஸ்திர மாக இரனைமடு ஏரியை உடைக்கும் ஆலோசனையை முன்வைத்தபோது யோசனைகளுக்கு இடம் கொடுக்காம லேயே பிரபாகரன் சொன்னாராம், ""நீங்க சொல்றது சரிதான். இரனை மடுவெ உடைச்சா சிங்கள ஆர்மிகாரனுக்கு மரண அடி கொடுக்கலாம். ஆனால் வன்னியின்றெ பொருளாதாரமும் அதோட போகும். அடுத்த நூறு ஆண்டுக்கு அந்த மண்வளத் தையும் விவசாய பொருளாதாரத்தையும் ஒருத்தராலயும் மீட்டெடுக்க முடியாது.நம் வன்னி சனம் எத்தனையோ கஷ் டங்கள்பட்டு விடுதலைப்போராட்டத் தோடு நிக்கிறாங்கள். அந்த சனத்துக்கு நாம் இப்படியொரு துரோகம் செய்ய ஏலாது.'' பேரழிவு நெருங்கிவந்த பொழுதில்கூட தனது மக்களின் வாழ்வுக்கான ஆதார வளங்களை அழித்து தன்னையும் இயக்கத்தையும் பாதுகாக்க மறுத்த இந்த மாமனிதனா பயங்கரவாதி? ஐயப்படும் அன்பர் களுக்கும், ஆங்கில ஊடகத்து அந்நியர்களுக்கும் இவற்றையெல் லாம் எடுத்துரையுங்கள். அவர்கள் வனைவு செய்த பயங்கரவாத வர்ணஜாலங்களுக்கு அப்பால் இதயம் கொண்டதொரு மனி தன் பிரபாகரன் என்பதை உரத்துச் சொல்லுங்கள்.

(நன்றி நக்கீரன் இணையம்)

பிரபாகரனின் குடும்பம்

2009-05-09T12:21:00.001-07:00

பிரபாகரனின் தந்தையும் தாயும் மகனும்

2009-05-09T12:19:00.000-07:00

பிரபாகரனின் மகனும் மகளும்

2009-05-09T12:01:00.001-07:00

பிரபாகரனின் குடும்பப் படங்கள்

2009-05-09T11:00:00.000-07:00

அண்மையில் இலங்கையில் ஆங்கில நாளிதழ் ஒன்று வெளியிட்ட பிரபாகரனின் அல்பத்தில் இடம்பெற்ற சில படங்கள் இங்கே.....

கைவிட்ட இந்தியா கை கொடுக்கும் அமெரிக்கா?

2009-05-08T11:17:00.000-07:00

4 அரைக்கிலோ மீற்றர் 1 இலட்சம் மக்கள் என்ன செய்யப்போகுது உலகம்?இந்தக் கேள்வி இன்று ஈழமக்களிடம் மட்டும் மல்ல உலகத்தில் உள்ள அனைவரது கேள்வியாகவும் மாறியுள்ளது.

இந்தியா என்று சொல்வதை விட மத்திய அரசு தான் இவ்வளவு மக்கள் பலியாகக் காரணமாக இருக்கின்றது.

இலங்கை அரசு இந்தியாவின் பலத்தையும் பலவீனத்தையும் நன்கு அறிந்து வைத்திருக்கின்றது இந்தியா ஆயுதங்களையும் இராணுவத்தையும் கொடுக்க முடியாது என்றால் பாகிஸ்தான் சீனா போன்ற நாடுகள் எங்களுக்கு தரும் என்று மன்மோகன் அரசாங்கத்துக்கு பூச்சாண்டி காட்டிக்கொண்டு இந்தியாவின் உதவியையும் பாகிஸ்தான் சீனா போன்ற நாடுகளின் உதவியையும் பெற்று ஒட்டு மொத்த தமிழினத்தையும் அழித்துக் கொண்டிருக்கின்றது மஹிந்த அரசாங்கம்.

உலக வல்லரசுக்களுக்கே தண்ணீ காட்டிக்கொண்டிருக் கின்றது இலங்கை அரசு என்றால் அது அவ்வாறு செய்வதற்கு எத்தனை நாடுகள் பின்னணியில் இருக்கின்றன.

தமிழ் நாட்டின் அரசியலில் இல்லை இந்திய அரசியலையே தீர்மானிக்கின்ற சக்தியாக இன்று ஈழத்தமிழர் பிரச்சினை விஸ்வரூபம் எடுத்துள்ளது.

ஒபாமா அரசாங்கம் இலங்கைப்பிரச்சினை பற்றி இந்தியாவுடன் கலந்துரையாடல்களை நடத்திப்பார்த்தது.

ஆனால் இந்திய அரசு தமிழ் மக்களை அழிக்கின்ற இலங்கை அரசுக்கே சாதகமான கருத்துக்களைத் தெரிவித்தது. கிளாரிக்கிளிண்டன் பிரணாப்முகர்ஜி உடன் தொலைபேசியில் தொடர்பு கொண்டு பேசியும் பலன் கிடைக்கவிலø. ஜெயலலிதாவின் தமிழீழம் தான் தமிழருக்கான தீர்வு என்று சொன்னது இன்று ஜெயலலிதாவுக்கான ஆதரவுக்குரல்கள் கூடியே காணப்படுகின்றது.

இதனால் கருணாநிதி தலைமையிலான தி.மு.க.கட்சி தோல்வி என்பதை அறிந்த கருணாநிதி வைத்தியசாலையில் சென்று படுப்பதும் தமிழீழம் தான் தீர்வு என்றும் சொல்வதும் தோல்வியின் பயம்தான்.

ஈழமக்களின் இன்றைய அவலக்குரல் அரசியல் வாதிகளுக்கு கேட்குதோ இல்லையோ மக்களிடம் நன்றாக சென்றடைந்துவிட்டது.ஈழமக்களின் பிரச்சனைபற்றி ராகுல் காந்தி ஒரு கருத்தையும் காங்கிரஸ் காரர் ஒரு கருத்தையும் வெளியிட்டுக்கொண்டிருக் ன்றனர்.
அ.தி.மு.காவுடன் கூட்டுக்கும் தயாராக இருக்கின்றது காங்கிரஸ். ஈழத்தமிழர் பிரச்சினையை வைத்து போட்டியிடும் ஜெயலலிதா காங்கிரஸுடன் எப்படிக் கூட்டணி அமைக்க முடியும்? அப்படி அமைத்தால் ஈழத்தமிழனை வைத்து பிச்சை எடுக்கிறத்துக்கு சமம்.

பிரிட்டன் இன்று தமிழ் மக்களுக்காகவே பேசுகின்றது அப்படி எந்த நாடு பேசுகின்றதோ அந்த நாடு தீவிரவாதத்திற்கு துணைபுரியும் நாடு என்று பச்சை குத்துகின்றது இலங்கை அரசு.

நோர்வேயைத் தொடர்ந்து இப்பொழுது பிரிட்டனும் அந்தப் பட்டியலில் இணைந்துள்ளது. இனி அமெரிக்காவையும் அந்தப் பட்டியலில் இணைத்துவிடும் இலங்கை அரசு.இந்திய ஐ.ரி. தொழிலாளர்களை வேலையில் இருந்து நீக்கியது அமெரிக்கா . அதைவிட ஐ.ரி. நிறுவனங்களை அமெரிக்காவில் அமைத்து அமெரிக்கர்களுக்கே வேலைவாய்ப்பு என்று ஒபாமா அறிவித்திருக்கின்றார்.

இதனால் அமெரிக்கப் பொருளாதாரத்தில் மாற்றத்தையும் கொண்டு வரலாம். இலங்கை அரசுக்கு உதவும் இந்தியாவின் நிலையில் மாற்றங்களையும் ஏற்படுத்தலாம் என்று அமெரிக்கா நினைக்கின்றது.

ஒபமா எதனையும் மாற்று கோணத்தில் சிந்திக்கக்கூடியவர் அதனால்ததான் இலங்கை பிரச்சினையை தீர்க்க இந்தியாவுடன் கலந்துரையாடல்கலை மேற்கொண்டார். ஆனால் இது தெரியாத இந்திய வெளியுறவுத்துறை அமைச்சர் சிவ்சங்கர் மேனன் தங்களது நிலையில் மாற்றம் இலங்கை ஆசிய பிராந்தியத்தில் ஒரு தீவிரவாத இயக்கம் வளர்ச்சியடைகின்றது அதை முற்றாக அழிப்பதற்கே தாம் பயங்கரவாத யுத்தத்திற்கு உதவுவதாக அமெரிக்காவிடம் தெரிவித்திருந்தார்.

ஒபாமா என்ன இந்திய அரசியல் வாதிகள் மாதிரி அனைத்திற்கும் தலையாட்டிவிடுவாரா என்ன?இலங்கையில் நடைபெறுகின்ற பிரச்சினைகள் பற்றி நன்கு அறிந்து வைத்திருக்கின்றார் .

அதனால் தான் தனது இராஜதந்திர நகர்வுகளை மிகவும் கவனமாக கையாண்டுகொண்டிருக்கின்றார். அதன் முதல் கட்டமாகவே பெண்டகன் அண்மையில் செய்மதி மூலம் முல்லைத்தீவில் தமிழ் மக்களை இலங்கை அரசு விமானங்கள் மூலம் கொல்லப்படும் படங்களை ஐ.நாவுக்கு கொடுத்திருக்கின்றது.இதுதான் முதல் கட்டம் என்றும் இனி வரும் நாட்களில் அமெரிக்கா இலங்கை விவகாரத்தில் துணிச்சலான முடிவுகளை எடுக்கபோகின்றது.

இதனால் இந்தியா கடுமையாக பாதிக்கப்படப்போகின்றது என்றும் அமெரிக்கத் தவல்கள் தெரிவிக்கின்றன.தமிழனை அழிக்க செய்மதியை கொடுத்து உதவுது இந்தியா .6 கோடி தமிழ் மக்கள் உள்ள நாட்டில் தமிழனுக்காக இருப்பிடம் இல்லைப்போலும். ஒரு அமெரிக்கனுக்குப் புரிந்த விடயம் கூட இந்த அரசியல் வாதிகளுக்கு புரியவில்லை என்றால் இந்திய அரசியல் வாதிகள் பணத்திற்காகவும் பதவிக்காவும் தான் வாழ்கின்றனர் என்பது நிதர்சனம்.

இந்தக் கண்ணீருக்கு யார் பொறுப்பு

2009-05-08T09:06:00.001-07:00

இது அரசியல் வாதிகளுக்கு மட்டும்

2009-05-01T05:17:00.000-07:00

நம் நாட்டு தலைவர்கள் ஒபாமாவைப் பார்த்து திருந்துவார்களா? இல்லை ஒரு கூட்டம் வால்பிடித்துக்கொண்டிருக்குமா அவர்களைச் சுற்றி.

திறந்தவெளிச்சிறையில்

2009-04-29T07:35:00.000-07:00

மன்னியுங்கள்

2009-04-28T00:48:00.000-07:00

தமிழீழம் தமிழனால் சாத்தியமா?

2009-04-26T03:50:00.000-07:00

இந்தியாவின் தேர்தல் ஒரு புறம் ஈழப்போரின் கடைசிக்கட்டம் மறுபுறம் என்று இன்று காதுகளையும் மனங்களையும் காயப்படுத்திக்கொண்டிருக்கும் விடயங்கள் ஆயிரக்கணக்கு.

ஏன்டா தமிழனாய் பிறந்தோம் என்று சந்தோஷப்படுவதா இல்லை வருத்தப்படுவதா என்று தெரியவில்லை.

(நீண்ட நாட்களாக பதிவுகள் இட முடியாமல் வேலைப்பழு என்ன செய்யமுடியும் உங்களை ஏமாற்றக்கூடாதே. அரசியல் தலைவர்கள்தான் ஏமாற்றுவார்கள் நான் உங்களை ஏமாற்ற மாட்டேன். தினமும் பதிவு இட வேண்டும் என்றுதான் நினைப்பேன் முடியாமல் போய்விடும். இந்தப் பதிவும் இரவு 2 மணியளவில்தான் பதியவேண்டிய சூழ்நிலை)

நேற்று ஒரு செய்தியைக் கேட்டு புல்லரித்துப் போனேன் ஒரு நிமிடம் எனது கையை நானே கிள்ளிப் பார்த்துவிட்டேன் என்றால் பாருங்களன்.

தனிஈழம்தான் தமிழர்களுக்குத் தீர்வு என்று ஜெயலலிதா தேர்தல் பிரச்சாரக்கூட்டம் ஒன்றில் தெரிவித்திருக்கின்றார். இது பெரும் பரபரப்பை ஏற்படுத்திவிட்டது.

இவ்வளவு காலமும் உலகத் தமிழர்களின் தலைவன் என்று தன்னை பெருமையோடு கூறிக்கொண்டிருந்த கருணாநிதிக்குக் கூட இந்தச் செய்தி ஒரு இடியாகவேத்தான் இருக்கும்.

வைகோவை பொடா சட்டத்தில் உள்ளுக்குத் தள்ளியதும் இந்த ஜெயலலிதாதான் ஆனால் இன்று வைகோவுடன் கூட்டும் தனித் தமிழீழந்தான் தீர்வு என்றும் சொல்லியிருக்கின்றார் என்றால் அவரின் மனதில் ஏற்பட்ட மாற்றமா? இல்லை இதுவும் ஒரு தேர்தல் வியூகமா என்று தெரியவில்லை.

கருணாநிதியின் கபடநாடகங்கள் அரங்கேற்றப்பட்டு இன்று தோல்வியில் முடிந்து நிற்கின்றது. சிங்கள இராணுவத்தின் கட்டுப்பாட்டுப் பகுதிக்கு வரும் மக்களும் கருணாநிதியின் வேண்டுகோளுக்கிணங்கத்தான் இராணுவம் விடுகின்றது என்று கலைஞர் ரி.வி பொய் பிரச்சாரம் செய்து வருகின்றது.

முன்பு சினிமாக்காரர்களின் போராட்டங்களையும் உண்ணாவிரதங்களையும் யார் நேரடியாக ஒளிபரப்புவது என்ற போட்டியில் நேரடியாக ஒளிபரப்புச் செய்த கருணாநிதி அரசாங்கம் இன்று ஈழம் தொடர்பான செய்திகளை மூடி மறைக்கின்றது என்றால் சோனியாவுக்கு பயந்துதான் இவ்வளவும் செய்கின்றார் இந்த கருணாநிதி.

ஈழத் தமிழர்களுக்கு ஆதரவாக பாரதிராஜா தலைமையில் நடந்த போராட்டத்தில் நடிகர் சத்தியராஜ் சொன்னதுதான் உண்மை என்று தோன்றுகின்றது.

6 கோடி தமிழ் மக்கள் உள்ள தமிழ் நாட்டில் ஒரு கோடி தமிழ் மக்கள் ஒன்று திரண்டால் ஈழப்பிரச்சினைக்கு எப்போதே தீர்வு கிடைத்திருக்கும்.ஆனால் 100 தமிழனுக்கு பிரச்சினை என்றால் ஒரு தமிழன்õதான் குரல் கொடுகின்றான்.

ஒரு ராஜீவ் காந்தியை கொண்டதற்காக ஒரு இனத்தையே அழிக்கின்றார் சோனியா காந்தி.

கர்நாடகத்தில் பிரச்சினையென்றால் முழுக்கர்நாடகமே கொந்தழிக்கின்றது.

சீக்கியர்களுக்கு ஒரு பிரச்சினை என்றால் முழு சீக்கிய இனமுமே கலவரத்தில் ஈடுபடுகின்றது.

ஆனால் ஒரு தமிழனுக்கு பிரச்சினை என்றால்????????

அண்மையில் இலங்கை வந்த ஸ்ரீ ஸ்ரீ ரவிசங்கர் ஒரு பத்திரிகைப் பேட்டியில் தெரிவித்திருந்த கருத்தையும் நாம் கருத்தில் கொள்ள வேண்டும். தமிழர்கள் ஒற்றுமையாக இந்தப் பிரச்சினையை கையாண்டிருந்தால் எப்போதே தீர்வு கிடைத்திருக்கும்.

ஆனால் இன்று ஒற்றுமையாக இருக்கின்றார்களா என்றுதெரியவில்லை.

தமது சுகபோக வாழ்க்கைக்கும் பணத்திற்குமாக தமிழன் இன்று விலைபோய்க்கொண்டுதான் இருக்கின்றான்.

அன்று வீரபாண்டிய கட்டபொம்மனுக்கு ஒரு எட்டப்பன் என்றால் இன்று பிரபாகரனுக்கு எத்தனை எட்டப்பர்கள் இருக்கின்றார்கள்.

ஒரு இனத்தின் விடுதலை என்பது ஒட்டுமொத்தமாக போராட்டினால்தான் அந்த இனத்திற்கு விடுதலை கிடைக்கும்.

ஆனால் ஒட்டுமொத்தமாக ஒருபோதும் தமிழன் என்ற இனம் போராடாது அப்படி போராடினால் அந்த இனம் உலக அதிசயங்களில் ஒன்றாகத்தான் இருக்கும்.

வெறுங்குடங்களின் கையில் பத்திரிகை

2009-04-20T04:25:00.000-07:00

இலங்கையில் ஊடகத்துறை வருங்காலத்தில் ஏன் அடுத்த சந்ததியினருக்கு எப்படி பயனளிக்கப்போகின்றது என்று தெரியவில்லை.

அண்மையில் எனக்கு ஒரு பத்திரிகை நண்பருடன் உரையாடும் சந்தர்ப்பம் கிடைத்தது. அவர் சொன்ன விடயங்கள் எனது மனதை மிகவும் காயப்படுத்திவிட்டது என்றுதான் சொல்லலாம்.

பத்திரிகைத்துறையில் நுழைவதற்காக கனவுடன் திரிபவர்கள் எத்தனை பேர்.... பாரதியர் தொடங்கி இன்று எஸ்.டி.சிவநாயகம் வரை எத்தனை பத்திரிகை ஜாம்பவான்கள் இருந்தார்கள்.

ஏன் இன்றும் எத்தனைபேர் தங்களது திறமைகளை இலைமறை காயாக வைத்துக்கொண்டு இருக்கின்றார்கள்.

(அது சரி உங்கட நண்பன் உங்களுக்கு சொன்னதை முதலில் சொல்லுங்கள் என்று திட்டுவது எனக்கு தெரிகின்றது)

முன்பெல்லாம் பத்திரிகையாளன் ஆவது என்றால் எழுத்துத்துறையில் ஆர்வமும் எழுதவும் தெரிந்திருக்க வேண்டும்.

ஆனால் இன்று இன்டர் நெட் பார்க்கத் தெரிந்தால் போதும். அதில் வருவதை அப்படியே எடுத்து பிரசுரிக்கின்றார்கள்.அப்படிப் பிரசுரிப்பவர்கள்தான் ஊடகவியலாளர்கள் என்றால், தனது எழுத்தாற்றலையும் திறமையையும் வெளிப்படுத்துபவர்களுக்கு சந்தர்ப்பம் வழங்கப்படுவதில்லையாம்?ஒருவன் தனது முகவரியைத் தேடிக்கொள்ள முடியாத நிலை பத்திரிகை நிறுவனங்களில் உள்ளதாகவும், அப்படி அவர்கள் தாங்களாகவே தேடிக்கொண்டால் அவர்களின் ஆயுட்காலம் அந்தப் பத்திரிகை நிறுவனத்தில் குறைவாகவே இருக்கும்.
திறமைகளுக்கு முக்கியத்துவமா? இல்லை வால்பிடிப்பவர்களுக்கு முக்கியத்துவமா?நிறைகுடங்கள் தளம்பாது என்பது நிதர்சனம். ஆனால் வெறும்குடங்களாக இருப்பவர்களின் கையில் நாளை பத்திரிகை ஆசிரியர் பதவி கிடைத்தால் என்னவாகும் என்று தெரியவில்லை.

காட்டுக்குள் மிருகங்கள் இருக்கும் ஆனால் மரத்திற்குள்

2009-04-17T07:55:00.000-07:00

சிந்திக்க வேண்டிய சித்திரை

2009-04-12T04:25:00.000-07:00

தமிழர்களின் புதுவருடப் பிறப்பு நாளை உலகத் தமிழர்களின் தமிழ் முதலாம் நாள் இற்றைக்கு 2 வருடங்களுக்கு முன்பு சித்திரை வருடப்பிறப்பு என்றால் எத்தனை சந்தோஷம் ஈழத்தமிழனுக்கு.

ஆனால் இன்று ஈழத்தமிழன் சொல்லொண துயரத்தில் இருக்கின்றான் அவனது இருப்புக் கூட கேள்விக் குறியாகியுள்ள நிலையில் நாளை மலரப்போகும் விரோதி வருடம் ஈழத்தமிழனுக்கு என்ன செய்யப்போகின்றதோ தெரியவில்லை.

இன்னொரு சோமாலியா போல் முல்லைத்தீவில் பஞ்சம் பட்டிணி மக்களை வாட்டுகின்றது உணவுப்பொருட்களின் விலையோ ஆயிரக்கணக்கில் இருக்கின்றது.சிங்களப் பேரினவாதம் விடுதலைப் புலிகளையும் தமிழனையும் அழித்து விட்டுத்தான் தனது சிஙக்ள புதுவருடத்தைக் கொண்டாட திட்டமிட்டிருக்கின்றது.

தமிழனைக் கொன்று குவித்து அவனது இரத்தத்தில் சுகம் காணத் துடிக்கின்றது. விடுதலைப் போராட்டம் முடக்கப்பட்டு விட்டதாக நினைக்கின்றது சிங்களப் பேரினவாதம்.

ஆனால் அது இன்னும் விரிவடைந்து வந்து ஒரு ஏழுச்சி நிலையில் நிற்கின்றது. ஆயுதப் போராட்ட ரீதியில் புலிகள் தோல்வியை அடைந்திருப்பது உண்மைதான்.

ஆனால் அவர்களை உலகம் அங்கீரிக்கின்ற ஒரு நிலையை இன்று புலம்பெயர் தமிழர்கள் செய்துவருகின்ற ஆர்ப்பாட்டங்களும் உண்ணாவிரதங்களும் உணர்த்துகின்றன.

வீட்டின் ஒரு கோடியில் இருந்த தமிழீழத் தேசியக் கொடி இன்று உலகத்தின் அத்தனை கோடிக்கரைகளையும் தொட்டு நின்று பறக்கின்றது.

ஒரு புறம் உலகப் பொருளாதார வீழ்ச்சி மறுபுறம் ஈழத்தில் ஏற்பட்டுள்ள போர் நிலை தமிழனின் வாழ்க்கைக்கு எப்போது நிம்மதி கிடைக்கப்போகின்றதோ வாழப் பிறந்தவனா இல்லை சாகப் பிறந்தவனா தமிழனா என்று எண்ணத் தோன்றுகின்றது.தமிழர்கள் ஒன்று பட்டால் இந்த சித்திரையில்லை எத்தனை சித்திரைகள் வந்தாலும் தமிழனை அழிக்க முடியாது.

லண்டன் உண்ணாவிரதம் உணர்த்துவது என்ன?

2009-04-10T07:11:00.000-07:00

லண்டனில் நடைபெற்றுக் கொண்டிருக்கும் உண்ணாவிரதப் போராட்டம் உலக ஊடகங்களில் பெரும் பரபரப்பை ஏற்படு்த்தியுள்ளது.
காந்தி தேசம் கைவிட்ட பின்னர் இன்று உலகத் தமிழர்கள் ஐ.நா.வையே நம்பியிருக்கின்றார்கள்.
தமிழர்கள் இன்று 300 பேரை இலங்கை இராணுவத்தினர் கொன்று குவித்திருக்கின்றனர்.
தடுக்குமா உலகம்? இல்லை தட்டிக்கழிக்குமா? காந்தி வழி என்று சொல்வதை விட திலீபன் வழி என்றால் ஈழத்தமிழனுக்கு நல்லது.
உண்ணாவிரதங்கள் தமிழகத்தில் ஆரம்பிக்கப்பட்டாலும் இன்று புலம்பெயர் தமிழர்களின் இந்த உண்ணாவிரதம் உலக நாடுகளை கொஞ்சம் அசைக்கும் என்றுதான் தெரிகின்றது.
கடும் குளிரிலும் இந்த உண்ணாவிரதிகளின் கண்களில் சிந்துவது இரத்தக்கண்ணீர் ஈழத்தமிழனுக்காக.... அந்தக் கண்களில்.... என்ன தெரிகின்றது
உலகமே...... கைகொடு ஈழத்தமிழனைக் காப்பாற்ற.

லண்டனில் தமிழர்கள் போராட்டம்

2009-04-07T07:00:00.001-07:00

லண்டனில் தமிழர்கள் போராட்டம்

2009-04-07T06:38:00.000-07:00

ஈழத்தில் நூற்றுக்கணக்கான தமிழ் மக்கள் இலங்கை அரசால் கொன்று குவிக்கப்படுகின்றனர்.
அவர்களை சர்வதேச சமூகம் காப்பாற்றமல் வேடிக்கை பார்க்கின்றது.
நேற்றும் இன்றும் லண்டன் பாராளுமன்றத்திற்கு முன்பாக புலம்பெயர் தமிழர்கள் வீதி மறியல்போராட்டத்தில் ஈடுபட்டிருப்பதையும் அங்கு பொலிஸாருக்கும் ஆர்ப்பாட்டக் காரர்களுக்கும் இடையில் ஏற்பட்ட வாய்த்தர்க்கத்தையும் படங்களில்...

திரும்பிப்பார்

2009-04-04T11:16:00.000-07:00

பாரம்

2009-04-03T03:45:00.000-07:00

ரம்பாவின் பிரச்சாரம் ஆரம்பம்

2009-04-01T22:46:00.001-07:00

தேர்தல் பிரச்சார மேடையில் ரம்பா தயாராகிக் கொண்டிருக்கின்றார். மானாட மயிலாடா நிகழ்ச்சியில் நடுவரே அவருக்கு இன்று வாழ்க்கை கொடுத்துக் கொண்டிருக்கின்றது அதற்கு ஒரு நன்றிக் கடன் செலுத்த வேண்டாமா அதற்காகவே அதிரடியாக sorry கவர்ச்சியாக களத்தில் இறங்கிவிடடார் ரம்பா .

அது சரி ரம்பா மேட்டருக்கு வாங்களன்...

ரம்பா தேர்தல் பிரச்சாரத்திற்கு வருகின்றார்....

தொண்டர்கள் அலை மோதிக்கொண்டிருக்கின்றனர்.

ரம்பா மேடையில் அமர்க்கின்றார்... ரசிகர்களின் கரகோஷம் வானைப் பிளக்கின்றது.

வருங்கால முதலமைச்சர் ரம்பா வாழ்க ரம்பா வாழ்க என்று கலைஞரோ பயந்து விட்டார் எனக்கு பிரச்சாரத்திற்கு அழைத்தால் அவளே வருங்காள முதல்வராம் எப்படி முட்டாள் தனமான தொண்டர்கள் என்று மனதுக்கு வேதனையோடு.

கலைஞர் ரம்பா கலைஞரின் தளபதி மு.கா.ஸ்டாலின் அழகிரி மற்றும் கனிமொழி ஆகியோர் குடும்ப குத்துவிளக்கை ஏற்றி வைத்தனர்.

பிரச்சாரத்தை கலைஞர் ஆரம்பித்து வைத்தார் எனது கட்சி இன்று பெரும் பின்னடை நோக்கி சென்று கொண்டிருக்கின்றது.

எல்லாப் பக்கதினாலும் அடி அடி அடி அடிக்கின்றார்கள்.நானும் எவ்வளவுதான் வலிக்காத மாதிரி நடிக்கிறது. அதற்காகவே தொடை அழகி ரம்பா வை வைத்து பிரச்சாரம் செய்வது என்று எமது குடும்பக்குழுவில் முடிவு எடுக்கப்பட்டது.

ரம்பா அம்மாவைப் பற்றி நான் சிறிது சொல்லியாக வேண்டும்.தமிழகத்திற்கு இரண்டு அம்மாக்கள் ஒன்று ஜெயா அம்மா மற்றது ரம்பா அம்மா.ஜெயா அம்மாவின் முதல்வர் கனவு நிறைவேறாது.

எனவே என் இரத்தத்தின் இரத்தங்களே என் சொந்தங்ளே என் உயிரிலும் மேலான தமிழ் மக்களே அடுத்து ரம்பா அம்மா உங்கள் முன்னிலையில் உரையாற்றுவார்...

(தொண்டர்கள் வெடிகொழுத்தி சந்தோஷப்படுகின்றார்கள்)

அழகிய லைலா ரம்பா வாழ்கதொடை அழகி ரம்பா வாழ்க என்று கோஷங்கள் எழுப்பியவாறு இருந்தனர்.

ரம்பா பேசுவதற்காக மைக்கைப்பிடிப்பதற்கு முன்…

மானாடா மயிலாடா மானாடா மயிலாடா டைட்டில் சோங் போடப்படுகின்றது ரம்பா ஆடிய வண்ணமாக வந்து மைக்கைப்பிடிக்கின்றார்.

ஹாய் ஹாய் ஹாய் நான் டமிழக முதல்வரை ஆத்தரித்து பேச்ச வந்திருங்கின்றன்.நான் இங்கே வந்து பேசுவதற்கு எனக்கு ஆதரவு தெரிவித்த தொண்டர்களுக்கு வனக்கம்.

கலைஞர் காட்வேர்க் செய்ஞ்சு இந்த இடத்துக்கு வந்திருக்கா அவர் டமிழ் மக்களுக்கு செய்யும் உதவி மிகப்பெரிது தானே ரி.வி தொடங்குவார்

தானே ரி.வி இலவசமாக கொடுப்பார்

தானே அரிசியை இலவசமாகக் கொடுப்பார் தானே ஆந்திரவிற்கு விற்று கொள்ளை லாபம் சம்பாதிப்பார்.அப்படி பட்ட டமிழக முதல்வர் கலைஞருக்கு உங்க ஓட்டை போடுங்க?

கலைஞரின் performance நல்லாயிருக்கு.. வரவர

அவரது டலன்ட் தெரிய வருகின்றது.

இடையில் சஞ்சய் வந்தார் என்னடா என்று பார்தால் பிரேக் சொல்ல வந்துவிட்டாரா என்று நினைத்தேன் இல்லை அவர் வந்து சொன்னது

நீங்கள் கலைஞருக்கு ஓட்டுப்போட வேண்டும் என்றால் கலைஞர் என்று டைப் பண்ணி கலைஞர் போனுக்கு எஸ்.எம்.எஸ் பண்ணுங்கள் அதில் அதிஷ்ட சாலிக்கு கலைஞர் தங்க மோதிரம் வழங்குவார் என்று அறிவித்து விட்டு சென்றார்.

தேர்தல் களத்தின் முதலாவது பிரச்சாரம் முடிந்து விட்டது.

மீண்டு ஒரு பிரச்சாரத்தில் சந்திக்கும்வரை உங்களிடம் இருந்து விடைபெறுவது கலைஞர் தொலைக்காட்சியின் வால்கள்.

அசின் கடத்தப்பட்டார்

2009-03-31T22:12:00.000-07:00

தனது உதவியாளரை கடத்தி மறைத்து வைத்துக் கொண்டு இல்லையென்று சொல்லிவ வந்த அசின் நேற்று இரவு 12.30 மணியளவில் இனந்தெரியாத நபர்களினால் கடத்தப்பட்டதாக அவரது தந்தை இன்று காலை பொலிஸில் முறைப்பாடு ஒன்று செய்துள்ளார்.
அந்தச் சம்பவம் குறித்து மேலும் தெரியவருவதாவது
கடந்த சில வாரங்களாக அசினின் உதவியாளரை காணவில்லை என்று அவரது தாயார் பொலிஸில் முறைப்பாடு ஒன்று செய்திருந்தார் அதனைத் தொடர்ந்து அவரைத் தேடி மும்பாய் தூத்துக்குடி சென்னை ஆகிய இடங்களில் அவர் தங்கியிருப்பதாக வந்த தகவலை அடுத்து சிறப்பு படையினர் தேடுதல் நடவடிக்கை மேற்கொண்டு வந்தனர்.
இதை அடுத்து நேற்று இரவு அசின் இந்திப் படசூட்டிங்கை முடித்து விட்டு வீடு திரும்பியவேளை வீட்டு வாசலில் வைத்து ஆயுதம் தாங்கிய நபர்கள் அவரைக் கடத்திச் சென்றதாக அவரது கார் சாரதி தெரிவித்தார்.
இந்த செய்தி முழுவதும் ஏப்ரல் 1 ஆம் திகதியான முட்டாள் தினத்தில் முட்டாள் அனைவருக்காகவும் வெளியிடப்படுகின்றது.

ஈழத்தமிழனைக் காப்பாற்றுவதற்கு யாருமில்லையா?

2009-03-30T04:21:00.000-07:00

ஈழத்தமிழனின் வாழ்க்கை இன்று மிகவும் கொடூரமான மூர்க்கத்தனமானஈவிரக்கமற்ற தாக்குதல்களால் இன்று அன்றாடம் நூற்றுக்கணக்கான உயிர்களை இழந்து கொண்டிருக்கின்றது.

அண்மையில் இணையத் தளமொன்றில் ஏறிகணைத் தாக்குதலால் இரண்டு கால்களையும் இழந்து வைத்திய சாலை வளாகத்திலேயே உயிரை விடுகின்ற இளைஞனை பார்த்தபோது சர்வதேசம் இலங்கை அரசாங்கத்திற்கு பயந்துதான் இருக்கின்றது என்று எண்ணத்தோன்றுகின்றது.

(அந்த வீடியோ இங்கே

பலவீனமான இதயம் கொண்டவர்கள்

இதைப் பார்க்க வேண்டாம்)
http://www.tamilkathir.com/news/1279/75//d,video.aspx

அமெரிக்கா பிரிடடன் போன்ற நாடுகள் இலங்கைக்கு கண்டனங்களையும் அறிக்கைகளையும் விட்டுக்கொண்டிருக்கின்றன ஒழிய அந்த நாடுகளின் செயல் வடிவங்கள் ஒன்றும் முற்றுப்பெறவில்லை.

சீனாவும் ராஷ்யாவும் இலங்கைக்கு எதிராக ஐ.நா.பாதுகாப்பு சபையை கூட்டவிடாமல் தடுத்துக் கொண்டிருக்கின்றன.ஈழத்தில் இடம் பெறுவது ஒரு இனப்பிரச்சினை அதை சீனா ஒரு மதப்பிரச்சினை வடிவிலேயே கையாழ்கின்றது.

சீனா புத்த மதத்தைக் கடைப்பிடிப்பதால் தனது மதத்தை கடைப்பிடிக்கும் இலங்கைக்கு அது ஆதரவு வளங்குகின்றது.இலஙகையில் தங்களது தளங்களை நிறுவவதற்கு இந்தியாவும் சீனாவும் போட்டி போட்டுக்கொண்டிருக்கின்றன.அதை சந்தர்ப்பமாகப் பயன்படுத்தி இலங்கை இந்தியாவிடம் இருந்தும் சீனாவிடம் இருந்தும் ஆயுதங்களை கொள்வனவு செய்கின்றது.

இந்தியாவோ ஒரு படி மேல் தனது இராணுவத்தை நான்காம் கட்ட ஈழப்போருக்கு (தமிழர்களை பூண்டோடு அழிக்கும் போருக்கு) அனுப்பிவைத்திருக்கின்றது.

வல்லரசாக முயலும் இந்தியா இலங்கையில் விடுதலைப் புலிகளை ஒழித்தால்தான் . தான் ஆசிய பிராந்தியத்தில் வல்லரசாக திகழமுடியும் . விடுதலைப் புலிகள் முப்படைகளையும் உடைய ஒரு வலுப்பெற்ற ஒரு அமைப்பாக இருப்பதால் தங்களுக்கு ஆபத்து ஏற்பட்டு விடும் என்று நினைத்துக்கொண்டு இலங்கைக்கு ஆதரவு என்ற பெயரில் தமிழனை அழிக்கும் இலங்கை அரசின் கொள்கைக்கு துணை போகின்றது. தமிழ் நாட்டைப் பொறுத்தவரையில் இப்போது தேர்தல் காலம் ஈழப்பிரச்சினை என்பது அவர்களது தேர்தல் கால கொள்கையாகவே வெளியிடப்படுகின்றது.

ஈழத்தமிழனின் பிரச்சினை என்ன தேர்தல் அறிக்கையா?முத்துக்குமார் தீக்குழிப்பு அதனைத் தொடர்ந்து எத்தனை தீக்குளிப்புக்கள் அத்தனைபேரின் உயிர்கள் ஈழத் தமிழனுக்காக.

கட்சி ரீதியான தீக்குழிப்புக்கள் இனி தேர்தல் கால பிரச்சாரத்தில் முதன்மை வகிக்கப்போகின்றது.ஏன் என்றால் தமிழகத்தில் உள்ள பெரும்பான்மைக் கட்சிகள் அனைத்திலும் இருந்து ஒருவர் இருவர் என்று தீக்குழித்துவிட்டார்கள்.

என்ன செய்தோம் என்பதை விட என்ன செய்கின்றோம் என்பதுதான் முக்கியம்.உலகத் தொலைக்காட்சிகளும் செய்தி நிறுவனங்களும் இன்று தமிழர்களுக்கு நடக்கும் கொடுமைகளையும் அக்கிரமங்களையும் வெளியிட்டு வருகின்றன.ஆனால் ஈழத்தமிழர்களாலாலேயே வாழ்கின்றது சன் ரி.வியும் கலைஞர் ரி.வியும் ஆனால் அன்றாடம் கொல்லப்படும் தமிழர்களைப் பற்றி என்ன செய்கின்றது இந்த ஊடக நிறுவனங்கள்.

வெளிநாட்டில் வாழ்கின்றவர்களின் பணத்தில் கலைஞரின் குடும்பம் சொகுசு வாழ்க்கை வாழ்கின்றது. மத்திய அரசுக்கு நாங்கள் ஈழப்பிரச்சினை பற்றி சொல்லிவருகின்றோம் என்கிறார் கலைஞர் ஆனால் ஒன்றும் நடந்த பாடில்லை.

சோனியா கருணாநிதியின் சொல்லைக் கேட்கின்றாரா இல்லையா என்று தெரியவிலலை.ஈழத்தில் நடக்கும் போருக்கு இந்தியா இராணுமும் வந்து போரிடுகின்றது. இதுகூட கருணாநிதிக்கு தெரியவிலலையா?மத்திய அரசில் அமைச்சுப் பொறுப்புக்களை பெறுவதற்கு கருணாநிதி காலில் கூட விழுந்து வாங்குவார் போல் தெரிகின்றது.

ஈழத் தமிழனைக்காப்பாற்ற ஒபமாதான் இனி வரவேண்டும் இந்தியாவை நம்பிப் பிரயோசனம் இல்லை.கூட இருந்து குழி பறிக்கின்றது இந்தியா (சோனியா) காலங்கள் மாறும் அப்பொழுது என்ன நடக்கும் ஏது நடக்கும் என்று யாருக்கும் தெரியாது ஆவியாகத் திரியும் ஈழத்தமிழன் மீண்டும் மனிதப் பிறவி எடுப்பான்.

வாழ்க்கை

2009-03-28T10:20:00.000-07:00

சம்பிரதாயங்களும் சடங்குகளும்

2009-03-24T05:42:00.000-07:00

சடங்குகளும் சம்பிரதாயங்களும் மக்களை வழி நடத்துகின்றதா இல்லை மக்களை சீரழிக்கின்றதா என்று பட்டி மன்றம் வைக்க நான் வரவில்லை அண்மையில் எனக்குத் தெரிந்த ஒருவருக்கு நிகழ்ந்த சம்பவத்தைத் தான் நான் உங்களுடன் பகிர்ந்து கொள்ளலாம் என்று நினைக்கின்றேன்.

அண்மையில் தான் அவளுக்கு அவர்களின் ஊர் வழக்கப்படித்தான் திருமணம் நடந்தது. ஆனால் நடந்து இன்னும் இரண்டு நாட்கள் கூட ஆகவில்லை அந்த ஊர்வழக்கமும் அவர்களது கலாசாரமும் அவளை என்ன கொடுமைப்படுத்துகின்றது.

திருமணம் ஆகி இரண்டு நாட்கள்தான் தாலி கட்டும்போது மாப்பிள்ளை தாலியை மாற்றிக் கட்டிவிட்டாராம் பெண்ணுக்குக் கட்டாமல் தங்கைக்கு கட்டினதாக நீங்கள் நினைக்க வேண்டாம் தாலி தலைகீழாக கட்டிவிட்டாராம்.

அதற்கும் பெண்ணுக்கும் எந்த சம்பந்தமும் இல்லை ஆனால் பெண் வீட்டார் நீ வந்த நேரம் தான் இப்படி நடக்கின்றது என்று அவளது முகத்திற்கு முன்னாலே சொல்கின்றனராம்.

நான் கேட்கின்றேன் மாப்பிள்ளை ஒழங்காக தாலியைக் கட்டியிருந்தால் ஏன் இந்தப் பிரச்சினை.

அதற்காக நீங்கள் நினைக்க வேண்டாம் பெண் அழகில்லாதவள் என்று மாப்பிள்ளையை விட பெண் அழகாக இருப்பது தான் அந்த ஊர் மக்களிடமும் அவனது உறவினர்களிடமும் எரிச்சலுக்கு உள்ளாகியிருக்கின்றது.

வயது போன பட்டி கூட என்ன கோயில்ல இருக்கின்ற சிலையை கொண்டு வந்து விட்டானா. பொம்மை மாதிரியே இருக்கு.

என்ன இந்தப் பெண் இப்படி மெல்லிசாக இருக்குதே என்று சொல்கின்றார்.

அந்தக் காலத்தில பெண்கள் உரல் குத்திமாதிரியோ தெரியவில்லை.தாலியை

தலைகீழாகக் கட்டியதற்காக முதல் இரவைக் கூட தள்ளி வைத்து விட்டார்கள் என்ன கொடுமை பாருங்களேன்.

பூனை குறுக்கே போனால் பயணத்தை ரத்துச் செய்கின்றார்கள்.காகம் பசியினால் கத்தினால் கூட அதற்கு ஒரு அர்த்தம் கண்டுபிடித்து விருந்தினர் வரப்போகின்றார்கள் என்று சொல்வது.

விதவைப் பெண்களை நற்காரியங்கள் செய்வதற்கு முன்னிலையில் விடுவதில்லை.இப்படியன செயல்களால் பலரது மனங்கள் வேதனைப்படுகின்றது.

ஏன் ஒரு கூட்டத்தில் சமூகத்தில் தள்ளி வைக்கப்படுகின்றார்கள். சம்பிர்தாயங்களைக் கடைப்பிடிக்கின்றோம் என்று என்ன என்ன கொடுமைகளை இந்த சமூகம் செய்து கொண்டிருக்கின்றது.

உன் சுவடுகள்

2009-03-23T05:04:00.000-07:00

விஜயின் கோபமும் ஊடகங்களும்

2009-03-20T06:07:00.000-07:00

வில்லு படத்தின் பத்திரிகையாளர் சந்திப்பு ஒன்று நடந்தது அதில் விஜய் ரசிகர்க ளைப் பார்த்து சத்தம்போட வேண்டாம் என்று கோபமாக கத்திய வீடியோ அண்மையில் இணையத்தளங்களில் உலா வந்தது.

அதை உடனே அனைத்து இணையத்தளங்களும் பதிவாளர்களும் தங்களுக்கு ஏதேதோ எழுதி பழி தீர்த்துக் கொண்டிருக்கின்றார்கள்.விஜய் அப்படி நடந்திருக்கக்கூடாது. விஜய் அப்படி நடக்கின்றதால் தான் அவரது வீட்டில் ஒவ்வொரு கண்ணாடியும் உடையுது. அவர் சாதுவாக நடித்துக்கொண்டிருக்கின்றார். அவரின் சுயரூபம் தெரிந்துவிட்டது என்றெல்லாம் எழுதுகின்றார்கள்.

அதிலும் விஜயின் இந்த செய்தி போட்டால்தான் தங்களது பதிவை கூடுதலாக பார்க்கின்றார்கள் என்ற போட்டி சில பாதிவாளர்களுக்கு இடையில் இதை அவர்களே தங்களது பதிவில் வேறபோட்டிருக்கின்றார்கள்.

விஜய் ஒரு நடிகர்தான் அதற்காக அவருக்கு கோபம் வரக்கூடாது என்பது அடி முட்டாள்த்தனம் என்று தான் சொல்லலாம்.ஏன் உங்களுக்கு கோபம் வருவதில்லையா? நீங்கள் ஒரு இடத்தில் உரையாடிக்கொண்டிருக்கும்போது மற்றவர்கள் ஒரு லிமிட்டைத்தாண்டி சத்தம் வந்தால் நீங்கள் என்ன பூ பறித்துக்கொண்டு இருப்பீர்களா?என்னடா விஜய்க்கு வக்காளத்து வாக்குகின்றான் என்று நினைக்க வேண்டாம் .

இப்படி ஒரு வீடியோ வந்தவுடன்தான் எனக்கு ஒரு ஞாபகம் வந்து 2004 ஆம் ஆண்டு இலங்கைக்கு விஜய் சென்றபோது நடந்து சம்பவம் மெட்ரோ நியூஸ் தமிழ் பத்திரிகையில் செய்தி வெளிந்தது. அதன் விவரம் இங்குள்ளது.

விஜய் கொழும்பு வந்தபொழுது டென்சன் என்ற தலைப்பில் வெளிவந்தது.அப்பொழுது விஜய் கோபமாக இருந்ததாவும் இருந்தது.

அது தொடர்பாக அந்த பத்திரிகை நிறுவனத்தை விஜய் ரசிகர்கள் முற்றுகையிட்டு தங்களது தலைவரைப் பற்றி தப்பாக போட்டதற்கு மன்னிப்புக் கேட்கவேண்டும் என்றெல்லாம் நடந்ததாக நான் அறிந்துகொண்டேன்.

(சந்தர்ப்பம் ஒன்று கிடைத்தால் முழுவிபரங்களும் வரும்)

ஒரு நடிகர் தான் கோடிக்கணக்கில் காசை வேண்டிக்கொண்டு எவ்வளவுதான் சமூகத்தில் தான் நல்லவன் என்று நடித்துக் கொண்டிருக்க முடியும். இணையத்தளங்களும் பத்திரிகைகளும் வருங்கால முதல்வர் என்ற ரேஞ்சுக்கு கொண்டுவந்துவிடுகின்றார்கள்.ஒரு நடிகன் நடிக்கும் படத்தைப் பற்றியும் அவனது படைப்பைப்பற்றியும் மட்டும் எழுதுங்கள் அவன் அது செய்தான் இது செய்தான் என்று எழுதுவதால்தான் அவர்களும் முதல்வர் கனவை காண முயல்கின்றார்கள் .

காதலின் பரிமாணங்கள்

2009-03-19T05:57:00.000-07:00

காதல் இந்த வார்த்தையை சுவாசிக்காத இதயமும் இல்லை உச்சரிக்காத இதழ்களும் இல்லை என்றுதான் சொல்ல வேண்டும்.கண்டதும் காதல்,கேட்டதும் காதல், பார்ததும் காதல், பார்க்காமல் காதல், ரெலிபோன் காதல், ஈமெயில் காதல் என்று காதலின் பரிமாணங்கள் வளர்ந்துகொண்டு தான் செல்கின்றன.

ஆனால் காதல் காதலாவே இருக்கின்றது என்றுதான் சொல்ல முடிகின்றது.எத்தனை பரிமாணவளர்ச்சியைத் தொட்டாலும் இன்று எத்தனை காதல் திருமணத்தில் முடிந்திருக்கின்றது. சரி திருமணத்தில் முடிந்த காதலும் கடைசிவரைக்கும் நிலைக்கின்றதா என்பதுதான் இன்றைய கேள்வி.அதுசரி இவர் பெரிய பருப்பு காதலைப் பற்றி சொல்ல வந்திட்டார் என்று நீங்கள் நினைக்கிறது தெரிகிறது.

சரி வந்த விஷயத்துக்கு வருவோம்.காதலால் பலர் கவிஞர்கள் ஆகின்றார்கள் சிலர் பைத்தியக்காரர்கள் ஆகின்றனர்.

அதிகமாக காதலால் பாதிக்கப்படுவது பெண்களா ஆண்களா என்று கேட்டால் ஆண்கள்தான் என்று பதில் வருகின்றது.ஆனால் பெண்கள் பாதிக்கப்படுவதில்லையா என்றுகேட்டால் பாதிக்கப்படுகின்றார். அவர்கள் தங்களது உணர்வுகளை வெளியில் காட்டிக்கொள்ளாமல் இருக்கின்றார்கள் என்றுதான் சொல்ல முடியும்.மனதில் ஏற்பட்ட முதல் காதல் முதல் முத்தம் போன்றது அது ஆணோ பெண்ணோ அவர்களின் இதயத்தில் இருந்து அழிக்கமுடியாது.

ஆனால் அவற்றை அவர்கள் அழித்ததுபோன்று நடிக்கின்றார்கள் என்பதுதான் நிஜம்.காதல் அழிப்பதற்கு ஒன்றும் தூரிகையால் வரைந்த ஓவியம் இல்லை. கற்களில் செதுக்கிய சிற்பம்.இன்று சில பேர் காதல் என்ற பெயரை தங்களது சுயலாபத்திற்காகவே பயன்படுத்திக் கொள்கின்றனர்.

பலர் தமது வாழ்க்கை என்றே கொள்கின்றார்கள்.இன்னும் சிலரோ எதோ ரைம்பாசிங் என்று சொல்கின்றனர்.அவ்வாறு செய்பவரை நீங்கள் இனம் கண்டு ஒதுங்கிக்கொண்டால்.. தேவதாஸ் ஆக மாறமல் தப்பித்துக்கொள்ளலாம் என்று நினைக்கின்றேன்.காதல்... அன்பு ... பாசம் எதோ ஒத்தசொல் எழுதுகிறான் என்று நினைக்கவேண்டாம்.

ஒருவனோ ஒருத்தியோ பழகும்பொழுது முதலில் நட்பாகத்தான் பழகுவார்கள்... அதன் பின் அவர்கள் இருவருக்கும் இடையில் ஏற்படுகின்ற புரிந்துணர்வு ஏன் இவனை நான் கணவனாக அடையக்கூடாது.

இவளை நான் மனைவியாக அடையாக்கூடாது இப்படி அவர்கள் தங்களின் வாழ்க்கைத் துணைக்கு ஒரு நல்ல மனிதன் கிடைக்கின்றபொழுது அதை அவர்கள் காதலிக்கின்றார்கள். இதனால் அவர்கள் வெற்றி பெற்று திருமணம் முடிக்கின்றார்கள்.

காதல்... அது சுகமான, சுமையான, இதனாமான, ஒரு சுவை என்றுதான் சொல்லத் தோன்றுகின்றது.காதலர் தினம் முன்பு வெளிநாடுகளில் கொண்டாடப்பட்டது.

இன்று அது நம்மூரையும் விட்டுவைக்கவில்லை. காதலர் தினத்தில் பல பெண்கள் தங்களது உயிரைப்பிடித்துக்கொண்டுதான் இருக்கின்றார்கள்.எவன் வந்து எனக்கு I love you சொல்லப்போறானோ தெரியவில்லையே என்ற பயம்தான்.

தமது காதலை காதலர் தினத்தில் சொல்கிறார்கள். ஏனோ அன்றுதான் அவர் களுக்கு நல்ல நாள் போலும்.தனது மனத்துக்குப்பிடித்தவன் அன்று I love you சொல்வான் என்று ஏங்கிய இதயங்கள் எத்தனை.காதலர்கள் இயற்கையின் அழகை ரசித்திக்கொண்டிருப்பார்கள். மற்றவர்கள் ரசிக்க மாட்டார்கள் என்று இல்லை.

காதலர்களுக்கு அது ஒரு தனித்துவம். அந்த இயற்கையில் தங்களையும் இணைத்துக்கொள்வார்கள்.

தனிமையையே கூடுதலாக காதலர்கள் விரும்புகின்றார்கள். நிலவினை ரசிக்கும் காதலர்கள் நீலாம்ரோங்கைவிட விரை வில் சென்று வரக்கூடியவர்கள் என்று தான் சொல்லத்தோன்றுகின்றது.தோல் மீது தோல் சாயும் இந்தக் காதல்......
இந்தக்காதல்......
பொறுங்கோ வாரேன்.....
உணர்வினால் இணையுமா? அல்லது உடலினால் இணையுமா? அல்லது காற்றோடு போய்விடுமா?உணர்வினால் இணையும் காதல்.... ஆயிரம் அர்த்தங்கள் சொல்லும்.... நிமிடங்கள் பொழுதுகள் கற்பனைக்கோட்டையிலே மிதக்கும் இவர்களது காதல்.... அப்படி இவர்களது காதல் வளர்ந்துகொண்டிருக்கும் இவ்வாறானவர் களின் காதல்.... வெற்றிபெறும்.

ஆனால் இவ்வாறவர்களின் காதலும் தோல்வியுறுகிறே என்று நீங்கள் கேட்கிறது எனக்கு புரிகிறது.அவர்கள் எங்கோ ஒரு இடத்தில் தவறை விட்டிருக்கின்றார்கள் என்றுதான் சொல்லத் தோன்றுகின்றது.

சிலர் தெரிந்தும் செய்வார்கள் சிலர் தெரியாமல் செய்கிறார்கள். சிலருக்கு தினமும் ஒரே விதமான அன்பு கிடைப்பதை விட திடீர் என்று வித்தியாசமான அன்பு கிடைக்கும் பொழுது அவர்கள் அதன் மீது தாவுகின்றனரே என்று தான் தோன்றுகின்றது.

மனித மனம் குரங்குதானே....தாவாமல் என்ன செய்யும் .அதற்காக உண்மையான காதலர்கள் என்மீது கோபப்படக்கூடாது. நான் முதலிலே சொல்லிட்டேன் இது எனது பார்வை என்று...“உணர்வுகளின் சங்கமம் என்று சொல்லலாம் அவளையோ அவனையோ நீங்கள் நினைக்கும் பொழுது அதே நேரத்தில் அவர்களும் அவ்வாறு உணர்வார்கள் உண்மையான காதல்.

நான்பேச நினைப்பதெல்லாம் நீ பேச வேண்டும்நீ பேச நினைப்பதெல்லாம் நான் பேசவேண்டும்என்ன Situation Song கா என்று நீங்கள் நினைக்கவேண்டும்.

2 அரை மணி நேர படத்திலேயே 6 பட்டு வருது நாமும் இரண்டு வரியை போட்டால் என்ன.....உடல்கள் இணையும் காதல்.....அதற்காக நீங்கள் கேட்கக்கூடாது உணர்வினால் இணைபவர்கள் உடலால் இணையமாட்டார்களா என்றுசிலர் காமத்தையே குறியாக வைத்துக் காதலிக்கின்றார்கள்.

அன்பு எனும் வலையை வீசி எத்தனையோ பெண்களின் ஆண்களின் வாழ்க்கையை நாசமாக்குபவர்களும் இருக்கின்றார்கள்.

இவர்களைப் பற்றி எழுதுவதை விட எழுதாமல் விடுவதே எவ்வளவோமேல் Dating காலாச்சாரம் மூலம் இன்று நமது கலாச்சாரம் மோசமடையவதற்கும் இதுவும் ஒரு காரணம் என்றுதான் சொல்லத் தோன்றுகின்றது.காதலர்கள் காதலியுங்கள்உங்கள் காதல் மற்றவர்களுக்கு இடையுறு விளைவிக்காமல் இருந்தால் சரி.பொது இடங்களில் உங்களது காமலீலைகளை அரங்கேற்றதீர்கள்.

நாளைய சமுதாயம் உங்களை உற்று நோக்குகின்றது என்பதை மட்டும் உணர்ந்து செயற்படுங்கள்.
காதல் புனிதமானது அதை மற்றவர்கள் கொச்சைப்படுத்திவிடாது பாருங்கள்.

கடலை போடுவதால் ஆபத்து

2009-03-17T22:54:00.000-07:00

கடலை.... ஏதோ பீச்சில விற்கின்ற கடலை என்று நினைக்கவேண்டாம். இந்த வார்த்தை கையடக்கத் தொலைபேசியை எப்போது கண்டுபிடித்தார்களோ தெரியவில்லை. கடையிலை கடலை விற்பனை செய்யப்படுகிறதோ இல்லையோ இந்தப் போனில் போடுகிற கடலை மட்டும் அளவு கணக்கில் இல்லை.
ஏன் கடலை போடுகின்றார்கள்?
எதற்காக போடுகின்றார்கள்?
யார் போடுகின்றார்கள்?
என்று பார்தால் அது ஒரு 100 க்கு 75 வீதமானவர்கள் இளைஞர்கள் தான் என்றுதான் சொல்லத் தோன்றுகின்றது.
(ஏதோ இவர் மட்டும் உத்தமர் நாங்கள் எல்லாம் கடலை போடுகின்றதை எழுத வந்துட்டார் என்று நீங்கள் மனசுக்குள் திட்டுவது தெரிகின்றது என்ன செய்ய.......)
ஆண் பெண் உறவில்தான் கூடுதலான நேரத்தை போனில் (கடலைபோடுவதை) கதைக்கின்றார்கள். இப்படிக் கதைப்பதால் நன்னையா தீமையா என்ற வினாவுக்கு நான் வரவில்லை. இன்றைய கலாசார மாற்றம் சிறுவர் முதல் பெரியவர் வரை அனைவரது கைகளிலும் தவழ்கின்றது ....சி....சி.. சிணுங்குகின்றது இந்த செல்போன்கள்.கட்டுப்பாட்டுடன் வளர்க்கப்படும் இருபாலாரும் தமக்குச் சுதந்திரம் கிடைப்பதில்லை என்று அங்கலாய்ப்பார்கள்.
ஆனால் அவர்களுக்கு ஒரு செல்போன் கிடைத்தால் போதும் அவர்களின் உணர்வுகளின் பகிர்வை மேற்கொள்ளத் தொடங்கிவிடுவார்கள்.அன்றாடம் நடக்கும் விடயங்கள் சம்பவங்கள் பற்றி தமது நண்பர்களோடு கதைப்பார்கள். ஓ.கே. கதைப்பது சரிதான் ஆனால் சில விடயங்கள்..... என்ன இழுக்கின்றனா... ஏதாவது ஆபாசமாக எழுதப்போறானோ என்று நினைக்க வேண்டாம்....ஒவ்வொரு நாளும் செல்போனில் திரும்ப திரும்ப ஒரு விடயம் பற்றிக் கதைப்பது அவர்களுக்கு ஒருவித சலிப்பையே ஏற்படுத்திவிடுகின்றது.
அதனால் அவர்களது அடுத்து என்ன கதைக்கலாம் ... என்ன உலக விடயங்களைப் பற்றி ஆராயவா போகின்றார்கள். அப்படி ஆராயப்போனால் சில நிமிடங்களிலேயே அவர்களது உரையாடல் முடிந்துவிடும்.
என்னடா மணிக்கணக்காக.... கதைக்கின்றார்கள்... என்னத்தைத்தான் அப்படிக் கதைக்கின்றார்கள் என்ற வினா பலரிடம் உள்ளது.சிலர் பாட்டுப் படிப்பார்கள்சிலர் கதை சொல்வார்கள்சிலர் கவிதை வாசிப்பார்கள் என்ன சின்ன சஞ்சிகையையே போனில் சொல்லிவிடுவார்கள். அப்படியொரு கதை.
இன்னும் சிலரோ ஒரு படிமேல்போய்.... இரட்டை அர்த்த வசனங்கள் கதைக்கின்றார்கள்.... அவர்கள் முதலில் இரட்டை அர்த்த வசனங்களை கதைக்கும்போது அதை அந்த ஆணோ அல்லது பெண்ணோ ஏற்றுக்கொள்ளும் பட்சத்தில் வெளிப்படையாகவே அதாவது செக்ஸைப் பற்றி கதைக்கின்றார்கள்.
இதனால் தான் ஆபத்து ஆரம்பிக்கின்றது என்று சொல்லலாம். செக்ஸ் கதைகள், செக்ஸ் எஸ்.எம்.எஸ்.க்கள் பரிமாற்றம், இந்தப் பரிமாற்றம் அவர்களது நடத்தையிலும் மாற்றங்களைக் கொண்டுவருகின்றது. நேரில் கதைக்க முடியாத தங்களது ஆதங்கங்களை தொலைபேசியூடாக தீர்ப்பதனால் இவர்களது காமப்பசி அடங்கிவிடும்போல.. சிலர் வாழ்க்கையில் தவறிப்போவதற்கும் இதுவும் ஒரு காரணம்.தனிமையில் இருப்பவர்கள் கூடுதலாக இவ்வாறான பாதிப்புக்களுக்கு உள்ளாகின்றனர்.இளைஞர்களின் திருவிளையாடல்என்ன சிவாஜி, திருவிளையாடல் என்று நினைக்க வேண்டாம். கொமினிக்கேஷனில் ரிலோட் போடும் பெண்களின் தொலை பேசி இலக்கங்களை எடுத்து எஸ்.எம்.எஸ். மூலம் தொடர்பு கொள்ளுதல். தவறுதலாக டயல் செய்துவிட்டேன் என்று கதைப்பது என்று தமது திருவிளையாடல்களை அரங்கேற்றுகின்றனர். அதுமட்டுமா சிலர் கணவன் வெளிநாட்டில் இருக்கின்ற மனைவிமாரை தங்களது வலையில் வீழ்த்துவதற்காக செல்போன்களை பாவித்து அவர்களுடன் இரவில் உரையாடுதல், அதுவும் இரவு 11 மணிக்கு ஆரம்பித்தார்கள் என்றால் அதிகலை 2, 3 மணி வரையும் தொடர்வது, அதில் இளைஞர்களைச் சொல்லிக் குற்றமில்லை ஊசி இடம் கொடுத்தால் தான் நூல் நுழைய முடியும். அவ்வாறு ஏன் பெண்கள் நடந்துகொள்கின்றார்கள். அதற்காக ஆண்கள் மட்டும் நல்லவர்கள் இல்லை. அவர்கள் ஏன் இவ்வாறான செயல்களில் ஈடுபடுகின்றார்களோ தெரியவில்லை.கடலைபோடுவதும் ஒரு மனநோய் என்று சொல்லலாம். ஒரு இரவு செல்போன் கதைக்காமல் விட்டாலே சிலர் பைத்தியம் பிடித்ததுபோல் ஆகிவிடுகின்றனர். இதற்கு அவர்களுக்கு செல்போன் சிணுக்கலில் கிடைக்கும் அன்பு என்றுதான் சொல்லவேண்டும்.அன்புக்கு அடிபணியுங்கள் சரி. ஆனால் அந்த அன்பு ஆபத்தில் முடியாதவரை உங்களது செல்போன் சிணுங்கல்களை குறையுங்கள்.... அதனால் உங்களுக்கு வரும் ஆபத்துக்களைத் தவிர்த்துக்கொள்ளலாம்.கடலைபோடுங்கள் ஆனால் அளவோடு போடுங்கள்.

வாழ்வதற்கு இடம்

2009-03-17T03:34:00.001-07:00

உனை தேடும் விழிகள்

2009-03-17T00:18:00.000-07:00

பூஷ் மீது ஷூ வீச்சும் முல்லைத்தீவில் குண்டு வீச்சும்

2009-03-14T05:55:00.000-07:00

என்னடா குண்டக மண்டக்க என்று தலைப்பு வைத்திருக்கின்றான் என்று நீங்கள் நினைக்க வேண்டாம் எல்லாம் ஒரு காரணத்தோடுதான்.அமெரிக்கா முன்னாள் ஜனாதிபதி ஜோர் ஜ் டபிள்யூ மீது ஊடகவியளார் ஒருவர் தனது ஷூ வினைத் தூக்கி புஷ்ஷின் மீது வீசினார்.

இது பழைய கதை இப்பொழுது அவருக்கு எதிராக வழக்குத் தொடரப்பட்டு 3 வருடங்கள் சிறைத்தண்டனையும் விதிக்கப்பட்டு விட்டது.
ஒரு ஷூ வினால் எறிந்தவருக்கு மூன்று ஆண்டுகள் தண்டனை என்றால் முல்லைத்தீவில் தினமும் அரைச் சதத்திற்கும் அதிகமாக மக்களை குண்டு வீசிக்கொள்ளும் சரத் பொன்சேகாவுக்கும் கோத்தபாயவுக்கும் என்ன தண்டனை?

அமெரிக்காவே உனது நாட்டின் தலைவனுக்கு ஒருவன் ஷூ வினால் எறிந்ததுக்கே உடனே தண்டனை கொடுக்கும் நீ.

உனது நாட்டு பிராஜாவுரிமை பெற்று இருக்கும் சரத் பொன்சேகாவுக்கும் கோத்தபாயவுக்கும் என்ன கொடுக்கப்போகின்றாய்?

இவர் பெரிய சட்டத்தரணி கதைக்க வந்திட்டார் எங்களுடன் என்று நீங்கள் நினைக்க வேண்டாம்.

ஒரு நாளுக்கு 50, 70 என்று தமிழ் உயிர்கள் பறிக்கப்பட்டுக்கொண்டிருக்கின்றது. அது உலகத்தின் கண்ணுக்குத் தெரியவில்லையோ?

அமெரிக்கனின் மீது தூசு விழுந்தால் கூட தட்டிக்கேட்கும் உலகம்.
ஈழத்தில் தமிழனின் உயிர்கள் பறிக்கப்படுவதை தட்டிக்கேட்டால் என்ன குறைந்தா போய்விடுவார்கள்.

பாலாவின் பட்டறை

2009-03-11T04:28:00.000-07:00

தமிழ் சினிமாவில் மாற்று சினிமாவை கொண்டு வந்தவர் பாலுமகேந்திரா. அவரின் வாரிசாக வந்த பாலா குருவை விட பல மடங்கு மாற்று சினிமாவை உருவாக்கி வருகின்றார்.

தமிழ் சினிமாவில் ஒரு தாக்கத்தை ஏன் ஒரு புரட்சி என்று கூட சொல்லலாம். வழமையான மசாலா படங்களை உடைத்து இன்று வெற்றி நடைபோடுகின்றது நான் கடவுள்....

பாலா எனும் சிற்பி செதுக்கிய சிற்பங்களைப்பற்றித்தான் எனது பதிவை இடலாம் என்று நினைத்தேன்.
பாலாவின் கைபட முன் இருந்த கல்லுக்குள் இருந்த நிலையும் பின் பாலாவின் கைபட்டபின் அந்தச் சிற்பங்களின் வெற்றியுமே இன்று தமிழ் சினிமாவை வாழ வைத்துக் கொண்டிருக்கின்றது.

விக்ரம்
சேதுவுக்கு முன்னிருந்த விக்ரம் யாருமே அறிந்திருந் விக்ரம் டப்பிங் கலைஞராகவும் ஹீரோ வுக்கு நண்பனாகவும் நடித்து வந்தார் விக்ரம் பி.சி.ஸ்ரீராமின் இயக்கத்தில் வெளிவந்தது மீராவில் கதாநாயகனாகவும் அஜித்தின் உல்லாசம் படத்தில் அஜித்தின் அண்ணனாகவும் நடித்தார் ஆனால் வெற்றி நயகனாக அவரால் சோபிக்க முடியவில்லை.

விக்ரம் எனும் வைரம் மறைந்ததிருந்தது யாருக்குமே தெரியாது அது பாலா எனும் சிற்பியினால்தான் பட்டை தீட்டப்பட்டார். சேது இன்றும் விக்ரமின் சியான் அடையாளம் தமிழ் சினிமாவை மாற்றி யமைத்த படம்.
பாலாவின் பாடங்கள் என்றால் சோதனைகளைக் கடந்துதான் சாதனை செய்கின்றது.

விக்ரம் சேது படம் திரைக்கு வந்து வெற்றி நடைபோட்ட பின்புதான் அனைவருக்கும் விக்ரம் என்ற நடிகன் வெளியுலகத்திற்குத் தெரிந்தது. அதன்பின் விக்ரம் நடித்த படங்கள் தில் தூள் காசி படங்கள் மிகப் பெரும் வெற்றியைப் பெற்றன. மீண்டும் பாலவின் படம் பிதா மகன் வெட்டியானாக வாழ்ந்தார் விக்ரம் தேசிய விருது கிடைத்தது.

பாலாவின் பாசறை என்பது ஒரு நடிகனுக்கு தேடல்களை ஏற்படுத்துகின்றது என்றுதான் சொல்லலாம் பாலாவின் படத்தில் நடித்த பிறகு அந்த நடிகன் நல்ல கதாபாத்திரங்களை தேடுகின்றார்கள். அப்படி விக்ரம் தேடி நடிப்பதால் தான் அந்நியன்- கந்தசாமி என்று தனது படைப்புக்களை தரமுடிகின்றது.

சூர்யா
பாலாவின் கைபட்ட மற்றும் ஒரு நட்சத்திரம் ஏன் சூரியன் என்று கூடச் சொல்லலாம்.நந்தாவுக்கு முன் நந்தாவுக்கு பின் என்று சூர்யாவின் திரை வாழ்க்கையை நாம் பிரித்து பார்க்கலாம்.

நேருக்கு நேர் படத்தில் மூலம் வசந்தினால் அறிமுகப்படுத்தப்பட்ட சூர்யா விஜயுடன் சேர்ந்து நடித்தார்.

சிவகுமாரின் மகன் என்ற பெயருடன் திரைக்கு அறிமுகம்.... தனி ஹீரோ டபிள் ஹீரோ படங்களில் நடிக்க ஆரம்பித்தார் முரளியுடன் காதலே நிம்மதி, விஜயகாந்துடன் பெரியண்ணா விஜயுடன் மீண்டும் ப்ரண்ட்ஸ் என்று நடித்தார் படங்களில் அவரது நடிப்பு பேசும் படியாக அமையவில்லை.

அப்பொழுதுதான் பாலாவின் நந்தாவில் நடித்தார் சூர்யா நந்தா... சூர்யாவை பெரிய ஹீரோ ரேஞ்சுக்கு கொண்டுபோய் நிறுத்தியது.

அதன் பின் வந்த ஸ்ரீ தோல்வியைக் கொடுத்தாலும் துவண்டுவிடாமல் பாலாவின் சிஷ்யன் அமீரின் முதல் படம் மௌனம் பேசியதே சூர்யாவுக்கு ஓரளவுக்கு வெற்றியைக் கொடுத்தது.

பாலாவுடன் சேர்ந்து மீண்டும் ஒரு சவால் என்றுதான் சொல்லலாம் பிதாமகன் விக்ரமுடன்அதன் பின் சூர்யா தேடல்களில் இறங்கினார்.. மாறுபட்ட கதாபாத்திரங்களையே தேர்வு செய்தார்.

பேரழகன், காக்க காக்க, வேல், ஆறு, வாராணம் ஆயிரம் என்று தான் தேர்வு செய்யும் கதாபாத்திரங்களை வேறு வடிவங்கள் கொடுக்கின்றார் என்றால் அது பாலாவின் பட்டறையில் இருந்தவடியால்தான்.

ஆர்யா
பாலாவின் பட்டறையில் எதிர்பாராமல் நுழைந்த நடிகர் என்றுதான் சொல்லத் தோன்றுகின்றது.

அஜித்துடன் மோதல் அதன் பின்பு பாலா கண்டுபிடித்த நடிகர் ஆர்யா சினிமா பின்புலமே இல்லாமல் வந்த நடிகர் இயக்குநர் ஜீவாவினால் கண்டுபிடிக்கப்பட்டு இயக்குநர் விஷ்ணுவர்த்தனால் வளர்க்கப்பட்டு பாலாவினால் பட்டை தீட்டப்பட்டார்.

நான் கடவுள் ஆர்யாவுக்கு நடிப்பு என்ன என்பதை கற்றுக்கொடுத்துவிட்டது.அடுத்து சர்வம்மெட்ராஸ் பட்டணம் என்று வித்தியாசமான கதைக்களங்களைக் கொண்ட நடிப்பை வெளிப்படுத்தப் போகின்றார் ....... சரி பார்ப்பம் பாலாவின் பட்டறையில் அடுத்ததாக எந்த நடிகருக்கு அதிஷ்டம் என்று பார்ப்பம்.

நல்ல சினிமாவையும் நல்ல நடிகர் களையும் உருவாக்கும் வல்லமை தமிழ் சினிமாவில் பாலாவும் அவரது சிஷ்யப்பிள்ளைகளும் செய்துவருவது பெருமைக்குரிய விடயம்.

ஜெயாவின் கபட நாடகம்

2009-03-09T04:19:00.000-07:00

கருணாநிதியின் படம் 100 ஆவது நாளைக் கடந்து ஓடிக்கொண்டிருக்கும்போது ஜெயலலிதா புதிய திரைப்படத்தைஇன்று திரைக்கு கொண்டுவந்திருக்கின்றார்.

கதை திரைக்கதை இயக்கம் எல்லாம் ஜெயாதான்

இசை: தா.பாண்டியன்

ஒளிப்பதிவு: ஜெயா .ரிவி.

ஒலிப்பதிவு: வைகோ

பாடல்கள்: சசிகலா ஆகிய சினிமாவின் சாரி

அரசியல் ஜம்பவான்கள் இணைந்து வழங்கும் “ஈழத்தமிழரும் உண்ணாவிரதமும் என்ற படத்தை இன்று மட்டும் தமிழகமேங்கும் திரையிடப்படுகின்றது.

தேர்தல் வருது என்றவுடன் என்ன செய்ய முடியுமோ அதையெல்லாம் செய்யத் துணிந்தவர் ஜெயலலிதா என்று தெரிகின்றது.

ஈழத் தமிழர்களின் உயிர்கள் சிங்களப் பேரினவாதத்தினால் இன்று அழிக்கப்பட்டு தமிழனிடம் உள்ள ஒரு சொற்ப நிலத்தையும் சிங்கள இராணுவம் பிடிப்பதற்காக தமிழ் உயிர்களைக் கொலை செய்து கொண்டிருக்கும் இவ்வேளையில் ஈழத் தமிழர்களுக்காக முழுத் தமிழகமே இன்று திரண்டு நிற்கின்றது.

இவ்வேளையில் தான் மட்டும் தனித்து நின்றால் மக்கள் தன்னை நிராகரித்து விடுவார்கள் என்று நினைத்துக் கொண்டு தானும் ஈழத் தமிழர்களின் நலனில் அக்கறை கொண்டதுபோல் நடிக்கின்றார் இந்த ஜெயலலிதா.

என்ன கொடுமை சார்... ஈழத் தமிழரின் நலனில் உண்மையான அக்றை கொண்டுள்ளவர் என்றால் இன்று ஏன் தமிழர்களுக்கு என்று ஒரு நாடு தேவை என்று கூக்குரல் ஈடுகின்றார்.கருணாநிதி ஈழத் தமிழர்களுக்காக ஒன்றும் செய்யவில்லை என்று சொல்வதற்காக ஜெயலலிதா உண்ணாவிரதம் என்ற பெயரில் கருணாநிதியினை சாடுவதே ஜெயலலிதாவின் பிழைப்பாகப்போய்விட்டது.கருணாநிதி என்ன செய்தார் என்று சொல்வதை முதலில் ஜெயலலிதா நிறுத்த வேண்டும்.நான் என்ன ஈழத் தமிழர்களுக்கு செய்தேன் செய்யப்போகின்றேன் என்று சொல்லட்டும் பார்ப்பம். அதைவிடுத்து கருணாநிதி அது செய்தார் இது செய்தார் என்று சொல்லி தனது அரசியலை நடத்துவதை முதலில் நிறுத்த வேண்டும் ஜெயா.ஈழதமிழனுக்காக முதலைக் கண்ணீர் வடிக்காமல் அவர்களுக்காக போராடுவதே மேல் உண்ணாவிரதம் அதை தொடக்கி வைத்தவர்கள் மாணவர்கள் அந்த மாணவர்களின் உணர்வுகளுக்கு மதிப்புப் கொடுக்காமல் அவர்களுக்கு எதிராக செயற்பட்டவர் இந்த ஜெயலலிதா.

இது உண்ணா விரதமா இதைபார்க்க தமிழகமே உனக்கு மானம் ரோசம் சூடு சுறணை இல்லையா?

வரலாறாக வாழ்கின்ற பெண்களுக்கு ஒரு சலூட்.

2009-03-08T03:13:00.000-07:00

என்னை வாழவைத்துக்கொண்டிருப்பதும் எனது வாழ்க்கைக்கு உறுதுணையாக நிற்பவர்கள் பெண்கள்… அந்தப் பெண்களுக்காக ஒரு தினம் இன்று அந்த தினத்தைப் பற்றியும் பெண்கள் பற்றியும் எழுதவேண்டும் என்று நினைத்து வைத்திருந்தேன் ஆனால் சற்று பிந்தித்தான் எனது பதிவை இடவேண்டிய சூழ்நிலை.. என்ன பிந்தி வந்தாலும்.. என் மனம் கவர்ந்த பெண்களைப் பற்றி நான் பதியாமல் போனால் நான் வாழ்ந்துதான் என்ன?

ஒரு ஆணின் வெற்றிக்குப்பின்னால் ஒரு பெண் இருப்பால் என்பது உண்மை அது தாயாக தாரமாக நண்பியாக எத்தனை பரிமாணங்களில் தோற்றம் கொடுக்கின்றனர்.

பெண்கள் இன்று ஆணுக்கு சரிநிகராக வளர்ந்து விட்டார்கள் என்றுதான் சொல்ல தோன்றுகின்றது. இன்று அனைத்துத் துறைகளிலும் பெண்கள் நிமிர்ந்து நிற்கின்றார்கள் என்றால் அது அவர்களுக்குக் கிடைத்த தன்னம்பிக்கையென்றுதான் சொல்லத் தோன்றுகின்றது.

பத்துமாதம் ஒரு குழந்தையைச் சுமந்து பின் அதை சீராட்டி பாலூட்டி வளர்த்து எடுக்கின்றபொறுப்பு இருக்கின்றதே அதை விட இனிமையான ஒரு சுமை இருக்க முடியாது.கணவனுக்கு அடுத்தப் படியாக தனது குழந்தையை கண்ணும் கருத்துமாக காக்கின்றாள் ஒரு தாய் அந்த வகையில் நான் கொடுத்து வைத்தவன் என்றுதான் சொல்லவேண்டும் இத்தனை வருடங்களாக என்னை சுமந்தது மட்டுமல்லமல் இன்று வரையும் அன்பில் ஒரு குறைகூட விடாமல் பார்த்துக்கொள்ளும் தாய்கு நான் என்ன பரிகாரம் செய்யப்போகின்றேனோ தெரியவில்லை....

மனைவி.... அதைப்பற்றி அறிய எனக்கு இன்னும் வயது வராதபடியினால்..

தோழிகள்

நான் இன்று துணிந்து ஒரு வார்த்தை வாயினால் ஏன் இந்த பதிவினைக்கூட இடுவதற்கு காரணம் எனது தோழிகள் தான் என்று சொல்லலாம் நான் விடும் தவறுகளையும் சுட்டிக்காட்டுவதிலும் என்னை நான் திருத்திக் கொள்வதில்லும் பெரிய பங்கு எனது தோழிகள் இந்த தோழிகள் இல்லையேல் நான் இன்று எங்கே? எப்படி? ஏன் உயிரோடு கூட இருந்திருப்பேனா தெரியவில்லை.

நான் அவர்களிடம் பெற்ற அன்பு என் வாழ் நாள் முழுவதும்.. ஏன் அடுத்த ஜென்மம் ஒன்று இருந்தால் கூட நான் மறக்க முடியாது நான் துவண்டு போயிருக்கும் வேளைகளில் எனக்கு ஏணியாக இருந்தவர்கள் எனது தோழிகள்தான்.இந்த பெண்கள் தினத்தில் அவர்களுக்கு நான் தலைவணங்குகின்றேன்.

(அது சரி சுய புராணம் பாடமல் எதாவது எழுத முடியாத என்று நிங்கள் நினைக்கின்றது எனக்கு தெரியும் இன்று பெண்கள் தினம் அதுவும் தமிழன் கண்டு பிடித்தான இல்லை அமெரிக்கன் கண்டு பிடித்த இந்தப் பெண்கள் தினத்தை இன்று மீடியாக்கள் தங்கள் வியாபாரத்திற்காக பயன்படுத்துகின்றார்கள்.

பெண்களில் சாதித்தவர்களின் பேட்டிகள் என்ற போர்வையில் நடிகைகளை பேட்டிகாண்பது என்ன நியாயம்?ஒவ்வொரு தாயும் தனது பிள்ளையை பெற்று வளர்ப்பதும் சாதனைதான். பூமா தேவிக்கு பொறுமையிருக்கு என்று சொல்கின்றார்கள் அதை நான் பார்த்ததில்லை ஆனால் பெண்களிடம் பொறுமையும் விவேகமும் இருக்கின்றது.

வரலாற்றில் வாழ்ந்த பெண்ளுக்கும் இன்றும் வரலாறாக வாழ்கின்ற பெண்களுக்கும் ஒரு சலூட்.

விதியா சதியா

2009-03-03T04:15:00.000-08:00

பேனா முனைகளை துப்பாக்கி முனையாக்காதீர்

2009-03-02T04:28:00.000-08:00

தமிழர்கள் மீதான அடுக்குமுறைகள் தமிழர்கள் மீதான கொடுமைகள் தமிழர்கள் மீதான வன்முறைகள் என்று சிங்களப் பேரினவாத அரசாங்கம் செய்துவரும் நிலையில் இன்று தென்னிலங்கையில் தமிழ் ஊடகங்கள் மீதும் தமது கைவரிசையைக் காட்டத் தொடங்கிவிட்டது.

சுடர் ஒளி - தினக்குரல் - வீரகேசரி ஆகிய பத்திரிகைகள் மீதும் பத்திரிகை நிறுவனங்கள் மீதும் தாக்குதல் நடத்துவது ஊடகவியலாளர்களை கடத்திக் கொலை செய்வது என்று தனது பாரிய பங்களிப்பை இந்த அரசாங்கம் செய்து வருகின்றது.

சிவராம்-நடேசன்-நிமலராஜன் என்று தொடங்கிய கொலைகள் இன்று லசந்த வரை தொடர்ந்து கொண்டுதான் இருக்கின்றன.

திஸ்ஸ நாயகம்.. தொடங்கி இன்று வித்தியாதரன் ( வித்தி) வரை துணிந்து தமிழ் மக்களின் குரலாகத் திகழ்பவர்களை பொலிஸ் விசாரணை என்ற பெயரில் கைது செய்து அடைத்து வைத்திருக்கின்றது மஹிந்த அரசு.உரிமைக்குரல் இனத்தில் வெளிப்பாடு இந்த இனத்தின் ஊடககங்களே அந்த ஊடகங்களில் துணிந்து செயற்படுபவர்கள் இன்று ஒரு சிலரே..

வித்தியாதாரன் கைது இன்று தமிழ் உலகுக்கும் ஒரு வேதனையான செய்தி மட்டும் மல்ல சோதனையும் கூட அரச கட்டுப்பாட்டில் இருந்து கொண்டு அரசு செய்யும் தவறுகளை தன் நெற்றிக் கண் கொண்டு செய்திகளை வெளியிடுபவர்... தமிழினம் இன்று நல்ல ஊடகவியலாளர்களை இழந்து வருகின்றது.யாரும்... ஊடகவியலாளன் ஆகலாம்… ஆனால் ஒரு சிலரே அதை தொழில் என்று நினைக்காமல் தமது கடமைகடப்பாடுகட்டாயம் என்று தங்களை ஊடகங்களுக்காக அர்ப்பணிக்கின்றார்கள். அவ்வாறு அற்பணிப்பவர்கள் மீது அரச பயங்கரவாதத்தை ஏவிவிடுகின்றது.இன்று ஒரு வித்தி நாளை எத்தனை வித்தியோ... தெரியவில்லை... தமிழ் மக்களின் உரிமைகள் குரல்கள் நசுக்கப்படுகின்றன.அண்மையில் கொழும்பில் உள்ள தமிழ் ஊடகங்களின் தலைவர்களை மஹிந்த அரசு சந்தித்ததாகவும் முல்லைத்தீவில் நடைபெறும் பேரில் இறக்கின்ற காயப்படுகின்ற தமிழ் மக்களின் படங்களை பத்திரிகையில் பிரசுரிக்க வேண்டாம் என்றும் அந்த படங்கள் விடுதலைப் புலிகளினால் கிராபிக்ஸ் செய்து அனுபப்படுகின்ற என்றும் ஊடகங்களை அவ்வாறான படங்களை பிரசுரிக்க வேண்டாமாம்?ஓகே... அவர்கள் சொல்கின்றது சரியென்றால் வவுனியா வைத்தியசாலைக்கும் திருகோணமலை வைத்தியசாலைக்கு மட்டக்களப்பு வைத்தியசாலைக்கும் முல்லைத்தீவில் இருந்து வருபவர்கள் என்ன சுற்றுலாவா வருகின்றார்களா?மக்கள் படும் வேதனைகள் மக்களுக்குத் தெரிவிப்பது ஊடகங்களின் கடமை அவற்றை விடுத்து தமிழ் ஊடகங்கள் மீது கட்டுப்பாடுகளையும் அடக்குமுறைகளையும் விதிக்குமானால்.. பேனா முனை பிடிக்கும் ஊடகவியாளர்களை துப்பாக்கி முனை பிடிக்க வைக்காதீர்கள்

முல்லைத்தீவு கனவும் முறியடிக்கப்படும் சமரும்

2009-02-28T11:06:00.000-08:00

கிளிநொச்சியை இராணுவத்தினர் பிடித்தவுடன் இராணுவத்தினருக்கு ஒரு தென்பை ஏற்படுத்திவிட்டது. அதனைத் தொடர்ந்து ஆனையிறவு முகமாலை விசுவமடு புதுக்குடியிருப்பு முல்லைத்தீவு என்று இராணுவத்தினர் தொடர்ந்து வெற்றிகளைச் சந்தித்துக் கொண்டிருக்கின்றது என்று இராணுவத்தினரும் அரச ஊடகங்களும் ஆதாரத்துடன் வெளியிட்டுவருகின்றனர்.

ஓகே.... சரி அவர்கள் பிடித்தது உண்மைதான் என்று வைத்துக்கொள்வோம். ஆனால் சில நாட்களாக விசுவமடு.. திருமுருகண்டி பகுதிகளில் நடைபெறும் சமர் நான் சொல்ல வில்லை அரசாங்கத்தின் பிரசாரப் பீரங்கி ரூபவாஹினிதான் இந்தச் செய்தியையும் வெளியிட்டது அப்படியால் இராணுவம் தனது கட்டுப்பாட்டில் வைத்திருக்கும் பகுதிகளில் எப்படி விடுதலைப் புலிகள் ஊடுருவ முடிந்தது.

இவ்வாறு 1995 ஆம் ஆண்டு சந்திராக அரசாங்கம் யாழ்ப்பாணத்தை முற்று முழுதாக பிடித்துவிட்டது என்று அறிவித்தது. ஆனால் நடந்தது என்ன சங்கானை, பண்டத்தரிப்பு, சில்லாலை, அளவெட்டி, கந்தரோடை போன்ற இடங்களில் விடுதலைப் புலிகள் நிலை கொண்டிருந்தனர்.

இன்றும் அதே நிலைதான் வன்னியில் ஏற்பட்டிருக்கின்றது. முல்லைத்தீவை நோக்கி 50 ஆயிரம் இராணுவத்தினர் முன்னேறினாலும் இடையில் இருக்கும் இடங்களில் இராணுவத்தை நிறுத்துவதற்கு ஆள் பற்றாக்குறை நிலவுகின்றது.

சரி.. சரி.. நம்மலுக்கு என்னத்துக்கு இந்த வம்பு மலிந்தால் சந்தைக்கு வந்துதானே தீரவேண்டும்.

மலேசியாவில் ஆர்ப்பாட்டம்

2009-02-27T05:38:00.000-08:00

போரினால் பாதிக்கப்படும் ஈழத்தமிழர்களுக்கு ஆதரவு தெரிவித்தும் போருக்கு உதவிசெய்யும் சோனியா காந்தி அரசாங்கத்திற்கு எதிராகவும் கோலாலம்பூரில் உள்ள ஐ.நா. சபை அலுவலகம் முன்பாக இன்று ஆர்ப்பாட்டம் இடம் பெற்றது.
ஆர்பபாட்டத்தில் சிறிலங்கா ஜனாதிபதி மஹிந்த ராஜபக்ஷவின் உருவ பொம்மைக்கும் சோனியா காந்தியின் பனரையும் கிளித்து எறிந்தும் ஆர்ப்பாட்டம் செய்தனர்.ஆர்ப்பாட்டத்தில் எடுக்கப்பட்ட படங்களே இங்கு.....

தாய் மண்ணே வணக்கம்...

2009-02-26T21:47:00.000-08:00

ஒஸ்கார் விருது வென்ற சந்தோஷத்தை தனது தாய்மண்ணில் கொண்டாடினால்தான் அதற்கு ஒரு முழுமை.. அந்த முழுமையை நேற்று ரஹ்மான் தனது தாய்மண்ணில் காலப்பதிக்கும்போது உணர்ந்துகொண்டார்.

அதை அவரது முகத்தில் வருகின்ற உண்மையான சந்தோஷத்தில் இருந்து கண்டுகொள்ளலாம்.நேற்று சென்னை மீனம்பாக்கம் விமான நிலையத்தை வந்தடைந்த ஏ.ஆர்.ரஹ்மான் ரசிகர்களின் தளவாத்தியங்கள் முழங்க அழைத்துவரப்பட்டார்.தாய் மண்ணில் தனது கழுத்தில் விழுகின்ற மலர்மாலைகளும் ஒவ்வொரு ஒஸ்காருக்குச் சமமம் என்பதை நிறுபித்துக்கொண்டு இருக்கின்றது.விருது பெறும் போது தமிழகத்தில் நடந்த சில சந்தோஷ நிகழ்வுகள் இங்கே..ஒஸ்கார் விருது பெறும்போது ரஹ்மானின் மகள் சகோதரி மற்றும் குடும்பத்தினர் வீட்டில் உள்ள தொலைக்காட்சியில் பார்த்து சந்தோஷம் கொண்டாடுகின்றனர்.பாடசாலை மாணவர்கள் ரஹ்மான் முகமூடி அணிந்து தமது சந்தோஷங்களைத் தெரிவிக்கின்றனர்.

திறந்தவெளிச் சிறையில் தமிழ் உயிர்கள்.......

2009-02-25T06:08:00.000-08:00

ஈழத்தமிழன் போர் இன்னல்களிலும் விட மிகவும் கொடுமையான துன்பத்தை இன்று வவுனியா திறந்தவெளி சிறையில் அனுபவித்துக்கொண்டு இருக்கின்றான்.தமிழன் என்றால் விடுதலைப் புலி..என்று சொல்லும் அரசாங்கம் போர் நடைபெறும் பிரதேசத்தை விட்டு வாருங்கள் உங்களுக்கு நாங்கள் பாதுகாப்புத் தருகின்றோம் என்று சொல்லி முல்லைத்தீவில் இருந்து இடம் பெயர்ந்து வரும் மக்களை அகதி முகாம் என்ற பெயரில் கம்பிவேலிகள் அமைத்து அவர்களை அதற்கு வாழும்படியும் எக்காரணங்கள் கொண்டும் அவர்கள் வெளியேறாதபடி கடும் பாதுகாப்பும் போட்டு இன்று மக்களை கடும் சோதனைக்கு உள்ளாக்கிக்கொண்டிருக்கின்றார்கள்.துப்பாக்கி முனையில் கல்வி.... துப்பாக்கி முனையில் குளியல்... என்ன கொடுமை.... எமது சகோதர உறுவுகளுக்கு ...விசாரணையின் பேரில் கற்பழிப்புக்கள்.....யாருக்குத் தெரியும்.....உள்ளுக்குள் நடப்பவை??உலக நாடுகள் கூட சொல்லிப்பார்த்துவிட்டது அரசாங்கத்திற்கு வவுனியா அகதி முகாம்களில் தங்கியிருப்பவர்களுக்கு சுதந்திரமாக விடவேண்டும் என்று ஆனால் அரச தரப்பு குருடன் காதில் ஊதிய சங்காகவே இருக்கின்றது.ஒரு அகதி முகாமுக்குள்ளேயே எமது மக்களால் சுதந்திரமாக சுபீட்சமாக வாழ முடியாத நிலையில் எப்படி இந்த நாட்டில் தமிழ் மக்களால் சுபீட்சமாகவும் சுதந்திரமாகவும் வாழ முடியும்.தமிழர்களுக்கான சுயநிர்ணய உரிøமயைக் கொடுப்போம் அவர்களுக்கும் சம அந்தஸ்து கொடுப்போம் என்று மஹிந்த அரசாங்கம் சொல்வது... நடக்காத காரியம்.இதை இந்தியா நம்பி (சேர்ந்து) தமிழர்களை அழிக்கும் நடவடிக்கைக்கு துணை போகின்றது.பிரிட்டன் அமெரிக்கா ஈழப்பிரச்சினையில் கொண்டிருக்கும் அக்கறை கூட இந்தியாவிடம் இல்லாதது... தேச துரோகமே... அவர்களின் பாணியில் சொன்னால் இந்திய இறையாண்மைக்கு எதிராகவே செய்துகொண்டிருக்கின்றது.வெளிநாடுகள் போர்ரை நிறுத்துமாறு வேண்டிக் கொண்டவுடன் இந்தியா விழுந்து அடித்துக்கொண்டு மக்களை போரில் இருந்து காப்பற்றவேண்டும் என்று பிரணாப் கூறுவது சிரிப்பாகவே இருக்கின்றது.ஐ.நா.வின் அறிக்கைகளைப் பார்த்து இந்தியா பயந்து விட்டது என்றுதான் சொல்லத் தோன்றுகின்றது.ஐ.நா.படைகளை இலங்கைக்கு அனுப்பு என்று உலக நாடுகள் பல வற்றில் தமிழர்கள் போராட்டம் மட்டும் மல்ல தீக்குளிப்புக்களையும் நிகழத்திக்கொண்டிருக்கின்ற வேளையில்....சில நேரம் ஐ.நா படைகள் வந்தால் இந்தியாவுக்குத்தான் ஆபத்து. பாக்குநீரினையில் அமெரிக்கப் போர்க்கப்பல்களின் வருகை... இந்தியாவின் சகோதர நாடான இலங்கையால் இந்தியாவுக்கு ஆபத்து. குரங்கு ஆப்பு இழுத்த கதையாகத்தான் இந்தியாவின் நிலை மாறப்போகின்றது என்பது நிதர்சனம்.

ஏ.ஆர்.ரஹ்மான் நடந்து வந்த பாதை

2009-02-23T21:41:00.000-08:00

தென்னிந்தியத் திரைப்படங்களில் இசையமைப்பாளராகவும, இசை நடத்துனராகவும் பணியாற்றியவர் ஆர்.கே.சேகர். இவரது மகனாக 1967ம் ஆண்டு ஜனவரி 6ம் தேதி பிறந்தார் ஏ.எஸ்.திலீப் குமார். இவர்தான் இன்றைய ஏ.ஆர்.ரஹ்மான்.ரஹ்மானுக்கு 9 வயதாக இருந்தபோது தந்தை சேகர் மரணமடைந்தார். இதனால் குடும்பம் நெருக்கடி நிலைக்குத் தள்ளப்பட்டது. வீட்டில் இருந்த இசைப் பொருட்களையெல்லாம் விற்றும், வாடகைக்கு விட்டும் ஜீவனம் நடத்த வேண்டிய துர்பாக்கிய நிலை.இந்த நிலையில், 1989ம் ஆண்டு இஸ்லாமுக்கு மாறினார் ரஹ்மான். இந்தக் காலகட்டத்தில், கீ போர்ட் பிளேயராக மாறினார் ரஹ்மான். தனது பால்ய நண்பரான டிரம்ஸ் சிவமணி மற்றும் ஜான் ஆன்டனி, ஜோஜோ, ராஜா ஆகியோருடன் இணைந்து இசைக் குழுக்களில் பணியாற்றத் தொடங்கினார்.கீபோர்ட், ஹார்மோனியம், கிதார் பியானோ, சிந்தசைசர் ஆகியவற்றில் திறமை மிக்கவராக விளங்கினார். ஆனால் சிந்தசைசரில்தான் அவருக்கு அதிக பிரியம். இசையையும், தொழில்நுட்பத்தையும் சரியான கலவையில் இணைக்கும் கருவி என்பதால் சிந்தசைசரில் அவருக்கு அதிக ஆர்வம் ஏற்பட்டது.ஆரம்பத்தில் மாஸ்டர் தன்ராஜிடம் இசை பயின்றார். 11 வது வயதில் இசைஞானி இளையராஜாவிடம் கீபோர்ட் கலைஞராக சேர்ந்தார்.பின்னர் மெல்லிசை மன்னர் எம்.எஸ்.விஸ்வநாதன், ரமேஷ் நாயுடு, ஜாகிர் உசேன், குன்னக்குடி வைத்தியநாதன், எல்.சங்கர் ஆகியோருடனும் இணைந்து பணியாற்றினார்.எல்.சங்கருடன் இணைந்து அவர் நடத்திய பல உலகளாவிய கச்சேரிகளில் ரஹ்மானும் இணைந்து பங்காற்றினார். இதற்கிடையே லண்டன் டிரினிட்டி இசைக் கல்லூரியில் ஸ்காலர்ஷிப்பை முடித்தார். மேற்கத்திய கிளாசிகல் இசையில் டிகிரியும் முடித்தார்.1992ம் ஆண்டு ரஹ்மானின் இசைப் பயணத்தில் முக்கிய மைல் கல். தனியாக சொந்தமாக இசைப் பதிவு மற்றும் இசைக் கலப்பு ஸ்டுடியோவை தொடங்கினார் ரஹ்மான். தனது வீட்டுக்குப் பின்னால் இந்த ஸ்டுடியோவைத் தொடங்கினார். பஞ்சதன் ரெக்கார்ட் இன் என்று அதற்குப் பெயர். இன்று இந்தியாவின் அதி நவீன ரெக்கார்டிங் ஸ்டுடியோக்களில் ஒன்றாக பஞ்சதன் விளங்குகிறது.இந்த ரெக்கார்டிங் ஸ்டுடியோவைத் தொடங்கிய பின்னர் விளம்பர ஜிங்கிள்ஸ், டிவி நிறுவனங்களின் முகப்பு இசை (ஏசியாநெட், ஜெஜெ டிவி ஆகியவற்றின் முகப்பு இசையை ரஹ்மான்தான் வடிவமைத்தார்) உள்ளிட்ட இசைப் பணிகளில் ஈடுபட்டார்.இந்த நிலையில் மணிரத்தினம் உருவில் ரஹ்மானுக்கு திடீர் திருப்பம் ஏற்பட்டது. தனது ரோஜா படத்துக்கு இசை மற்றும் பின்னணி இசை அமைத்துத் தர வேண்டும் என்று கேட்டார் மணிரத்தினம்.சந்தோஷத்துடன் ஒத்துக் கொண்ட ரஹ்மான், தனது திறமைகளை அப்படியே அதில் கொட்டினார். ரோஜா ஏற்படுத்திய இசை பாதிப்பை சொல்லித் தெரிய வேண்டியதில்லை. முதல் படத்திலேயே இந்தியா முழுவதையும் தன் பக்கம் ஈர்த்த பெருமைக்குரியவர் ரஹ்மான். கூடவே தேசிய விருதையும் பெற்று இந்திய இசைப் பிரியர்கள் மத்தியில் ஒரு புதிய எதிர்பார்ப்பை ஏற்படுத்தினார். இசையிலும் ஒரு புதிய வடிவத்தை அறிமுகப்படுத்தினார்.அதன் பிறகு ரஹ்மானின் இசைப் பயணம் புயல் வேகத்தில் இருந்தது. 1997ல் இசையமைத்த மின்சாரக் கனவு, 2002ல் இசையமைத்த லகான், 2003ம் ஆண்டு இசையமைத்த கன்னத்தில் முத்தமிட்டால் ஆகிய படங்களுக்காக தேசிய விருதுகளைப் பெற்றார்.அதிக அளவிலான தேசிய விருதுகளைப் பெற்ற ஒரே இசையமைப்பாளர் இன்றைய தேதிக்கு ரஹ்மான் மட்டுமே. ரோஜாவுக்குப் பிறகு தமிழில் மட்டுமல்லாமல் இந்தியிலும் தனது முத்திரையைப் பதித்தார் ரஹ்மான். தமிழைப் போலவே இந்தியிலும் முன்னணி இசையமைப்பாளராக பரிணமித்தார்.இந்தியாவின் முன்னணி பாடலாசிரியர்களான வாலி, குல்ஸார், மெஹபூப், வைரமுத்து ஆகியோருடன் இணைந்து அதிக பாடல்களைக் கொடுத்த பெருமைக்குரியவர் ரஹ்மான்.அதேபோல மணிரத்தினம், ஷங்கர் என முன்னணி இயக்குநர்களுடனும் அதிக அளவில் பணியாற்றியவரும் ரஹ்மான்தான்.குறிப்பாக மணிரத்தினம், ஷங்கரின் ஆஸ்தான இசையமைப்பாளராகவே மாறிப் போனார் ரஹ்மான். திரை இசை தவிர்த்து தனியான ஆல்பங்கள் பலவற்றையும் படைத்துள்ளார் ரஹ்மான். இவரது இசையில் உருவான வந்தே மாதரம் இன்றைய தேதிக்கு இந்தியாவில் அதிகம் கேட்கப்பட்ட இசை வடிவமாக உள்ளது. 1997ம் ஆண்டு இந்தியாவின் சுதந்திர தின பொன்விழாவையொட்டி வந்தே மாதரத்தை வெளியிட்டார் ரஹ்மான்.1999ம் ஆண்டு ஷோபனா, பிரபுதேவா ஆகியோருடன் இணைந்து மியூனிச் நகரில் மைக்கேல் ஜாக்சனுடன் இணைந்து கச்சேரி செய்தார் ரஹ்மான்.2002ம் ஆண்டு லண்டனைச் சேர்ந்த பிரபல நாடக இசையமைப்பாளர் ஆண்ட்ரூ லாயிட் வெப்பருடன் இணைந்து லண்டன் வெஸ்ட் என்ட் ஹாலில், பாம்பே ட்ரீம்ஸ் என்ற மேடை நாடகத்திற்கு இசையமைத்தார் ரஹ்மான்.இதுதான் மேற்கத்திய இசையின் பக்கம் ரஹ்மானின் முத்திரை முதலில் பதிந்த நிகழ்வு.அதேபோல 2004ம் ஆண்டு லார்ட் ஆப் தி ரிங்ஸ் என்ற நாடகத்திற்கு இசையமைத்தார். கடந்த 6 ஆண்டுகளில் சிங்கப்பூர், ஆஸ்திரேலியா, மலேசியா, தூபாய், இங்கிலாந்து, கனடா, அமெரிக்கா மற்றும் இந்தியாவில் 3 வெற்றிகரமான உலக இசை நிகழ்ச்சிகளை நடத்தினார் ரஹ்மான்.2008ம் ஆண்டு டிசம்பர் 12ம் தேதி கனெக்ஷன்ஸ் என்ற திரை இசை அல்லாத ஆல்பத்தை வெளியிட்டார் ரஹ்மான்.கர்நாடக இசை, மேற்கத்திய கிளாசிகல், இந்துஸ்தானி மற்றும் கவ்வாலி இசையில் திறமை மிக்கவரான ரஹ்மானுக்கு புதிய வடிவில் புதிய இசையைக் கொடுப்பது அல்வா சாப்பிடுவது போல.ஒவ்வொரு இசை வடிவிலும் உள்ள சிறப்புகளை எடுத்து, புதிய வடிவில் அவற்றை சாமானியர்களுக்கும் ரசிக்கும் வகையில் கொடுத்ததே ரஹ்மானின் வெற்றிக்கு முக்கிய காரணம்.இளம் வயதினருக்கான இசையை மட்டுமே ரஹ்மான் கொடுக்கிறார் என்ற ஒரு பேச்சு இருந்தாலும் கூட எந்த நிலையினரும் ரசிக்கக் கூடிய வகையிலேயே ரஹ்மானின் இசை உள்ளது என்பதை யாரும் மறுக்க முடியாது.ஏ.ஆர்.ரஹ்மானின் இசைப் பயணம் போலவே அவரது குடும்பப் பயணமும் ரம்மியமானது. அவரது மனைவி சாய்ரா பானு. இவர்களுக்கு கதீஜா, ரஹீமா, அமன் என மூன்று மகள்கள்.ரஹ்மானின் முதல் படங்கள் ...தமிழில் ரஹ்மானுக்கு முதல் படம் ரோஜா. இந்தியிலும் இது டப் ஆனது. இந்தியில் ரஹ்மானின் நேரடி முதல் படம் ரங்கீலா.மலையாளத்தில் முதல் படம் யோதா.தெலுங்கில் முதல் படம் சூப்பர் போலீஸ்.ஆங்கிலத்தில் முதல் படம் வாரியர்ஸ் ஆப் ஹெவன்.ரஹ்மானை அலங்கரித்த விருதுகள் ...எத்தனை படங்களுக்கு ரஹ்மான் இசையமைத்தாரோ அதை விட சற்று கூடுதலாகவே விருதுகளைக் குவித்து வைத்திருக்கிறார் ரஹ்மான்.அவரது விருதுகளின் உச்சம் சமீபத்தில் ஸ்லம்டாக் மில்லியனர் படத்திற்காக கோல்டன் குளோப், பாஃப்டா விருதுகள்.இவை தவிர ரஹ்மான் பெற்ற பிற விருதுகள் ..ஆர்.டி.பர்மன் சிறந்த இசைத் திறமைக்கான விருது (ரோஜா, 1995), பத்மஸ்ரீ (2000), அவாத் சம்மான் (2001), அல் அமீன் கலவிக் கழக சமுதாய விருது (2001), அமீர் குஸ்ரூ சங்கீத் நவாஸ் விருது (2002), லதா மங்கேஷ்கர் சம்மான் (2005), மகாவீர் மகாத்மா விருது (2005), ஸ்டான்போர்ட் பல்கலைக்கழக விருது (2006).தேசிய விருதுகள்ரோஜா (1993), மின்சார கனவு (1997), லகான் (2002), கன்னத்தில் முத்தமிட்டால் (2003).பிலிம்பேர் விருதுகள்ரோஜா (1993), ஜென்டில்மேன் (1994), காதலன் (1995), ரங்கீலா (1996), பாம்பே (1996), காதல் தேசம் (1997), மின்சார கனவு (1998), தில் சே (1999), ஜீன்ஸ் (1999), தால் (2000), முதல்வன் (2000), அலை பாயுதே (2001), லகான் (2002), லெஜன்ட் பகத் சிங் (2003), சாதியா (2003), ஸ்வதேஸ் (2005), ரங் தே பசந்தி (2007), சில்லுன்னு ஒரு காதல் (2007), குரு (2008), குரு (சிறந்த பின்னணி இசை, 2008)ஸ்க்ரீன் விருதுகாதல் தேசம் (1997), மின்சார கனவு (1998), வந்தே மாதரம் (1998), தால் (2000), ரங் தே பசந்தி (2007), குரு (2008), ஜோதா அக்பர் (2009), ஜானே து யா ஜானே நா (2009).தினகரன் சினி விருதுகள்மின்சார கனவு (1998), ஜீன்ஸ் (1999), முதல்வன், காதலர் தினம் (2000).தமிழக அரசு விருதுரோஜா (1993), ஜென்டில்மேன் (1995), காதலன் (1995), பாம்பே (1996), மின்சார கனவு (1998), சங்கமம் (2000).சினிமா எக்ஸ்பிரஸ் விருதுரோஜா (1993), ஜென்டில்மேன் (1994), காதலன் (1995), காதல் தேசம் (1997), ஜீன்ஸ் (1999).கலாசாகர் விருதுரோஜா (1993), ஜென்டில்மேன் (1994), காதலன் (1995), பாம்பே (1996).பிலிம்பேன்ஸ் விருதுரோஜா (1993), ஜென்டில்மேன் (1994), காதலன் (1995), பாம்பே (1996).சினி கோயர்ஸ் விருதுரோஜா (1993), ஜென்டில்மேன் (1994), காதலன் (1995), பாம்பே (1996).ஜீ விருதுஜீ சினி விருது (குரு, 2008), ஜீ சங்கீத் விருது (தில் சே, 1999), ஜீ சினி விருது (தால், 2000), ஜீ கோல்ட் பாலிவுட் இன்டர்நேஷனல் விருது (தால், 2000), ஜீ பேர்குளோ விருது (லகான், 2002), ஜீ கோல்ட் பாலிவுட் விருது (லகான், 2002), ஜீ சினி விருது (சாதியா, 2003), ஜீ கோல்ட் பாலிவுட் விருது (சாதியா, 2003), ஜீ சினி விருது (லெஜன்ட் ஆப் பகத் சிங், 2003), ஜீ சினி விருது (ரங் தே பச்தி, 2007), சர்வதேச இந்திய திரைப்பட விருதுதால் (2000), லகான் (2002), சாதியா (2003), ரங் தே பசந்தி (2007), குரு (2007),குளோபல் இந்தியன் திரை விருதுசிறந்த பின்னணி இசை, சிறந்த இசை (ரங் தே பசந்தி, 2007)

இசை தமிழனுக்கு விருது..

2009-02-23T04:20:00.000-08:00

ஒஸ்கார் திரைக்கலைஞர்களின் இமயக் கனவு... வெள்ளைக்காரனுக்கே மட்டும் சொந்தமான இந்த விருது... இன்று ஒரு நம் இசைப்புயல் ஏ.ஆர்.ஆர். என்று சுருக்கமாக அழைக்கப்படும் ஏ.ஆர்.ரஹுமானுக்கு கிடைத்துள்ளது.
இந்தியக் கலைஞர்கள் இருவர் மட்டுமே இதுவரை ஓஸ்கர் விருதைப் பெற்றுள்ளனர். கடந்த 1982 ஆம் ஆண்டு 'காந்தி' படத்துக்காக சிறந்த காஸ்ட் யூம் டிசைனருக்கான ஓஸ்கர் விருதை பானு அதையா வென்றார்.கடந்த 1992ல் இந்தியாவின் புகழ்பெற்ற திரைப்பட படைப்பாளியான சத்யஜித் ரேவுக்கு 'வாழ்நாள் சாதனையாளர் விருதை' ஓஸ்கர் வழங்கியது. சத்யஜித்ரே இருந்த மருத்து வமனைக்கே ஓஸ்கர் விருதுக் குழுவினர் தேடிவந்து இந்த விருதினை வழங் கினர். இப்படி இருந்த நிலையில் இந்தியாவில் தயாரான ஸ்லம்டாக் மில்லி யனர் படத்துக்கு 8 விருதுகள் கிடைத்துள்ள.லாஸ் ஏன்ஜெல்ஸ்: ஸ்லம்டாக் மில்லியனர் படத்தில் மிகச் சிறந்த இசையமைத்தற்காக ஏ.ஆர்.ரஹ்மானுககு ஓஸ்கர் விருது வழங்கப்பட்டுள்ளது. மேலும் இந்தப் படத்தின் ஜெய் ஹே பாடல் மிகச் சிறந்த பாடலாக தேர்வு செய்யப்பட்டு இன்னொரு விருதும் வழங்கப்பட்டுள்ளது.இரு ஓஸ்கர் விருதுகளை வென்ற முதல் இந்தியர் ரஹ்மான் என்பது குறிப்பிடத்தக்கது.சிறந்த ஒரிஜினல் ஸ்கோர் பிரிவில் ஒரு விருதும், 'ஜெய் ஹே' பாடலுக்கு ஒரு விருதுமாக ரஹ்மான் இரு ஆஸ்கர் விருதுகளை வென்றார். ஜெய் ஹே பாடலுக்கான விருதை ரஹ்மானுடன் சேர்த்து அதை எழுதிய பாடலாரிசியர் குல்சாரும் பெற்றுள்ளார்.
ஒரிஜினல் ஸ்கோருக்கான முதல் விருதை வென்ற ரஹ்மான் ஆஸ்கர் விருது விழா நடக்கும் கோடாக் தியேட்டரில் இந்தப் படத்தின் பாடலான 'ஜெய் ஹே' பாடலை மேடையில் ஆடல் பாடலுடன் அரங்கேற்றி ஆஸ்கர் அரங்கையே அதிரச் செய்தார்.இந் நிலையில் சிறந்த பாடலுக்கான விருதும் ஜெய் ஹேவுக்கு வழங்கப்படுவதாக அறிவிக்கப்பட்டது. இதையடுத்து மேடையில் ஆடிக் கொண்டிருந்த நிலையில் ரஹ்மானுக்கு இரண்டாவது விருதும் கிடைத்தது.இந்தப் படத்துக்கு சிறந்த சவுண்ட் மிக்சிங்குக்கான விருதும் கிடைத்துள்ளது. இந்த விருதை தமிழகத்தைச் சேர்ந்த சவுண்ட் மிக்சிங் நிபுணர் பூக்குட்டி வென்றுள்ளார்.
இதன்மூலம் ஓஸ்கர் வென்ற மூன்றாவது இந்தியர் என்ற பெருமையை பூக்குட்டி பெற்றுள்ளார்.மேலும் சிறந்த படம், இயக்குனர், எடிட்டிங் உள்பட ஸ்லம்டாக் மில்லியனர் மேலும் 6 விருதுகளையும் வென்றுள்ளது. மொத்தத் தில் இந்தப் படம் 8 விருதுகளை வென்றுள்ளது.அதிலும் சிறந்த பாடலுக்கான விருதையும் சிறந்த இசையமைப்புக“கான விருதினையும் தனது வசப்படுத் திக்கொண்டார். ரஹ்மான்.கமல் ஒவ்வொரு முறையும் சோதனைகள் செய்து திரைப்படங்களில் நடிக்கும் போதும்.. சொல்வார் தமிழ் சினிமாவுக்கு ஓஸ்கார் கிடைக்க வேண்டும் என்றால் ஒரு ஆங்கிலப்படத்தில் நடித்தால் கிடைத்து விடும்.அது யதார்த்தம் என்பது இன்று அனைவருக்கும் புலனாகின்றது.